20. nóvember - 27. nóvember - Tbl 47
Kjúklingur í kartöfluflögum
Árni Hermannsson
Árni Hermannsson sér um matarkrók vikunnar og kemur hér með dýrindis kjúklingauppskrift.
Kjúklingur í kartöfluflögum með sýrðum rjóma og lauk
Hráefni:
3-4 kjúklingabringur
1-2 egg hveiti
1 poki flögur
sýrður rjómi
laukur (300 gr) eða bara það sem hver vill,
salt og pipar
Einfaldur og góður réttur og er alltaf vinsæll í mínu heimili.
Aðferð:
Það er ágætt að skera bringurnar eftir endilöngu, allavega ef þær eru mjög stórar.
Krydda bringurnar með smá salti og pipar, velta þeim því næst upp úr hveiti, eggjunum og svo síðast upp úr flögunum.
Bringunum er síðan raðað í smurt eldfast mót þannig að þeim sé ekki þétt raðað.
Ofninn er svo stilltur á 170° og bringurnar látnar vera þar inni í 25-30 mín.
Sveppa og rjómaostasósa
Hráefni:
6 sveppir.
olía til steikingar.
½ piparostur
5 dl. matreiðslurjómi
1 tsk. season all (eða sambærilegt)
½ tsk sítrónupipar
1 ½ tsk. nautakraftur
1 – 2 tsk. rifsberjasulta.
Aðferð:
1. Skerið sveppina í sneiðar og brúnið á pönnu.
2. Skerið piparostinn í litla bita og látið í pott.
3. Hellið ögn af rjómanum saman við og leysið ostinn upp við frekar vægan hita (1 ½ )
4. Þegar osturinn er uppleystur látið þá sveppina og afganginn af rjómanum saman við, ásamt kryddi, krafti og sultu og látið malla í 3-4 mínútur við vægan hita. Gott að bera fram með sætum kart- öflum og fersku salati og eða nýbökuðu snittubrauði.
Verði ykkur að góðu
Nýjast
-
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni.
