Keðjusagarlistamaðurinn Jirí gerð tréskúlptúrinn Skógræktandann í Kjarnaskógi
Skógræktandinn er nýtt verk sem unnið var í Kjarnaskógi af tékkneskum keðjusagarlistamanni, Jirí Ciesler. Sá var á ferðinni á Akureyri til að heilsa upp á son sinn, Mates Cieslar sem starfar hjá Skógarmönnum. Þeir litu við í kaffisopa hjá Skógaræktarfélagi Eyfirðinga í Kjarnaskógi og var fast mælum bundið eftir sopann að nauðsynlegt væri að til væri verk eftir Jirí á Íslandi.
„Jirí er hagur bæði á stál og járn,“ segir Ingólfur Jóhannsson framkvæmdastjóri SE en hann hafi unnið við trjáhirðu um tíðina jafnframt því að gera listskúlptúra úr tré þar sem keðjusög og skurðjárn eru helstu verkfæri hans. Þá hefur Jirí tekið þátt í fjölmörgum keppnum og sýningum og eitt af verkum hans hefur ratað til Rómar og er hýst í hjá sjálfum páfanum þar í borg.
Fjölmargir fylgdust með
Það tók Jíri um þrjá daga að ljúka verkinu, en það vann hann fyrir opnum tjöldum á hólnum við Sólúrið. Fjölmargir gestir litu við og heilsuðu upp á hann meðan hann vann að verkinu og fylgdist fólk gaumgæfilega með verklaginu og framgangi verksins, enda keðjusagarlist Íslendingum framandi.
Áður en hann hófst handa hafði hann litið augum mynd af prúðbúnu fólki við gróðursetningastörf á fyrri tíð, Bada skó sem Hrefna Hjálmarsdóttir sendi félaginu, en þeir koma frá Tékklandi og voru vinsælir áður fyrr meðal bænda og skógræktenda. Þá sá hann einnig ryðgaða bjúgskóflu sem notuð var í Kjarna á síðustu öld. „Með þetta nesti í farteskinu skapaði hann svo listaverkið fyrir allra augum,“ segir Ingólfur.
Óeigingjarnt framlag til Kjarnasamfélagsins
„Það hafa margir haft samband við okkur og lýst yfir ánægju með þetta verkefni og hrifningu sinni á því. Eins er fólk ánægt með að við heiðrum með því ræktunarfólkið okkar, þá sem lögðu grunn að því mikla lýðsheilsumannvirki sem Kjarnaskógur er nú. Við munum finna verkinu góðan stað og búa því trausta umgjörð,“ segir Ingólfur og vonast til að Jirí verði viðstaddur vígsluathöfn næsta vor. „Við erum afskaplega þakklát þessum hógværa listamanni fyrir þetta óeigingjarna framlag til Kjarnasamfélagsins.“
Jirí að snurfusa verkið
Óneitanlega ábúarfullur á svip
Fjölmargir litu við og fylgdust með Jirí að störfum. Ein þeirra var Guðríður Friðriksdóttir sviðsstjóri
hjá Akureyrarbæ sem hér heilsar upp á listamanninn.
Listaverk unnið með sög og endalausum hæfileikum.
Nýjast
-
Jólamyndahefðir sem vert er að njóta
Jólin er tími samveru og góðra stunda með þínum nánustu. Oftar en ekki sest fjölskyldan saman fyrir framan sjónvarpið og horfir á góða jólamynd. Þessar jólamyndir geta verið alls konar og án efa velja allir einhverja, allavega eina, jólamynd sem þeir horfa á á hverju ári. Ef ekki, þá mæli ég sterklega með því að byrja með þá jólahefð að horfa saman öll fjölskyldan á allavega eina jólamynd yfir hátíðirnar. -
Upp Kirkjutröppurnar á jólatónleika Hymnodiu
Kirkjutröppurnar á Akureyri verða opnaðar formlega á ný sunnudaginn 22. desember kl. 16. Þá opnar Akureyrarkirkja dyr sínar til að samfagna endurbótunum á þessum mikilvæga hluta af ásýnd Akureyrar. Klukkan níu um kvöldið verða svo jólatónleikar Hymnodiu sem hafa verið fastur liður um árabil í Akureyrarkirkju daginn fyrir Þorláksmessu. -
Fjölmenn afmælis og sjómannahátíð
Það var fjölmenni sem mætti á matsal ÚA í gær þegar þess var minnst að 50 ár voru liðin frá því að Kaldbakur EA 301 sigldi til heimahafnar nýsmíðaður frá Spáni. Við þetta tilefni voru afhjúpuð líkön af Kaldbak/Harðbak og einnig Sólbak sem var fyrsti skuttogari ÚA. Það eru fyrrum sjómenn ÚA undir forgöngu Sigfúsar Ólafs Helgassonar sem voru hvatamenn að þessum smíðum. -
Færni á vinnumarkaði - fyrsti nemendahópurinn brautskráður
SÍMEY brautskráði í gær sex nemendur á námsbrautinni Færni á vinnumarkaði en upp á þessa námsbraut var í fyrsta skipti boðið núna á haustönn í öllum símenntunarmiðstöðvum landsins. Í það heila ljúka um sjötíu nemendur þessu námi um allt land núna í desember og eftir áramót -
Vel mætt í Fálkafellsgönguna
Í dag fórum um 30 manns í ljósastyrktargöngu upp í Fálkafell til styrktar Velferðasjóðs Eyjafjarðasvæðisins. Hópurinn fékk hið besta veður, logn, frost og frábært gönguveður -
Stuðningur við flóttamannaverkefni Rauða krossins við Eyjafjörð
Sigurður H. Ringsted kom færandi hendi til okkar í Rauða krossinn við Eyjafjörð með afrakstur af sölu dagatala sem hann hannaði og seldi í samstarfi með konunni sinni Bryndísi Kristjánsdóttur. -
Jólaró
Nú styttist heldur betur í jólin. -
Sjúkrabíllinn kominn aftur út í Hrísey
Sjúkrabíllinn í Hrísey er nú kominn aftur út í eyjuna eftir að hafa verið færður í land til yfirferðar og viðgerðar. -
Ljósastyrktarganga upp að Fálkafelli í dag til styrktar Velferðarsjóðs Eyjafjarðar
Það kom upp hugmynd um að hafa styrktargöngu upp í Fálkafell fyrir jólin og var ákveðið að skella í eina slíka. Tilvalið að mæta með rauðar húfur eða jólahúfur.
