Dagskráin 29. janúar - 5. febrúar - Tbl 4
Kaldbakur, Björgúlfur og Björg aflahæstu togarar landsins á síðasta ári
Kaldbakur EA 1 á landleið með góðan afla / mynd: Þorgeir Baldursson
Systurskip Samherja, Kaldbakur EA 1, Björgúlfur EA 312 og Björg EA 7 eru í þremur efstu sætum yfir aflahæstu togara ársins 2024.
Aflahæsti togarinn var Kaldbakur, afli skipsins var 8.933 tonn. Í öðru sæti var Björgúlfur, með 8.687 tonn og í þriðja sæti var Björg með 8.186 tonn á síðasta ári.
Vefurinn aflafrettir.is tekur saman veiðar íslenskra skipa og birtir á vef sínum og eru tölurnar fengnar þaðan.
Togarar Samherja sjá landvinnslum félagsins á Akureyri og Dalvík fyrir hráefni, þar sem starfa um þrjú hundruð manns. Sjómenn á skipum Samherja eru samtals um tvö hundruð, enda tvöföld áhöfn á hverju skipi.
Veiðar, vinnsla og sala afurða fara saman
Kristján Vilhelmsson framkvæmdastjóri útgerðarsviðs Samherja segir að systurskipin hafi reynst afskaplega vel. „ Í sjálfu sér er ekki sérstakt markmið að vera í efstu sætum á þessum listum, verkefnið er fyrst og fremst að koma á tilsettum tíma með góðar afurðir til vinnslu. Hráefnisstýring er stór þáttur í starfsemi sjávarútvegsfyrirtækja, þar sem veiðar, vinnsla og sala afurða fara saman. Til þess að sjá vinnslunum fyrir hráefni, þurfa skipin að landa sex til sjö sinnum í viku, sem þýðir í raun að þau landa stundum tvisvar sinnum í sömu vikunni. Stýring veiða getur því á köflum verið nokkuð flókin. Okkur tókst að halda vinnslunum gangandi alla daga ársins nema tvo vegna óveðurs, enda kallar markaðurinn eftir stöðugu framboði.“
Góð skip og valinn maður í hverju rúmi
„Systurskipin eru að verða átta ára gömul og hafa þau reynst okkur afskaplega vel, enda var vandað til allra verka við smíði þeirra og viðhald hefur alltaf verið með ágætum. Síðast en ekki síst eru skipin vel mönnuð, valinn maður er í hverju plássi á öllum skipum félagsins,“ segir Kristján Vilhelmsson.
Heimasíða Samherja segir fyrst frá
Nýjast
-
Kona stórslösuð eftir árás Rottweiler hunds Axlarbrotin, sinar og vöðvar í sundur
„Þetta er eitt það skelfilegast sem ég hef lent í,“ segir kona sem varð fyrir árás hunds í Naustahverfi nýverið. Hundurinn er af tegundinni Rottweiler. Hundurinn var í taumi þegar hann réðst að konunni fyrirvaralaust og án nokkurs tilefnis. -
Skálmöld og Hymnodia — Aukatónleikar í Hofi n.k. laugardag
Uppselt er á tónleika Skálmaldar og kammerkórsins Hymnodiu í Hofi á laugardagskvöldið kemur, því hefur aukatónleikum verið bætt við sama dag klukkan 17:00. -
Fjármálaþjónusta framtíðarinnar - 30. janúar | SFF
Beint streymi verður frá ráðstefnu Samtaka fyrirtækja í fjármálaþjónustu (SFF) og Fjártækniklasanum, sem haldin verður í Hörpu, á morgun fimmtudag 30. janúar, frá 13.30-16.00. -
100 ár liðin frá stofnfundi Akureyrardeildar Rauða krossins
„Við erum afskaplega stolt af deildinni okkar og þá sérstaklega hve margir sjálfboðaliðar starfa fyrir hana því þau verkefni sem við sinnum byggjast fyrst og fremst á sjálfboðaliðastarfi,“ segir Ingibjörg Halldórsdóttir deildarstjóri Eyjafjarðardeildar Rauða krossins. 100 ára voru í gær liðin frá stofnfundi Akureyrardeildar Rauða krossins á Íslandi. -
Þingeyjarsveit - Hættuleg gatnamót? Varasöm beygja?
Þingeyjarsveit vinnur nú að umferðaröryggisáætlun fyrir sveitarfélagið. Markmið hennar er að búa til aðgerðaráætlun svo auka megi öryggi í sveitarfélaginu, fækka slysum og auka lífsgæði íbúa sem og annarra sem um sveitarfélagið ferðast. -
Skiptinemi í Kína
Á heimasíðu VMA í dag gefur að líta viðtal við Huldu Ómarsdóttur en hún útskrifaðist af listnáms- og hönnunarbraut VMA vorið 2021. Hulda ákvað að því loknu, eins og hún orðar það, að skipta algjörlega um gír og sækja um nám í kínverskum fræðum við Háskóla Íslands. Hún er núna á þriðja ári í náminu og ver þessu skólaári í skiptinámi í Kína. -
Kaldbakur, Björgúlfur og Björg aflahæstu togarar landsins á síðasta ári
Systurskip Samherja, Kaldbakur EA 1, Björgúlfur EA 312 og Björg EA 7 eru í þremur efstu sætum yfir aflahæstu togara ársins 2024. -
,,Tungumálið er lykillinn"
-Segir Dóra Ármannsdóttir sem kennir innflytjendum íslensku -
Skilgreina hlutverk SAk sem varasjúkrahús
Alma Möller, heilbrigðisráðherra hefur skipað starfshóp sem falið er að vinna að nánari skilgreiningu og hlutverki varasjúkrahúss með tilliti til viðbragðsáætlana, neyðarviðbragða, þjóðaröryggisráðs, sjúkraflutninga, rannsóknarþjónustu og laga um heilbrigðisþjónustu.
