Akureyrarbær og Minjasafnið skrifa undir nýjan samning
Í dag var undirritaður nýr þjónustusamningur Akureyrarbæjar og Minjasafnsins á Akureyri sem tryggir rekstur og þjónustu Minjasafnsins næstu þrjú árin. Starfsemi safnsins afar fjölbreytt og er meginmarkmið samningsins að hann endurspegli hlutverk þess.
Minjasafnið safnar og varðveitir menningararfinn, skráir safnkost í munaskrá, rannsakar menningarminjar, miðlar menningararfnum og stendur fyrir eða tekur þátt í ýmsum viðburðum.
Fræðslustarf safnsins miðar að því að efla menningarlæsi íbúa á öllum aldursstigum. Sérstök áhersla er á menningu og lífshætti á starfssvæðinu. Fræðsla safnsins til íbúa og stofnana sveitarfélaganna er án endurgjalds.
Minjasafnið á Akureyri veitir almenningi og stofnunum á starfssvæði safnsins upplýsingar er varða safngripi, húsvernd, ljósmyndir og þjóðhætti án endurgjalds nema ef um viðameiri verkefni að ræða, s.s. húsakönnun, stærri rannsóknarverkefni eða útgáfu.
Minjasafnið á Akureyri veitir sveitarfélaginu ráðgjöf og stuðning um faglega starfsemi safna, annarra skyldra verkefna eða varðandi menningarminjar.
Sérstakur viðauki er við samninginn sem undirritaður var í dag en þar segir orðrétt: "Samningsaðilar eru sammála um að á árinu 2025 verði lokið við úttekt á geymslumálum safna í samræmi við Safnastefnu Akureyrar og að árinu 2026 muni samningsaðilar í sameiningu ljúka úttekt á húsnæðisþörf Minjasafnsins í samræmi við sömu stefnu."
Frá þessu segir á nýrri heimasíðu bæjarins, www.akureyri.is
Nýjast
-
Viðtalið - Sóley Björk Stefánsdóttir verkefnastjóri hjá Eyjafjarðardeild Rauða Krossins
„Við stefnum að því að fjölga sjálfboðaliðum sem starfa við Hjálparsímann 1717 hér fyrir norðan,“ segir Sóley Björk Stefánsdóttir verkefnastjóri hjá Eyjafjarðardeild Rauða Krossins á Akureyri. Alls starfa um þessar mundir 8 sjálfboðaliðar á starfsstöð Hjálparsímans á Akureyri. -
150 tonn af fatnaði send úr landi
Á árinu 2024 voru sendir úr landi frá Eyjafirði alls fjórtán 40-feta gámar, sem samsvarar 150 tonnum af fatnaði. Það sem ekki er nýtt til sölu innanlands er sent úr landi til endurvinnslu. Útflutningur var minni en á árinu 2023, sem nemur einum gámi. -
Tónleikaröðin Hvítar Súlur
Ný tónleikaröð „Hvitar Súlur“ hefur göngu sína á Pálmasunnudag í Menningarhúsinu Hofi á Akureyri. Þá stígur á stokk strengjakvartettinn Spúttnik skipaður þeim Sigríði Baldvinsdóttur, Diljá Sigursveinsdóttur, Vigdísi Másdóttur og Gretu Rún Snorradóttur. Flutt verða verk eftir Bach, Gylfa Garðarsson, Vasks að ógleymdum hinum víðfræga Keisarakvartett Haydns. -
,,Ætlum að búa til fallega samverustund"
Tónlistarhátíðin Hnoðri á Húsavík um páskahelgina -
Akureyrarbær og Minjasafnið skrifa undir nýjan samning
Í dag var undirritaður nýr þjónustusamningur Akureyrarbæjar og Minjasafnsins á Akureyri sem tryggir rekstur og þjónustu Minjasafnsins næstu þrjú árin. Starfsemi safnsins afar fjölbreytt og er meginmarkmið samningsins að hann endurspegli hlutverk þess. -
Kirkjurkórar syngja ekki bara Ave María og prjóna á milli messa
Kór Möðruvallaklausturskirkju í Hörgárdal er skipaður kraftmiklu fólki sem kallar ekki allt ömmu sína og stjórnandi þessa galvaska og síkáta hóps, Sigrún Magna Þórsteinsdóttir, vílar fátt ef nokkuð fyrir sér. Það er því oftar en ekki í þessu samstarfi að ýmsum hugmyndum er hrundið í framkvæmd. -
Kaffibrennslu Akureyrar lokað
Samkvæmt heimildum sem Vikublaðið telur áreiðanlegar, hefur ákvörðun verið tekin um að hætta rekstri Kaffibrennslunnar á Akureyri. -
Styrk stjórn gefur góðan árangur
Rekstri Akureyrarbæjar verður seint lýst með orðum Nóbelskáldsins um að allt fari þetta einhvern veginn. Ársreikningar sveitarfélagsins sýna svart á hvítu að styrk stjórn fjármála og aðhald í rekstri hafa skilað góðum árangri. -
Gefum íslensku séns. Til hamingju Norðlendingar !
Nemendur við Menntaskólann á Akureyri heimsótti Símey, símenntunarmiðstöð Eyjafjarðar í vikunni til að taka þátt í verkefninu Gefum íslensku séns, þar sem markmiðið er að æfa sig að tala íslensku sem annað mál.
