Innkirtlamóttaka SAk fagnar 10 ára afmæli
Frá upphafi hefur móttakan verið mikilvæg þjónusta fyrir einstaklinga með sykursýki og áður fyrir þau sem takast á við aðra innkirtlasjúkdóma á starfssvæði SAk. Hefur innkirtlamóttakan skipt talsverðu máli við að veita nærþjónustu og samfellu í meðferð. Innkirtlamóttaka SAk er innan Göngudeildar lyflækninga sem áður var Almenn göngudeild.
Í upphafi samanstóð teymið af hjúkrunarfræðingunum Árúnu K. Sigurðardóttur og Evu Hilmarsdóttur, innkirtlasérfræðingnum Finnboga Karlssyni og næringarfræðingnum Borghildi Sigurbergsdóttur. Í dag sinna Eva Hilmarsdóttir og Emilía Fönn Andradóttir hjúkrunarfræðingar móttökunni.
Þróun starfseminnar
Í nokkur ár eftir stofnun var starfrækt formlegt samstarf við innkirtlasérfræðinga Landspítala. Þá komu sérfræðingar tvisvar í mánuði norður, en með tímanum færðist þjónustan yfir í fjarviðtöl og samráðsfundi. Samningurinn rann út í apríl 2023 og unnið er að frekari aðkomu innkirtlasérfræðinga. Í dag er þetta því hjúkrunarmóttaka þar sem Eva og Emilía skipta með sér einu stöðugildi. Á móttökuna koma einstaklingar með sykursýki, sem þarfnast insúlínmeðferðar eða hafa flókna sjúkdómsmynd, einnig sinna hjúkrunarfræðingar ráðgjöf á aðrar deildir SAk og heilbrigðisstofnanir. Um 130 einstaklingar nýta nú þjónustu innkirtlamóttökunnar.
Einstaklingsmiðuð þjónusta
Á innkirtlamóttökunni er lögð áhersla á einstaklingsmiðaða þjónustu, hvatningu í lífsstíl, meðferðarstýringu og árlegt eftirlit til að fyrirbyggja fylgikvilla. Aðstandendur eru boðnir sérstaklega velkomnir með, enda skiptir stuðningsnet fjölskyldu og vina miklu máli í daglegu lífi með langvinnan sjúkdóm. Sú þjónusta sem hefur verið í boði hefur sparað fjölda ferðalaga suður og létt verulega undir með sjúklingum og fjölskyldum þeirra.
Frá þessu segir á sak.is
Nýjast
-
Margítrekuð tilmæli um tiltekt á lóðum hundsuð
Slæm umgengni á lóðum við Hamragerði á Akureyri, Setbergi á Svalbarðsströnd og nú síðast við Krossanes sem og númerslausir og afskráðir bílar innanbæjar á Akureyri, „eru allt saman kaflar í sömu sorgarsögunni sem fyrir löngu er orðin alltof löng,“ segir Leifur Þorkelsson framkvæmdastjóri Heilbrigðiseftirlits Norðurlands eystra. -
Vor í Norðurþingi
Í sveitarfélaginu Norðurþingi hefur árið farið vel af stað. Það hefur verið mikið að gera á framkvæmdasviðinu en stærsta framkvæmdaverkefni ársins verður bygging Frístundar og félagsmiðstöðvar. -
Yngsta kynslóðin sýndi listir sínar í PCC Reiðhöllinni
Knaparnir ungu sýndu allar sýnar bestu hliðar á hestbaki í dag og í gær -
Tækifæri til að skrá sig á spjöld sögunnar
Í afmælisveislu Völsungs sl. sunnudag notaði sögunefnd Völsungs tækifærið og birti annan áfanga í sögu félagsins. Sagan er á rafrænu formi og því aðgengileg öllum að kostnaðarlausu -
Eyfirsk söfn hringja inn sumarið
Eyfirski safnadagurinn verður haldinn Sumardaginn fyrsta, fimmtudaginn 24. apríl 2025 n.k. en þá opna söfn og sýningar við Eyjafjörð dyr sínar fyrir gestum og gangandi. -
Afgangur og þrír þræðir jarðtengingar
Ég vil byrja á því að viðurkenna staðreynd sem ekki er hægt að neita: Akureyrarbær er, þegar horft er á niðurstöðu nýs ársreiknings, í tiltölulega góðri fjárhagslegri stöðu. -
Þakkir - Ungir íshokkíleikmenn SA kepptu á alþjóðlegu móti í Svíþjóð
Sextán ungir og efnilegir íshokkí leikmenn Skautafélags Akureyrar tóku nýverið þátt í Uplandia Trophy í Stokkhólmi – alþjóðlegu íshokkímóti á vegum Sweden Hockey Trophy, sem sérhæfir sig í sterkum unglingamótum víðs vegar um Evrópu. Keppt var í AA deild, þar sem hörð samkeppni ríkir og öflug lið víðs vegar að tóku þátt. -
Bjánarnir úti á landi
Ég hef skrifað nokkrar ádrepur undanfarin misseri um það hvernig landið heldur áfram að sporðreisast með ríkisrekinni byggðaröskun og tilefnunum fjölgar enn. Ríflega 80% landsmanna býr nú milli Hvítánna tveggja, Íslandi til mikils framtíðarskaða. -
Völsungur og Landsbankinn endurnýja samstarfssamning
Samningurinn mun áfram fela í sér stuðning bankans við allar deildir félagsins
