Ingvar Þóroddsson stefnir á 1. sæti hjá Viðreisn
Ingvar Þóroddsson tilkynnti um helgina að hann stefni á forystusæti fyrir Viðreisn í Norðausturkjördæmi fyrir alþingiskosningarnar 30. nóvember næstkomandi. Hann sé vel til þess fallinn að tryggja flokknum þingsæti í kjördæminu og tala máli kjósenda í landshlutanum.
Ingvar er 26 ára Akureyringur, stúdent frá Menntaskólanum á Akureyri og lærði verkfræði við Háskóla Íslands og Berkeley háskóla í Kaliforníu. Hann sneri þaðan heim til Akureyrar eftir lok meistaranáms og kennir í dag stærðfræði og eðlisfræði við MA. Foreldrar Ingvars eru Þóroddur Ingvarsson og Aðalheiður Rósa Jóhannesdóttir, læknar á sjúkrahúsinu á Akureyri.
..Mín grunngildi hafa nokkurn veginn alltaf verið þau sömu. Ég trúi á frelsi einstaklingsins, sterkt markaðshagkerfi, alþjóðasamstarf og að samfélagið skuli tryggja öllum jöfn og góð tækifæri” segir í tilkynningu frá Ingvari sem horfir björtum augum fram á veginn.
Hann segist jafnframt ætla að leggja áherslu á menntamál en staðan í þeim málaflokki, sem birtist meðal annars í PISA-könnunum og læsi íslenskra barna við lok grunnskólagöngu, veldur honum áhyggjum. Hann telur reynsluna af kennarastarfinu vera gott veganesti í að takast á við það verkefni og segist hlakka til að eiga samtalið við fólk í kjördæminu.
Ingvar vermdi þriðja sæti á framboðslista flokksins í Norðausturkjördæmi í Alþingiskosningunum 2021. Frá þeim tíma hefur Ingvar sinnt trúnaðarstörfum innan flokksins og var til að mynda kjörinn varaforseti ungliðahreyfingar flokksins haustið 2021 og hefur setið í Norðausturráði Viðreisnar síðan 2022.
Hann segir það fagnaðarefni að tími þessarrar ríkisstjórnar sé liðinn. Kjörtímabilið hafi einkennst af óreiðu í ríkisfjármálum og óeiningu, sem hafi leitt til hárrar verðbólgu og vaxta, en það bitnar ekki síst á ungu fólki og barnafjölskyldum. Þá hafi orkumálum verið haldið í gíslingu í samstarfi ríkisstjórnarflokkanna þriggja. Allt þetta komi niður á almenningi og fyrirtækjum í landinu.
..Ég vil leggja mitt af mörkum svo hér geti tekið við ríkisstjórn með Viðreisn innanborðs, sem hefur frjálslynd gildi að leiðarljósi, tekst á við verðbólguna og ryður hindrunum úr vegi fólks og fyrirtækja, í stað þess að búa þær til.” bætir Ingvar við.
Ingvar sér mikil tækifæri í Norðausturkjördæmi og telur mikilvægt að kjördæmið hafi öfluga og fjölbreytta málsvara á þingi. ,,Ég ætla mér að vera öflugur fulltrúi Norðausturkjördæmis, Viðreisnar, og ungs fólks og barnafjölskyldna um land allt, hljóti ég umboð flokksins og kjósenda til þess”.
Þetta segir í tilkynningu frá Ingvari sem send var fjölmiðlum í morgun
Nýjast
-
Kynning á verkefninu Lausu skrúfunni tókst vel
„Lausa skrúfan fer formlega í sölu í febrúar, enda getur það verið erfiður mánuður fyrir þau sem glíma við andlegar áskoranir. Því er sérstaklega mikilvægt að huga að geðinu í myrkrinu og kuldanum sem fylgja vetrarmánuðunum.,“ segir Sonja Rún Sigríðardóttir verkefnastjóri Unghuga og kynningarmála hjá Grófinni geðrækt. -
Ingvar Þóroddsson stefnir á 1. sæti hjá Viðreisn
Ingvar Þóroddsson tilkynnti um helgina að hann stefni á forystusæti fyrir Viðreisn í Norðausturkjördæmi fyrir alþingiskosningarnar 30. nóvember næstkomandi. Hann sé vel til þess fallinn að tryggja flokknum þingsæti í kjördæminu og tala máli kjósenda í landshlutanum. -
Háskólinn á Akureyri tekur þátt í verkefni um Letta á Íslandi
„Á venjulegum vordegi fyrsta árið mitt á Akureyri fékk ég skilaboð frá Letta á Facebook. Yfirleitt opna ég ekki skilaboð af þessu tagi nema ég eigi von á einhverju, en í þetta sinn gerði ég það. Þar stóð: „Hæ, Gundega! Ég er að skrifa um verkefni sem miðar að því að fræðast meira um Letta sem búa á Íslandi. Viltu segja frá lífi þínu á Íslandi?“ Svar mitt var að sjálfsögðu já. Nokkrum mánuðum síðar hittumst við á Akureyri og ég var tekin upp sem hluti af Nordplus verkefninu sem Háskólinn á Akureyri og Riga Stradins háskólinn í Lettlandi eru saman í,” segir Gundega Skela, rannsakandi og stúdent við skólann, um aðkomu hennar að verkefninu. -
Björn Mikaelsson hannaði og hnýtir bleiku fluguna
Björn Mikaelsson fyrrverandi lögreglumaður á Sauðárkróki og nú ákafur áhugamaður um fluguhnýtingar var ekki lengi að koma sér að verki þegar dóttir hans, Hrönn Arnheiður spurði hvort hann væri til í að hnýta bleika flugu. Hann hefur setið við í vinnuaðstöðu sem hann hefur komið sér upp í bílskúr við hús sitt og flugurnar hafa komið ef svo má segja á færibandi. Björn hnýtir og Hrönn selur. -
Félagslegt húsnæði á Akureyri Biðlistinn helmingi styttri en fyrir ári
„Það er ánægjulegt að sjá þessi umskipti og mjög jákvætt,“ segir Hulda Elma Eysteinsdóttir formaður Velferðarráðs Akureyrarbæjar, en biðlisti eftir félagslegu íbúðarhúsnæði hefur ekki verið styttri um langt árabil. Nær helmingi færri eru á listanum nú en voru fyrir ári. -
Hættulegur förunautur.
Allt sem við veitum athygli vex og dafnar. Fyrir um ári síðan náði reiðin heljar tökum á hjörtum okkar vegna stríðsins fyrir botni Miðjarðarhafs. Ástandið þar versnar enn, dag frá degi og nærir reiðina í brjóstum okkar. Heimsbyggðin öll stendur á öndinni ráðalaus. Við erum öskureið og örvæntingarfull. Það eru heilbrigð og eðlileg viðbrögð. Verra væri ef okkur væri sama og ypptum bara öxlum. Reiðin er hins vegar afar hættulegur förunautur til lengdar. -
Níu í prófkjöri Pírata í Norðausturkjördæmi
Níu einstaklingar taka þátt í prófkjöri Pírata í Norðausturkjördæmi. Það hófst í dag og stendur til þriðjudags.Frambjóðendum gafst í dag tækifæri að kynna sig á kosningafundi sem Píratar stóðu fyrir í Reykjavík eða með að senda inn myndband á þann fund. Fimm af níu frambjóðendum kjördæmisins nýttu þann valkost.Fyrstur þeirra var Viktor Traustason, sem vakti athygli í vor er hann bauð sig fram til forseta Íslands. Viktor sagðist ekki sækjast eftir oddvitasætinu, hann hefði aðeins farið inn á vef Pírata og skráð sig í prófkjör. Viktor hefur að mestu búið á Austurlandi síðustu tvö ár og starfað þar í sláturhúsi og við fiskvinnslu.Theodór Ingi Ólafsson býr í Reykjavík en er ættaður frá Akureyri. Hann starfar sem forstöðumaður í íbúðakjarna fyrir geðfatlaða. Hann býður sig fram í oddvitasætið.Adda Steina er fyrrum tómstunda- og forvarnarfulltrúi Fljótsdalshéraðs. Hún sagðist taka hvaða sæti sem er en „tæki efsta sætinu fagnandi.“Bjarni Arason, sem er lærður slökkviliðsmaður og ferðamálafræðingur á Grenivík og Aðalbjörn Jóhannsson úr Norðurþingi, háskólanemi sem starfað hefur í menntakerfinu, tóku ekki fram sérstök sæti en þeir kynntu sig á myndbandi.Að auki eru í framboði Rúnar Gunnarsson, yfirhafnarvörður á Seyðisfirði, Guðrún Ágústa Þórdísardóttir, fyrrum varaþingmaður flokksins í kjördæminu, Júlíus Blómkvist Friðriksson, sölumaður hjá Tölvuteki á Akureyri Lena Sólborg Valgarðsdóttir, leikskólastjóri í Kópavogi.Kosning í prófkjörinu hófst klukkan 16:00 og stendur í tvo sólarhringa. Það er bindandi fyrir fimm efstu sætin en kjörstjórn raðar í önnur sæti. -
Framboðslisti Sjálfstæðisflokksins í Norðausturkjördæmi fyrir komandi kosningar
Listinn var samþykktur í heild sinni á lokin á viðburðaríku tvöföldu kjördæmisþingi Sjálfstæðisfólks í Mývatnssveit í dag. -
Bjarkey Ólsen Gunnarsdóttir stígur til hliðar og hættir þingmennsku
Bjarkey Ólsen Vinstir Grænum tilkynnir á Facebook síðu sinni i dag að hún hafi ákveðið að stíga til hliðar sem þingmaður og verði ekki i kjöri í komandi kosningum.
