20. nóvember - 27. nóvember - Tbl 47
Íbúafundur Þróunarfélags Hríseyjar
Frá Hrísey. Myndir Vb og aðsend
Nýstofnað Þróunarfélag Hríseyjar hélt sinn fyrsta íbúafund um liðna helgi en Ásrún Ýr Gestsdóttir verkefnastýra verkefnisins Áfram Hrísey segir efni hans hafa verið að skapa sameiginlegan skilning á tækifærum og ógnum og hvernig ólík félög geta unnið að sameiginlegum hagsmunum.
Unnur Inga Kristinsdóttir, formaður Þróunarfélagsins fór yfir störf og tilgang félagsins. Þröstur Jóhannsson, skipstjóri á Hríseyjarferjunni, sagði frá nýjustu fréttum af ferjunni. Vegagerðin mun taka við rekstrinum og þakkaði Þröstur, fyrir hönd Andeyjar ehf, fyrir samstarfið við eyjaskeggja síðustu sex ár. Var klappað fyrir Þresti, Andey og ferjumönnum öllum.
Ásrún Ýr Gestsdóttir, verkefnisstýra Áfram Hrísey, fór yfir fyrsta starfsár verkefnisins og þau verkefni sem hún hefur tekist á við þar. Íbúum hefur fjölgað í Hrísey á árinu og mikill áhugi er á uppbyggingu í eyjunni.
Þó verkefninu ljúki næsta vor segir hún að búið sé að byggja upp grunn af upplýsingum og víðfemttengslanet sem myndi ekki hverfa með verkefninu, heldur skila sér inn í Þróunarfélagið.
Margt í pípunum fyrir komandi ár
Linda María Ásgeirsdóttir, formaður Ferðamálafélags Hríseyjar, fór yfir störf Ferðamálafélagsins. Hefur félagið unnið ötullega að uppbyggingu ferðamannaiðnaðarins í Hrísey og komið eynni á kortið sem áfangastað fallegrar náttúru, fuglalífs og góðs matar. Ferðamálafélagið er sífellt að vinna að því að þróa vöruna Hrísey og er margt í pípunum fyrir komandi ár.
Að lokum fór Ingólfur Sigfússon, formaður Hverfisráðs Hríseyjar, yfir störf ráðsins og helstu verkefni. Hverfisráðið hefur unnið ýmis verk í samvinnu við Akureyrarbæ, eins og að skipulagi í eyjunni, uppbyggingu á Hátíðarsvæðinu, tillögum að verkefnum og ýmsu fleiru. Einnig hefur Hverfisráð veitt Akureyrarbæ ráðgjöf og aðstoð þegar við á.
Vel heppnaður fundur
Var íbúafundurinn vel heppnaður í alla staði og mæting góð. Ásrún Ýr segir fundargesti hafa haft orð á því að unnið væri að mun fleiri verkefnum en þeir höfðu gert sér grein fyrir og að fundurinn hafi verið upplýsandi. Þróunarfélagið stefnir að því að halda íbúafundi reglulega svo að öll þau sem búa í eða tengjast Hrísey geti fylgst betur með því sem unnið er að. „Bjartsýni og gleði eru þau orð sem lýsa Hrísey hvað best og takast Hríseyingar óhræddir á við verkefni framtíðarinnar,“ segir Ásrún Ýr.
Frá fundinum
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
