Í verkfalli
Jæja þá eru ég og starfsfélagar mínir komin í verkfall! Í fyrsta sinn er ég í verkfalli sem leikskólakennari. Ég fór í verkfall sem grunnskólakennari og hef bæði verið nemandi í framhaldsskóla þegar framhaldsskólakennarar fóru í verkföll og foreldri grunnskólabarns í verkfalli. Og svo hef ég upplifað mörg önnur verkföll. Verkföll eru ekki skemmtileg, þau eru ekki frí! Verkföll eru öllum erfið og það eru alltaf þolendur í verkföllum. Enginn fer í verkfall ,, af því bara.”
Verkföll eru neyðarréttur sem einungis er beitt þegar ekkert gengur í samningaviðræðum og allt langlundargeð er löngu brostið. Hvað eigum við lengi að brosa og vera sæt?
Nú stendur KÍ sameinað.
Við berjumst fyrir því að samningur við okkur sem var undirritaður 2016 verði virtur af atvinnurekendum okkar. Þeirra hluti samningsins stendur óhaggaður og nú er biðlundin eftir að þau hefjist handa með sinn hluta á enda.
Í dag er 6. febrúar, Dagur leikskólans, ætlaður til að vekja athygli á starfsemi leikskólans. Leikskólinn er skólinn sem flestir fara í án þess að það sé skylda. Leikskólinn er það skólastig sem vex hraðast, þar sem sem fagmenntun er minnst, kennsluskyldan mest og flestir starfsmennirnir eru konur.
Þegiðu og vertu sæt!
Og hvað höfum við fengið fyrir að þegja og vera sæt? Virðingu? Upphefð? Hærri laun? Fleiri kennara? Færri börn? Betri starfsaðstæður? Meiri eftirlaun? NEI, það að þegja og vera sæt hefur ekki skilað miklu af þessu. Það að þegja og vera sæt hefur aldrei skilað miklu, nokkru sinni!
Ég er KÍ, ég er leikskólakennari, ég er í verkfalli og ég hef aldrei þagað né verið sæt og ég ætla svo sannarlega ekki að byrja á því núna.
Dilla.
Nýjast
-
Viðbúnaður og í mörg horn að líta hjá starfsfólki Norðurorku
Nú er aftakaveður aftur skollið á og staðan orðin þung víða. Áskoranir dagsins eru af ýmsu tagi og snúa að öllum veitum fyrirtækisins. Neyðarstjórn var virkjuð og mönnuð í gærkvöldi og er það enn í dag og starfsfólk Norðurorku hefur síðan í gær unnið hörðum höndum að því að tryggja órofinn rekstur. -
Veðrið hefur áhrif á dreifingu Vikublaðsins og Dagskrár
Ljóst er að veðrið mun setja svip sinn á dreifingu Vikublaðsins í dag. Blaðið er prentað í Reykjavík og þvi svo flogið hingað norður yfir heiðar. Eins og fólki er kunnugt liggur allt innanlandsflug niðri í rauðri viðvörun sem er í gildi langt fram eftir þessum degi. -
Portretttónleikar Hymnodiu - Þorvaldur Örn Davíðsson
Hymnodia flytur úrval verka eftir tónskáldið, organistann og kórstjórann, Þorvald Örn Davíðsson á hádegistónleikum í Akureyrarkirkju, laugardaginn 8. febrúar kl. 12 -
Í verkfalli
Jæja þá eru ég og starfsfélagar mínir komin í verkfall! Í fyrsta sinn er ég í verkfalli sem leikskólakennari. Ég fór í verkfall sem grunnskólakennari og hef bæði verið nemandi í framhaldsskóla þegar framhaldsskólakennarar fóru í verkföll og foreldri grunnskólabarns í verkfalli. Og svo hef ég upplifað mörg önnur verkföll. Verkföll eru ekki skemmtileg, þau eru ekki frí! Verkföll eru öllum erfið og það eru alltaf þolendur í verkföllum. Enginn fer í verkfall ,, af því bara.” -
Leik- og grunnskólar opnir á Akureyri í dag
Leik- og grunnskólar á Akureyri verða opnir í dag en kennsla fellur niður í Hlíðarskóla norðan bæjarins. -
Vakniði!
Reinhard Reynisson skrifar -
Franska kvikmyndahátíðin á Akureyri hefst 6. febrúar
Franska kvikmyndahátíðin á Akureyri er haldin í febrúar ár hvert með bíósýningum á nokkrum vel völdum stöðum. -
Rauð viðvörun
Jæja það hefur vonandi ekki farið framhjá fólki að rauð viðvörun í veðrinu tekur gildi um kl 17 í dag. Þegar þetta er skrifað rétt rúmlega kl. 16 er þvi ekki að neita að loksins heyrist i vindinum blása svo við skulum reikna með öllu, taka spána alvarlega. -
Skref í baráttunni gegn sjálfsvígum og dauðsföllum vegna óhappaeitrana
Samkvæmt Alþjóðaheilbrigðismálastofnuninni verða að meðaltali um sex þúsund manns á Íslandi fyrir áhrifum af sjálfsvígum á hverju ári. Þetta eru staðreyndir sem kalla á aðgerðir. Sjálfsvíg og andlát vegna óhappaeitrana eru viðkvæmir og sársaukafullir atburðir sem hafa djúpstæð áhrif á fjölskyldur, vini og samfélagið í heild.
