Dagskráin 29. janúar - 5. febrúar - Tbl 4
Opið bréf til samgönguráðherra Eyjólfs Ármannssonar
Vilhjálmur Árnason og Njáll Trausti Friðbertsson þingmenn Sjalfstæðisflokksins skrifa
Samgönguráðherrann Eyjólfur Ármannsson var alsæll á dögunum þegar hann tók fyrstu skóflustunguna vegna landfyllinga nýrrar Fossvogsbrúar. Fyrirhugað er að brúin rísi í nágrenni Reykjavíkurflugvallar, einni af lífæð samfélagsins.
Það má öllum vera það ljóst að framkvæmdir við nýja Fossvogsbrú munu hafa truflandi áhrif á notkun norður-suður flugbrautarinnar, aðalflugbraut flugvallarins á meðan á framkvæmdum stendur.
Varaflugvöllurinn og almannavarnarhlutverkið
Við þekkjum öll mikilvægi Reykjavíkurflugvallar sem öryggisinnviðar, það hlutverk hefur frekar aukist á tímum jarðelda og annarra náttúruhamfara, óstöðugleika í heimsmálunum og aukinnar flugumferðar til og frá landinu. Hér er einnig rétt að benda á mikla fjölgun í sjúkrafluginu innanlands.
Reykjavíkurflugvöllur er einn fjögurra alþjóðaflugvalla landsins og gegnir stóru og mikilvægu hlutverki sem varaflugvöllur fyrir flug til og frá Keflavíkurflugvelli.
Þá er almannavarnarhlutverk vallarins fyrir íslenskt samfélag mjög mikilvægt eins bent hefur verið á og eru viðbragðsaðilar og bjargir flutt frá flugvellinum á vettvang slysa og hamfara.
Getuleysi íslenskrar stjórnsýslu
Flug og flugtengd starfsemi á stóran sess í efnahag þjóðarinnar og er atvinnulíf í kringum Reykjavíkurflugvöll stór þáttur í þeim umsvifum. Það er því skylda okkar að hafa varann á þegar farið er í umfangsmiklar framkvæmdir í nágrenni flugvallarins. Það hefur verið þrengt um of að flugvellinum að undanförnu, verið vandamál að fjarlægja tré og enn frekari áform um að þrengja að flugvellinum meðal annars með fyrirhugaðri nýrri byggð í Skerjafirði. Öryggisnefnd félags íslenskra atvinnuflugmanna hefur varað mjög við þeirri framkvæmd.
Allt þetta lækkar notkunarstuðul flugvallarins sem dregur niður rekstraröryggi Reykjavíkurflugvallar. Hér er um grundvallarhagsmuni að ræða sem varðar þjóðaröryggi. Getuleysi íslenskrar stjórnsýslu er algjört. Það er með hreinum ólíkindum hvernig hefur verið staðið að málum um langt árabil í málefnum Reykjavíkurflugvallar.
Stöndum með Reykjavíkurflugvelli
Það hefði verið nær að Eyjólfur Ármannsson samgöngu- og sveitastjórnarráðherra hefði frekar svarað kalli kjósenda sinna í Norðvesturkjördæmi og staðið með Reykjavíkurflugvelli með því að taka fyrstu skóflustunguna að nýrri samgöngumiðstöð við Reykjavíkurflugvöll. Samgöngumiðstöðina gætu einkaaðilar reist á skömmum tíma en einnig væri hægt að fjármagna hana með því að byggja hagkvæmari Fossvogsbrú.
Hvar verður næsta skóflustunga?
Undirritaðir sátu með ráðherranum í fjárlaganefnd á síðasta kjörtímabili. Það er einlæg von okkar að ráðherrann sé enn sammála okkur með að fjárheimildir þurfi að liggja fyrir stórum framkvæmdum eins og Fossvogsbrú í gegnum samgönguáætlun, að byggja eigi innviði á sem hagkvæmastan hátt og mikilvægi þess að standa vörð um Reykjavíkurflugvöll. Við munum áfram berjast fyrir þeim áherslum okkar og vonum að samgöngu- og sveitastjórnaráðherra, sem einnig fer með byggðamál sem slíkur, verði með okkur í því verkefni. Það eru miklir hagsmunir í húfi fyrir landsbyggðina, ríkissjóð, almannaöryggi og þjóðarhag. Skorum við því á ráðherrann að flýta sér hægt og vanda valið vel á næstu skóflustungum.
Greinin birtist fyrst i Morgunblaðinu
Nýjast
-
Opið bréf til samgönguráðherra Eyjólfs Ármannssonar
Samgönguráðherrann Eyjólfur Ármannsson var alsæll á dögunum þegar hann tók fyrstu skóflustunguna vegna landfyllinga nýrrar Fossvogsbrúar. Fyrirhugað er að brúin rísi í nágrenni Reykjavíkurflugvallar, einni af lífæð samfélagsins. -
Geðdeild SAk safnar fyrir segulörvunartæki (TMS)
Á heimasíðu SAk er í dag greint frá þvi að Dag og göngudeild sjúkrahúsins sé að safna fyrir kaupum á segulörvunartæki. Tækið hefur sýnt sig sem mjög gagnalegt meðferðarúrræði fyrir einstaklinga sem berjast við alvarlegt þunglyndi einkum þá sem ekki hafa svarað hefðbundinni lyfja- og samtalsmeðferð að fullu. Tækið kostar samkvæmt fyrirliggjandi tilboði rétt rúmlega 9 m.kr. -
Nú er lag að giftast (sé fólk ekki búið að slíku)
,,Þekkið þið ekki parið sem er búið að vera saman lengi lengi og ætlar alltaf að gifta sig en svo bara er aldrei rétti tíminn? Eða er það kannski bara staðan hjá þér?" -
Toppurinn að spila með landsliðinu
Toppurinn er að spila fyrir Íslands hönd. Þetta segir Aníta Ósk Sævarsdóttir, nemandi í VMA, sem spilaði með U-18 landsliði Íslands í íshokkí í Tyrklandi 16.-23. janúar sl. Aníta er annar tveggja markmanna liðsins. -
Hollvinir SAk gáfu tækjabúnað fyrir nær 62 milljónir
Á árinu 2024 gáfu Hollvinir Sjúkrahúsinu á Akureyri tækjabúnað að andvirði tæplega 62 milljóna króna. Gjafirnar bæta starfsaðstöðu starfsfólks SAk og gerir þeim kleift að bæta þjónustu við sjúklinga. -
Minningarorð - Brynjar Elís Ákason
Brynjar Elís Ákason. Þar sem englarnir syngja sefur þúSefur í djúpinu væraVið hin sem lifum, lifum í trúAð ljósið bjarta skæraVeki þig með sól að morgniVeki þig með sól að morgniDrottinn minn faðir lífsins ljósLát náð þína skína svo blíðaMinn styrkur þú ert, mín lífsins rósTak burt minn myrka kvíðaÞú vekur hann með sól að morgniÞú vekur hann með sól að morgniFaðir minn láttu lífsins sólLýsa upp sorgmætt hjartaHjá þér ég finn frið og skjólLáttu svo ljósið þitt bjartaVekja hann með sól að morgniVekja hann með sól að morgniDrottinn minn réttu sorgmæddri sálSvala líknarhöndOg slökk þú hjartans harmabálSlít sundur dauðans böndSvo vaknar hann með sól að morgniSvo vaknar hann með sól að morgni Farðu í friði vinur minn kæriFaðirinn mun þig geymaUm aldur og ævi þú verður mér nærAldrei ég skal gleymaSvo vöknum við með sól að morgniSvo vöknum við með sól að morgni Höf: Bubbi Morthens. -
Margir kórfélagarfélagar sungið saman í áratugi
Kirkjukór Húsavíkur er einn af hornsteinum menningar í bænum -
Birkir Blær yfirgefur Universal og freistar gæfunnar á eigin vegum
„Eftir samskipti mín við Universal og reynslu margra annarra tónlistarmanna sem ég þekki hef ég tekið þá ákvörðun að vera sjálfstæður. Fyrir mig er það einfaldara en fyrir marga aðra, því ég spila á öll hljóðfæri sjálfur, tek upp, útset og hljóðblanda allt sjálfur,» segir Birkir Blær Óðinsson 25 ára tónlistarmaður frá Akureyri og Eyjafjarðarsveit sem hefur sagt skilið við Universal útgáfufyrirtækið og hyggst freista gæfunnar á eigin vegum. -
Kaffipressan kaupir Kaffistofuna
Kaffipressan hefur keypt rekstur handverkskaffibrennslu Kaffistofunnar en Kaffistofan hefur sérhæft sig í þróun og sölu á handverkskaffi á Íslandi allt frá stofnun fyrirtækisins í ársbyrjun 2022.
