Rauð viðvörun
Maður sér hreinlega bara allt rautt! Mynd vedur.is
Jæja það hefur vonandi ekki farið framhjá fólki að rauð viðvörun í veðrinu tekur gildi um kl 17 í dag. Þegar þetta er skrifað rétt rúmlega kl 16 er þvi ekki að neita að loksins heyrist i vindinum blása svo við skulum reikna með öllu, taka spána alvarlega.
Lögreglan á Norðurlandi eysta hefur sent út viðvörun til okkar, Veðurstofa Íslands líka og Súlur Björgunarsveit þannig að núna er ekki rétta tækifærið til þess að vera mikið að þvælast á milli staða, núna er heima 100% best.
Boðskapur lögreglunnar er svo hér.:
,,Rauð veðurviðvörun!
Veðrið heldur áfram að hamast í okkur og nú eru komnar rauðar veðurviðvaranir í kortin í flestum landshlutum. Við hvetjum fólk til að kynna sér þetta á vef Veðurstofunnar vedur.is
Á okkar svæði hér á Norðurlandi eystra er gert ráð fyrir sunnan og suðvestan roki eða ofsaveðri. Reiknað er með að vindur geti orðið 28-33 m/s og geta staðbundnar vindhviður farið yfir 50 m/s.
Rauð viðvörun fyrir Norðurland eystra tekur gildi kl. 17:00 í dag miðvikudaginn 05.02.2025 og stendur til kl. 22:00 í kvöld. Þá tekur appelsínugul viðvörun við til kl. 05:00 í fyrramálið. Þá kemur örlítið uppihald og appelsínugul viðvörun hefst að nýju kl. 08:00 og svo rauð kl. 10:00 og fram eftir degi á morgun, þann 06.02.2025. Sjá nánar um viðmið vegna viðvarana hér: https://tinyurl.com/43svnyxn
Það getur orðið foktjón í þessu veðri og samgöngur munu mjög líklega raskast. Margir vegir eru á óvissustigi og geta lokast með stuttum fyrirvara. Við bendum á vef Vegagerðarinnar umferdin.is varðandi frekari upplýsingar eða upplýsingasímann 1777. Eins og gefur að skilja er þetta ekkert ferðaveður.
Við hvetjum fólk til að gera viðeigandi ráðstafanir, festa lausamuni, svo sem sorptunnur, eða koma í öruggt skjól, tryggja landfestar á bátum, huga að byggingarefni á framkvæmdasvæðum o.s.frv. Reikna má með að veðrinu fylgi talsverð rigning en það er talsvert mismunandi eftir landshlutum. Það er rétt að hafa þetta í huga og hreinsa frá niðurföllum.
Forráðamenn skólabarna ættu að kynna sér heimasíður og aðrar samskiptaleiðir við skólana því það er misjafnt eftir skólum hvort skólahald fellur niður eða ekki.
Björgunarsveitir eru í viðbragðsstöðu og aðgerðarstjórn almannavarna á Norðurlandi eystra verður mönnuð á morgun, fimmtudag.
Ef þörf er á aðstoð viðbragðsaðila, hringið þá í 112."
Berum virðingu fyrir þvi sem við munum líklega seint ná að hemja þ.e. veðrinu!
Nýjast
-
Franska kvikmyndahátíðin á Akureyri hefst 6. febrúar
Franska kvikmyndahátíðin á Akureyri er haldin í febrúar ár hvert með bíósýningum á nokkrum vel völdum stöðum. -
Rauð viðvörun
Jæja það hefur vonandi ekki farið framhjá fólki að rauð viðvörun í veðrinu tekur gildi um kl 17 í dag. Þegar þetta er skrifað rétt rúmlega kl. 16 er þvi ekki að neita að loksins heyrist i vindinum blása svo við skulum reikna með öllu, taka spána alvarlega. -
Skref í baráttunni gegn sjálfsvígum og dauðsföllum vegna óhappaeitrana
Samkvæmt Alþjóðaheilbrigðismálastofnuninni verða að meðaltali um sex þúsund manns á Íslandi fyrir áhrifum af sjálfsvígum á hverju ári. Þetta eru staðreyndir sem kalla á aðgerðir. Sjálfsvíg og andlát vegna óhappaeitrana eru viðkvæmir og sársaukafullir atburðir sem hafa djúpstæð áhrif á fjölskyldur, vini og samfélagið í heild. -
Án öflugs atvinnulífs megum við okkur lítils
Akureyri er blómlegur bær með fjölbreytt atvinnulíf. Til að tryggja áframhaldandi vöxt og framfarir er nauðsynlegt að sveitarfélagið og atvinnulífið eigi virkt samtal. Það hefur verið okkur bæjarfulltrúum Framsóknar á Akureyri keppikefli að finna þessu samtali fastmótaðan farveg. Nýboðað fyrirtækjaþing, sem verður haldið í Hofi 13. febrúar næstkomandi, er góð byrjun á þeirri vegferð. Skráningu lýkur núna 6. febrúar og ég vil hvetja alla stjórnendur fyrirtækja, af öllum stærðargráðum, til að taka þátt og skrá sig. -
Húsnæðiskönnun Þingeyjarsveitar
Þingeyjarsveit stendur nú fyrir könnun um húsnæðismál í sveitarfélaginu. Könnunin er hluti af markvissu starfi sveitarfélagsins við að greina stöðuna á húsnæðismarkaði og vinna að raunhæfum lausnum sem mæta þörfum íbúa. -
Opið bréf til samgönguráðherra Eyjólfs Ármannssonar
Samgönguráðherrann Eyjólfur Ármannsson var alsæll á dögunum þegar hann tók fyrstu skóflustunguna vegna landfyllinga nýrrar Fossvogsbrúar. Fyrirhugað er að brúin rísi í nágrenni Reykjavíkurflugvallar, einni af lífæð samfélagsins. -
Geðdeild SAk safnar fyrir segulörvunartæki (TMS)
Á heimasíðu SAk er í dag greint frá þvi að Dag og göngudeild sjúkrahúsins sé að safna fyrir kaupum á segulörvunartæki. Tækið hefur sýnt sig sem mjög gagnalegt meðferðarúrræði fyrir einstaklinga sem berjast við alvarlegt þunglyndi einkum þá sem ekki hafa svarað hefðbundinni lyfja- og samtalsmeðferð að fullu. Tækið kostar samkvæmt fyrirliggjandi tilboði rétt rúmlega 9 m.kr. -
Nú er lag að giftast (sé fólk ekki búið að slíku)
,,Þekkið þið ekki parið sem er búið að vera saman lengi lengi og ætlar alltaf að gifta sig en svo bara er aldrei rétti tíminn? Eða er það kannski bara staðan hjá þér?" -
Toppurinn að spila með landsliðinu
Toppurinn er að spila fyrir Íslands hönd. Þetta segir Aníta Ósk Sævarsdóttir, nemandi í VMA, sem spilaði með U-18 landsliði Íslands í íshokkí í Tyrklandi 16.-23. janúar sl. Aníta er annar tveggja markmanna liðsins.
