20. nóvember - 27. nóvember - Tbl 47
Hvað er að vera læs?
Fyrir áhugasöm þá munu Miðstöð skólaþróunar við Háskólann á Akureyri (MSHA) og Miðstöð menntunar og skólaþjónustu (MMS) standa fyrir læsisráðstefnu sem er gott innlegg inn í þann fjölda hugrenninga sem vakna þegar læsi ber á góma.
„Öll ættu að hafa gagn og gaman af ráðstefnunni með því að hlusta og taka þátt þó svo að ráðstefnan sé sett upp fyrir kennara og stjórnendur í leik-, grunn- og framhaldsskólum,“ segir Gunnar Gíslason, forstöðumaður MSHA, aðspurður um fyrir hverja ráðstefnan er. „Læsi er yfirgripsmikið hugtak og á ráðstefnunni verður fjallað um læsi í víðum skilningi og hvernig ber að huga að öllum þáttum læsis í kennslu, svo sem lesskilningi, ritun, munnlegri og skriflegri tjáningu og miðlun. MSHA og MMS hafa staðið fyrir ráðstefnunni annað hvert ár núna til fjölda ára og alltaf mikill metnaður lagður í undirbúning sem sýnir sig í góðri mætingu,“ bætir Gunnar við.
Sannarlega má segja að mikið sé lagt í ráðstefnuna og dagskráin er til fyrirmyndar. Aðalfyrirlesarar verða Bragi Valdimar Skúlason fjölmiðlamaður, orðarýnir og orðasmiður og Guðmundur Engilbertsson deildarforseti við kennaradeild HA sem mun fjalla um læsi á stigi djúp- og yfirfærslunáms á efri skólastigum.
„Við viljum nýta ráðstefnuna til að vekja athygli á nýjustu rannsóknum í læsi, athyglisverðum starfsháttum í skólunum sem skila árangri“ segir Gunnar spurður um væntingar. „Ég tel líka afar mikilvægt að efla málefnalega umræðu um læsi almennt og þetta er okkar framlag til þess. Einnig höfum við til margra ára haldið námstefnu um Byrjendalæsi á föstudeginum fyrir læsisráðstefnuna. Þar koma saman grunnskólakennarar á yngsta stigi af öllu landinu, fræðast um það nýjasta í læsisfræðum í byrjendakennslu, bera saman bækur sínar og fá að heyra af athyglisverðu starfi í einstökum skólum. Þessi vettvangur eykur samtal og byggir undir að skoðanir séu byggðar á fræðum og góðum fyrirmyndum,“ bætir Gunnar við.
Námstefnan í Byrjendalæsi hefur ávallt verið vel sótt og hafa um 150 kennarar sótt hana árlega hingað til. Flest sitja svo einnig ráðstefnuna daginn eftir og hana hafa sótt um 220 – 260 gestir. Þetta árið fer námsstefnan fram föstudaginn 13. september og ráðstefnan daginn eftir. Frekari upplýsingar er að finna á heimasíðum MSHA og HA.
Gunnar Gíslason, forstöðumaður MSHA
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
