Húsvíkingum fjölgað um 205 íbúa frá 2013
Í dag kom út árleg skýrsla Þekkingarnets Þingeyinga um mannfjöldaþróun á starfssvæði Þekkingarnetsins, það er Þingeyjarsýslur, Norður og Suður, eða frá Vaðlaheiði í vestri og austur fyrir Bakkafjörð. Greint er frá þessu á heimasíðu Þekkingarnetsins.
Til skoðunar var tímabilið frá 2013 -2022 en á þeim tíma hefur íbúum fjölgað í Norðurþingi, Tjörneshreppi og Skútustaðahreppi en fækkað í Langanesbyggð, Svalbarðshreppi og Þingeyjarsveit.
Kynjahlutföllin sem voru nokkuð jöfn eða um 49% konur og 51% karlar árið 2013 en eru í dag 47% konur og 53% karlar. Meðalaldur Þingeyinga er um 3 árum hærri en landsmeðaltal. Íbúum hefur fjölgað í öllum byggðakjörnum að undanskyldum Bakkafirði og Laugum. Minnst er fjölgunin á Kópaskeri, um einn íbúa en mest á Húsavík um 205 íbúa. Íbúum í dreifbýli fækkar alls staðar á svæðinu nema í Skútustaðahreppi og í Öxarfirði.
Lokakafli skýrslunnar fjallar að þessu sinni um aðflutning og brottflutning. Þær upplýsingar ná yfir árin 2012-2021 og eru áhugaverðar um margt. Ef aðfluttir umfram brottflutta eru skoðaðir eftir kynjum á starfssvæði Þekkingarnetsins kemur í ljós að mun minni hreyfing er á konum en körlum á tímabilinu og að það hallar frekar í þá átt að fleiri konur séu brottfluttar en aðfluttar. Segja má að fjögur ár skeri sig úr þegar kemur að flutningum kvenna, árið 2012, 2016 og 2020 er brottfluttar konur á bilinu 36-48 umfram aðfluttar og árið 2017 eru aðfluttar 57 umfram brottfluttar. Hvað varðar karla eru það árin 2016 og 2017 sem skera sig úr varðandi aðflutning, en þá flytja annars vegar 177 og hins vegar 319 karlar. Árið 2018 og 2020 flytja fleiri karlar frá svæðinu en til þess, 274 fyrra árið en 2020 síðara árið.
Þegar flutningar milli sveitarfélaga innan Norðurlands eystra eru skoðaðir þá er algengar að bæði karlar og konur sem flytji frá sveitarfélögunum sem staðsett eru innan starfssvæðis Þekkingarnetsins en til þeirra. Mestur flutningur innan landsvæðisins er hjá körlum og konum árin 2013, 2019, 2020, 2021. Sömu sögu er í raun að segja með flutninga á milli landssvæða að þá er algengara að íbúar flytji frá sveitarfélögum á starfssvæði Þekkingarnetsins til sveitarfélaga utan Norðurlands eystra en frá sveitarfélögum utan svæðisins og til þess. Árin 2012, 2013, 2014, 2016 og 2020 fluttu samtals 163 fleiri konur frá svæðinu til annarra landsvæða á Íslendi en til svæðisins. Árin 2012, 2014, 2016 og 2018 eru flutningar karla frá svæðinu til annarra landssvæða en til þess. Alls fluttu 77 karlar umfram aðflutta frá sveitarfélögum á starfssvæði Þekkingarnetsins til annarra landssvæða á Íslandi.
Þegar flutningar á milli landa eru skoðaðir kemur í ljós önnur mynd en þegar flutningar eru skoðaðir innan landssvæðis eða á milli landssvæða. Raunin er að í flestum tilfellum eru fleiri aðfluttir en brottfluttir bæði meðal karla og kvenna. Aðeins árið 2012 eru brottfluttar konur fleiri en aðfluttar en þrjú ár eru það fleiri karlar sem eru brottfluttir en aðfluttir, 2013, 2018 og 2020.
Skýrsluna má nálgast hér.
Nýjast
-
Allt mannanna verk - orkuöryggi á Íslandi
Raforka er ein af grunnþörfum okkar samfélags og er afhendingaröryggi raforku ekki aðeins grundvallarþjónusta heldur einnig lykilþáttur í daglegu lífi landsmanna og í efnahagslegum vexti og velferð landsins. Það hefur varla vafist fyrir neinum að það sé skortur á raforku hér á landi, sem hamlar frekari vexti og veldur áhyggjum sérfræðinga. Þeir hafa í langa hríð bent á að næstu ár gætu orðið erfið vegna hugsanlegra raforkuskerðinga og takmarkaðs framboðs á raforku. -
Á að skreyta um helgina?
Norðurorka minnir okkur á hvers skal gæta í sambandi við útiseríur og annað jólaskraut en ekki þarf að efast um að margir munu nota gott veður um helgina til þess að ,,punta og pena”. -
Viðreisn íslensks landbúnaðar?
„Lækkun tollahindrana skapar tækifæri fyrir landbúnaðinn.” Já, þetta fullyrðir Viðreisn í stefnuskrá sinni. Bætir við: “Endurskoða þarf reglulega áhrif tolla á frjáls viðskipti og matvælaverð.” Svo reyndar ekki bofs meir. Punktur. -
Ekki benda á mig
Brátt göngum við til kosninga einu sinni enn. Í annað skipti á þessu ári. Síðast tókst okkur vel til og völdum við okkur forseta sem við verðum stolt af. Núna eru vonbiðlarnir þeir sem vilja setjast á Alþingi Íslendinga og sýna þar hvað í þeim býr. -
Pharmarctica á Grenivík Viðbótarhúsnæði tekið í notkun
„Þetta verður mikil og jákvæð breyting, aðstaðan er mun rýmri en áður og betri á allan hátt,“ segir Sigurbjörn Þór Jakobsson framkvæmdastjóri Pharmarctica á Grenivík en á morgun laugardag verður opið hús hjá fyrirtækinu frá kl 14 þar sem gestir og gangandi geta skoða nýja og glæsilega aðstöðu fyrirtækisins við Lundsbraut. -
50 þúsund lyfjaskammtar á Akureyri
Heimahjúkrun HSN á Akureyri hefur náð þeim merka áfanga að hafa gefið 50.000 lyfjaskammta með aðstoð Evondos lyfjaskammtara. Mikill ávinningur er af notkun lyfjaskammtara, vitjunum hefur fækkað og þá gefst meiri tími til að sinna öðrum verkefnum. -
Jákvæð þróun fyrir börn og starfsfólk
„Við munum halda áfram að þróa gjaldskrárbreytingar í leikskólum en teljum þetta hafi verið afar góða breytingu og jákvæða þróun í starfsumhverfi í leikskólum á Akureyri bæði fyrir starfsfólk og börn,“ segir í bókun meirihluta bæjarráðs. -
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning.
