27. nóvember - 4. desember - Tbl 48
Horft til þess að koma upp biðstöð fyrir strætó á svæði við Akureyrarvöll síðar
Fjórir vagnar á vegum Strætisvagna Akureyrar ganga fyrir metani. Við endurnýjun á
flotanum á næstu árum er áhugi fyrir að skipta yfir í rafmagnsvagna. Mynd /MÞÞ
mth@vikubladid.is
Andri Teitsson formaður Umhverfis- og mannvirkjaráðs Akureyrarbæjar segir að til lengri tíma litið hefði ráðið áhuga fyrir að kanna möguleika á að gera sameiginlega aðstöðu fyrir bæði innanbæjar-, og landsbyggðarstrætó, hópferðabíla, leigubíla og fleiri á svæðinu þar sem Akureyrarvöllur er nú, enda fyrirséð að knattspyrnuiðkun verði hætt þar innan fárra ára.
Meirihluti umhverfis- og mannvirkjaráðs hefur samþykkt að hefja framkvæmdir við aðstöðu strætisvagna Akureyrar og bílstjóra þeirra í miðbænum en rýma þarf lóðina við Hofsbót 2 vegna fyrirhugaðra framkvæmda á lóðinni. Kostnaður við þessa bráðabirgðaframkvæmd er um 15 milljónir króna. Telur ráðið óheppilegt að ekki liggi fyrir hver framtíðaráform eru varðandi akstur og aðstöðu fyrir strætó í miðbænum, en nú leiðir til þess að verja þarf fjármunum í bráðabirgðalausn.
Tímabundin ráðstöfun
Andri segir að Akureyrarbær hafi þegar úthlutað lóðinni við Hofsbót 2 og framkvæmdir hefjist þar á næstu vikum eða mánuðum. „Það þýðir að hnika þarf lítillega til akstursleiðum og aðstöðu strætó í miðbænum. Þessi ráðstöfun er tímabundin og hefur þann tilgang að tryggja rekstur strætó á næstu mánuðum,“ segir hann.
Væntir Andri þess að tækifæri skapist til að skipuleggja svæðið á Akureyrarvelli frá grunni, fyrir íbúðir, verslanir, þjónustu og afþreyingu auk þess að setja upp samgöngumiðstöð. „Ég bind miklar vonir við að þannig náum við að tengja saman miðbæinn og Glerártorg og skapa þannig eina samfellu með grósku og mannlífi,“ segir hann.
Næsta lota í endurnýjun verði rafmagnsvagnar
Fjórir af þeim strætisvögnum sem Akureyrarbær er með í rekstri gagna fyrir metani en nú stendur til að festa kaup á rafmagnsstrætisvagni. Hann kostar á bilinu 75 til 80 milljónir króna.
Andri Teitsson formaður Umhverfis- og mannvirkjaráðs Akureyrarbæjar segir að jákvætt sé út frá umhverfissjónarmiði að reka vagna sem ganga fyrir metani.„Það hefur hins vegar komið í ljós að afkastageta og áreiðanleiki í vinnslu á metani frá gömlu sorphaugunum á Glerárdal er aðeins minni en reiknað var með,“ segir hann og það sé kveikjan að því að kanna möguleika á að næsta lota í endurnýjun á strætisvögnum verði rafmagnsvagnar.
Dýrari í innkaupum en ódýrari í rekstri
Hann segir að ráðið hafi verið í sambandi við Stætó á höfuðborgarsvæðinu þar sem töluverð reynsla er komin á rekstur slíkra vagna, og þeir virðast lofa góðu. „Rafmagnsvagnar eru dýrari í innkaupi en metan- eða dísilvagnar en hins vegar ódýrari í rekstri. Áform okkar eru að kaupa þrjá rafmagnsvagna á næstu þremur árum en það er háð því að okkur takist að finna rými í fjárhagsáætlun sveitarfélagsins á því tímabili,“ segir hann.
Umhverfis- og mannvirkjaráð hefur einnig samþykkt að leita eftir verði í tvær bifreiðar fyrir ferliþjónustuna sem gangi fyrir umhverfisvænum orkugjafa og stefna á að önnur komi inn í reksturinn á þessu ári og önnur á því næsta. Kostnaður við kaup á ferlibifreið er áætluður um 18 til 20 milljónir króna, þannig að fjármagnsþörf vegna kaupanna næstu tvö ár er um 40 milljónir.
Nýjast
-
Atkvæði Grímseyinga komin til Akureyrar
Anna María Sigvaldadóttir formaður kjörstjórnar í Grímsey sigldi og ók með atkvæði úr eynni til Akureyrar þar sem Helga Eymundsdóttir formaður kjörstjórnar á Akureyrar tók við þeim. Eftir að Anna María hafði afhent kjörgögn kaus hún sjálf utan kjörfundar á Akureyri. Alls eru 49 á kjörskrá í Grímsey -
Akureyri - Opnun jólatorgsins og ljósin tendruð á jólatrénu
Hátíðleg stund verður á Ráðhústorginu á sunnudaginn, fyrsta sunnudag í aðventu, þegar ljósin verða tendruð á jólatré bæjarbúa og splunkunýtt jólatorg verður opnað. -
Jólin koma, jólin koma!
Starfsfólk skógræktarfélaga hefur í nógu að snúast þessa dagana við undirbúning jólanna en sala á jólatrjám hefst innan tíðar. Hér eru þau Sigurður Ormur, Ólöf, Benedikt, Huldar og Bergsveinn með rauðgreni jólatré sem þeir Benedikt og Huldar frá Skógræktinni á Vöglum færðu kollegum sínum í Skógræktarfélagi Eyjafjarðar. -
Þingför eða aðför?
Kjördagur nálgast óðfluga, frambjóðendur með þingmanninn í maganum keppast við að ná augum og eyrum kjósenda, það er engin gúrkutíð hjá fjölmiðlum landsins meðan á kosningabaráttu stendur. Og athygli beinist að sumum frekar en öðrum, stundum fyrir ábyrðarlausan málflutning, hnyttin slagorð eða jafnvel forkastanlega hegðun. -
Jólasöfnun Velferðarsjóðs Eyjafjarðarsvæðis hafin
Stöðug fjölgun er í hópi þeirra sem óska eftir aðstoð Velferðarsjóðs Eyjafjarðarsvæðis. Úthlutað er úr sjóðnum yfir allt árið þó flestir sækist eftir aðstoð fyrir hátíðarnar. Fyrir jólin 2023 barst metfjöldi umsókna en með góðum stuðningi frá fyrirtækjum, félagasamtökum og einstaklingum var hægt að styðja við þau heimili sem þurftu hjálp. Stjórn sjóðsins gerir ráð fyrir að umsóknir nú verði síst færri en í fyrra. Hjálparstarf kirkjunnar, Hjálpræðisherinn á Akureyri, Mæðrastyrksnefnd Akureyrar og nágrennis og Rauði krossinn við Eyjafjörð hafa frá árinu 2013 haft samstarf um jólaaðstoð á Eyjafjarðarsvæðinu og síðustu þrjú ár hefur samstarfið verið yfir allt árið. -
Opnar dyr í Eyjafjarðarsveit
Ferðamálafélag Eyjafjarðarsveitar stendur fyrir viðburði sem nefnist Opnar dyr á laugardag, 30.nóvember og nú í fimmta sinn. Markmiðið með þessum viðburði er að kynna þá starfsemi sem er í sveitinni og bjóða uppá tækifæri til að versla beint við framleiðendur og fyrirtæki. -
Hollvinir SAk gefa öndunarmælingatæki
Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki, tækið nýtist við greiningu, meðferð og eftirlit lungnasjúkdóma Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu. -
Að kjósa annað en Framsókn er að kjósa kyrrstöðu eða afturför í heilbrigðismálum.
Frá árinu 2022 og til 2023 fjölgaði valkvæðum liðskiptaaðgerðum á Íslandi um rúmlega átta hundruð aðgerðir. Meðal tíminn sem að hver sjúklingur þurfti að eyða á biðlista var yfir níu mánuðir. Það er því í raun vel skiljanlegt að þessir biðlistar hafi lengst til mikilla muna vegna einfaldlega hinnar gríðarlegu fjölgunar á liðskiptaaðgerðum. -
Tími til að gleðjast með fjölskyldunni
Aðventuhátíðin Jólabærinn minn á Húsavík
