20. nóvember - 27. nóvember - Tbl 47
Hnoðri í norðri komin í jólagírinn
Hnoðri í norðri sem er sjálfstætt starfandi sviðslistahópur sem setur upp ævintýraleg tónlistarleikverk sýnir verkið Ævintýri á aðventunni í samstarfi við Handbendi á Hvammstanga 3. desember og á grunnskólasýningum Kópavogs í Salnum 4. desember. Þá verða sýningar í samstarfi við Leikfélag Akureyrar í Samkomuhúsinu helgina 9. og 10. desember.
Fyrir jólin í fyrra fór hópurinn með frumsamda gaman-jóla-öróperu, Ævintýri á aðventunni, í grunnskóla á Norðurlandi í samstarfi við List fyrir alla og með hjálp góðra styrkja, og fluttu fyrir yngstu börnin (1.-4. bekk). Var það hluti af því að reyna að kynna þetta listform fyrir yngstu kynslóðinni, en auðvitað er þá mikill kostur að verkið sé sneisafullt af húmor og tónlistin grípandi og skemmtileg. Hópurinn sýndi 25 sýningar í grunnskólum allt frá Vopnafirði til Hvammstanga á 8 dögum. Fyrir þetta ævintýri fékk Hnoðri í norðri hvatningarverðlaun Eyrarrósarinnar síðastliðið vor og í ágúst var þeim boðið, ásamt 12 öðrum hópum víðs vegar að úr heiminum, að taka þátt í alþjóðlegu listahátíðinni Bitolino í Norður-Makedóníu sem tileinkuð er sviðslistum fyrir börn og ungmenni. Verkið var síðan einnig sýnt á sviði MA á Akureyrarvöku í sumar. Hópurinn hefur því verið í jólaskapi í allt sumar!
Í Ævintýri á aðventunni koma fyrir misyndælar en rosa jólalegar persónur: Stúfur (sem heitir reyndar réttu nafni Sigurður), Jólakötturinn (sem reyndi einu sinni að verða vegan), Grýla (prumpufýla) og systurnar Gunna (á nýju skónum) og Solla (á bláum kjól), en þau eiga það auðvitað öll sameiginlegt að fara eftir jólalögunum, sem mjög mikilvægt er að allir hlýði.
Nýtt verk hópsins mun líta dagsins ljós í febrúar, en það er nýársverkið Skoffín og skringilmenni, sem nýtir allskonar þjóðlegt efni og hjátrú sem byggingarefni og verður einskonar gaman-hryllings ópera. Vonir standa til að nægir styrkir náist til að sýna verkið fyrir elsta stig allra grunnskóla á Norðurlandi sem og að troða upp í nokkrum félagsheimilum í landshlutanum með aðeins kabarettkryddaðri fullorðins útgáfu af verkinu.
Hnoðri í norðri samastendur af tón- og leikskáldinu Þórunni Guðmundsdóttur, leikstjóranum Jennýju Láru Arnórsdóttur, búningahönnuðinum Rósu Ásgeirsdóttur, Jóni Þorsteini Reynissyni harmonikkuleikara og söngkonunum Erlu Dóru Vogler mezzosópran og Björk Níelsdóttur sópran, en Björg Marta Gunnarsdóttir mun leysa Rósu af í fæðingarorlofi.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
