Heilsugæslan Urðarhvarfi Læknar hefja heimavitjanir á Akureyri í næstu viku
Tveir heilsugæslulæknar, Guðrún Dóra Clarke og Valur Helgi Kristinsson sem starfa hjá Heilsugæslunni Urðarhvarfi munu í næstu viku bjóða skjólstæðingum sínum upp á heimavitjanir. Bíll sem notaður verður til vitjana á Akureyri kom norður nú í vikunni.
Teitur Guðmundsson forstjóri Heilsuverndar segir að markvisst hafi á vegum Heilsugæslunnar í Urðarhvarfi verið unnið að því að bjóða upp á þjónustu heimilislækna á Akureyri. Þau Valur Helgi og Guðrún Dóra hafa sinnt sínum skjólstæðingum með rafrænum hætti og í gegnum síma en verið með mótttöku í Urðarhvarfi að auki sem er þeirra megin starfsstöð. Skjólstæðingar þeirra eru um 1000 talsins.
Um 3 til 4 þúsund manns tilbúnir að fylgja sínum læknum
Teitur segir Sjúkratryggingar Íslands hafa meinað heilsugæslulæknunum að nýta aðstöðu á Læknastofum Akureyrar til að hitta sína skjólstæðinga. Heilsugæslunni er hins vegar heimilt að vitja fólks á sínu heimili og var því tekin sú ákvörðun að opna fyrir slíka þjónustu. Hún verður veitt á dagvinnutíma, skjólstæðingar þurfa að hringja í Heilsugæsluna eða senda skilaboð í gegnum Heilsuveru til að óska eftir vitjun. Nánara fyrirkomulag verður kynnt í næstu viku þannig að skjólstæðingar séu upplýstir um þennan möguleika. Hann telur að allt að 3 til 4000 manns séu tilbúnir að fylgja sínum læknum miðað við það sem fram hefur komið með undirskriftarsöfnun og samtölum við skjólstæðinga undanfarið.
Teitur segir að ítrekað hafi verið bent á að skráning á heilsugæslu sé frjáls og heilsugæslum sé almennt ekki heimilt að meina skjólstæðingum um skráningu né afskrá þá og þeir sem vilji skrá sig séu velkomnir. Áfram verði leitað leiða til að sinna skjólstæðingum og „við stefnum ótrauð að því að opna stofu á Akureyri innan tíðar,” segir hann.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
