Hefur þú skoðun?
Hefur þú skoðun á breyttu aðalskipulagi fyrir svæðið í kringum Glerártorg og fyrirhugaðri skipulagningu íbúðalóða syðst í Naustahverfi (Naust III)?
Kíktu á tillögurnar og ræddu málin við starfsfólk skipulagsdeildar Akureyrarbæjar.
Í dag liggja tvær skipulagstillögur frammi til kynningar í Ráðhúsi Akureyrar frá klukkan 15-18. Íbúar og hagsmunaaðilar eru hvattir til að mæta, kynna sér tillögurnar og fá nánari upplýsingar frá starfsfólki skipulagsdeildar um efni þeirra. Þá er einnig hægt að koma á framfæri athugasemdum og ábendingum á staðnum.
Skipulagstillögurnar sem um ræðir eru eftirfarandi:
Gleráreyrar – Breyting á aðalskipulagi Akureyrar 2018-2030 fyrir svæði Glerártorgs ásamt deiliskipulagsbreytingu fyrir Gleráreyrar 2-10:
Tillögur að breytingu á Aðalskipulagi Akureyrar 2018-2030 og deiliskipulagi verksmiðjusvæðis á Gleráreyrum vegna áforma um byggingu íbúðarhúsnæðis á lóðinni suðaustan við Glerártorg. Tillögurnar gera ráð fyrir að svæði VÞ6 og nyrsti hluti ÍB4 eru sameinuð og svæðið endurskilgreint sem miðsvæði. Deiliskipulagsbreytingin sem auglýst er samhliða tekur til Gleráreyra 2-10 þar sem Gleráreyrum 10 er bætt við og leyfilegt heildarmagn íbúða hækkað í 100-150 íbúðir.
Drögin eru í kynningu til 12. september nk.
Skipulagslýsinguna má nálgast hér og uppdráttinn hér.
Athugasemdum við breytinguna skal skila í gegnum skipulagsgátt
Naust III – stækkun íbúðarbyggðar:
Drög að breytingu á deiliskipulagi Naust III vegna áforma um að útbúnar verði 7 einbýlishúsalóðir, 2 parhúsalóðir og 5 raðhúsalóðir á svæði sem í dag er deiliskipulagt sem svæði fyrir Minjasafnið.
Drögin eru í kynningu til 12. september nk.
Deiliskipulagsuppdrátt má sjá hér og greinargerð hér.
Athugasemdum við breytinguna skal skila í gegnum skipulagsgátt.
Nýjast
-
Græni hatturinn Endurfundir við Kristján frá Djúpalæk og textana hans
Hljómsveitin Djúpilækur heldur tónleika helgaða dægurlagatextum Kristjáns frá Djúpalæk á Græna hattinum laugardaginn 26 október kl. 15. -
Námskeið fyrir konur með ADHD í boði á landsbyggðinni
Mikill vitundavakning hefur átt sér stað undanfarið um ADHD og þau áhrif sem ógreint og ómeðhöndlað einkenni getur haft á sjálfsmynd fólks og líðan. Mikilvægi þess að fá greiningu hefur líka verið í umræðunni og mörg þúsund Íslendingar eru á biðlistum hjá ADHD teymi heilsugæslunnar. -
Lokaorðið - Og við verðum öll að geta hlustað.
Það getur ekki öllum liðið alltaf vel. En það á heldur engum að líða alltaf illa. Passleg blanda er líklega best, horfa bjartsýn fram á veg, snúa baki við skugganum. Vita af þungum steinum, en láta þá ekki hafa áhrif á sig. Lífsviðhorf sem ætti að vera auðvelt og einfalt, en er það ekki fyrir marga. Alltof marga. -
Húsvískur kúreki á krossgötum
Kúreki norðursins: Saga Johnny King, eftir Árna Sveinsson -
Ekkert að gerast í húsnæðismálum Kisukots Samþykkt í bæjarráði fyrir 10 mánuðum að hefja samningaviðræður
„Vægt til orða tekið þá er ég orðin mjög þreytt á þessu. Ég er reglulega spurð að því hvernig gangi að fá stuðning frá Akureyrarbæ við Kisukot, en staðan þar er bara sú sama og verið hefur, það virðist ekkert vera að gerast. Síðustu samskipti mín við bæinn voru í apríl á þessu ár. Ég hef send nokkra tölvupósta síðan en ekki fengið svör. Það er greinilegt að áhuginn er enginn,“ segir Ragnheiður Gunnarsdóttir sem hefur um árabil rekið athvarf fyrir ketti á heimili sínu, eða frá því í lok janúar árið 2012. -
Hvert er hlutverk sveitarfélaga í þjóðarátaki gegn ofbeldi meðal barna
Umræðan um ofbeldi meðal ungs fólks hefur verið áberandi okkur síðustu vikur og langar mig til að byrja á því að votta aðstandendum Bryndísar Klöru samúð mína og þakka þeim fyrir sitt sterka ákall um breytingar -
Völsungspiltar í Lengjudeild í fótboltanum 2025!
Völsungur mun eiga lið í næst efstu deild karlafótboltans á Íslandi næsta sumar, þetta varð ljóst eftir frábæran stórsigur 8-3 á liði KFA á Reyðarfirði í dag. Liðið sem sérfróðir sunnan heiða gáfu enga möguleika á einu eða neinu í spám fyrir sumarið er svo sannarlega vel að þessum árangri komið. Þeir hafa svo dæmið sé tekið ekki lotið í lægra haldi í seinustu níu leikjum. -
Hringtorg við Lónsbakka Tilboð verkið um 90% yfir áætluðum kostnaði
„Við erum að skoða það að gera breytingar á hönnun sem felast í því að fella undirgöngin út á þessum stað. Það gerir framkvæmdina bæði mun ódýrari og einfaldari, svo framkvæmdatíminn mun styttast umtalsvert,“ segir Rúna Ásmundsdóttir deildarstjóri Tæknideildar á Norðursvæði Vegagerðarinnar. -
Kvennaathvarfið á Akureyri Enn hefur ekki tekist að finna nýtt húsnæði
„Við erum orðnar frekar órólegar yfir stöðunni,“ segir Linda Dröfn Gunnarsdóttir framkvæmdastýra Kvennaathvarfsins. Leigusamningi við Kvennaathvarfið á Akureyrar var sagt upp á liðnu sumri og verður það því húsnæðislaust frá og með 1. janúar 2025 finnist ekki hentugt húsnæði fyrir þann tíma. Leit hefur staðið yfir undanfarna tvo mánuði en ekki borið árangur. Kvennaathvarf, ætlað konum og börnum sem flýja þurfa heimili sitt sökum ofbeldis var fyrst opnað á Akureyri í ágúst árið 2020
Athugasemdir