Hafnasamlag Norðurlands Góð staða og spennandi verkefni en hættur geta verið í sjónmáli
Staða Hafnasamlags Norðurlands er afar góð um þessar mundir og mörg spennandi uppbyggingar verkefni í gangi. Ýmsar hættur eru þó í sjónmáli sem geta breytt stöðunni til hins verra. Þar ber helst að nefna þá ákvörðun stjórnvalda að taka upp innviðagjalds á farþega skemmtiferðaskipa. Þær tóku gildi um nýliðin áramót.
Pétur Ólafsson hafnarstjóri Hafnasamlags Norðurlands segir að á liðnum árum hafi komur skemmtiferðaskipa til hafna samlagsins, Akureyrar, Hríseyjar og Grímseyjar skapað traustan grunn í rekstri þess. „Tekjur hafa verið góðar undanfarin ár og þær skapað okkur möguleika á að vaxa og dafna, vinna að endurnýjun og takast á við ný verkefni. Grunnur að þeirri uppbyggingu sem hefur verið síðustu ár, hefur að miklu leyti skapast vegna aukinna tekna af komum skemmtiferðaskipa.
Fækkar um 44 skip
Blikur eru á lofti varðandi komur skipanna en nú á fyrstu dögum ársins er ljóst að mun færri skip koma til hafnar í Eyjafirði en á síðastliðnu ári. Þá voru þær 258 í allt en verða 214 nú í ár, 2025, gangi allt eftir, eða fækkun um 44 skip. „Það gefur auga leið að tekjurnar minnka sem því nemur og hefur áhrif á okkar rekstur,“ segir Pétur. Skipin hafa ýmist hætt við komu til landsins og valið aðrar siglingaleiðir eða afbókað sig og valið aðra áfangastaði. „Mörg skipafélaganna hafa tekið þessar ákvarðanir vegna þeirrar óvissu og óstöðugleika sem uppi hefur verið síðustu mánuði hvað varðar álagningar stjórnvalda og óvænt útgjöld fyrir skipafélög.“
Hann segir sveitarfélög um landið, hafnir, Cruise Iceland og fleiri hagsmunaaðilar hafi sent stjórnvöldum ákall um breytingar og þá sé fyrst og fremst verið að óska eftir lengri aðlögunartíma. „Við höfum bent á að farsælla er að innleiða þetta gjald í nokkrum skrefum á þremur til fjórum árum í stað þess að skella þessu á korteri fyrir kosningar, svo að segja fyrirvaralaust. Það kom okkur á óvart hvernig að þessu var staðið, engin umræða og ekkert samráð. Það hefur komið til tals að taka upp innviðagjald og enginn á móti því í sjálfu sér en framkvæmdin er ámælisverð,“ segir Pétur.
Vegna þess hve skammur fyrirvarinn var gátu skipafélögin ekki innheimt gjaldið hjá sínum farþegum, en yfirleitt hefur bróðurpartur farþega, eða um 90% þeirra bókað sig um ár fram í tímann. „Skipafélögin þurfa því sjálf að greiða innviðagjaldið og eru ósátt við það hvernig staðið var að þessu, það hefði vel mátt útfæra þetta mun betur en gert var,“ segir Pétur.
Nýjast
-
Hafnasamlag Norðurlands Góð staða og spennandi verkefni en hættur geta verið í sjónmáli
Staða Hafnasamlags Norðurlands er afar góð um þessar mundir og mörg spennandi uppbyggingar verkefni í gangi. Ýmsar hættur eru þó í sjónmáli sem geta breytt stöðunni til hins verra. Þar ber helst að nefna þá ákvörðun stjórnvalda að taka upp innviðagjalds á farþega skemmtiferðaskipa. Þær tóku gildi um nýliðin áramót. -
Ný brú á Skjálfandafljót hjá Fosshóli í burðarliðnum
Vegagerðin hefur kynnt byggingu nýrrar tvíbreiðrar brúar yfir Skjálfandafljót á Hringvegi í sveitarfélaginu Þingeyjarsveit. Brúin er hluti af grunnkerfi samgangna en núverandi brú er einbreið og uppfyllir ekki öryggiskröfur Vegagerðarinnar segir í kynningu á vefsíðu Vegagerðarinnar. -
Í upphaf árs; samfélag tækifæra
Hjálmar Bogi Hafliðason skrifar -
Þjóðaratkvæðagreiðsla um viðræður við Evrópusambandið – Af hverju og hvers vegna núna?
Undanfarið hefur umræða um þjóðaratkvæðagreiðslu um framhald viðræðna við Evrópusambandið (ESB) vakið athygli og verið áhugavert að lesa hinar ólíku hliðar og sjónarmið í þessari umræðu. Mikilvægt er þó að skýra að slík atkvæðagreiðsla snýst ekki um framhald eldri viðræðna heldur um upphaf nýrra viðræðna – og þar liggur verulegur munur. -
Hér er kona, um konu…
Konur eru núna í áhrifamestu embættum á Íslandi. Þetta er í fyrsta skipti sem það gerist, sem er að sumu leiti pínu sorglegt að hafi ekki gerst fyrr. -
Skíðastaðir - Fyrsti langi fimmtudagurinn í vetur og forsala vetrarkorta lýkur á morgun
Í dag er fyrsti fimmtudagurinn með lengdum opnunartíma hjá okkur í vetur en það verður opið frá 14-21 í kvöld og alla fimmtudaga í vetur. Það er því um að gera að skella sér í fjallið eftir vinnu í dag og taka kvöldmatinn þar því hægt verður að versla hamborgara uppí Strýtuskála og á Skíðastöðum verður súpa í boði ásamt öðru. -
Nýr aðili tekur við þjónustu gámasvæðis og grenndarstöðva
Um næstu helgi tekur nýr aðili við þjónustu grenndarstöðva og gámasvæðis Akureyrarbæjar. Reiknað er með að þau umskipti gangi snurðulaust fyrir sig en þjónustan gæti þó raskast ofurlítið um stundarsakir. -
Ragnheiður Gunnarsdóttir í Kisukoti langþreytt á svarleysi Akureyrarbæjar
„Það hefur ekki einn einasti maður frá Akureyrarbæ haft samband við mig síðan í apríl í fyrra. Ég hef ekki fengið nein viðbrögð við þeim tölvupóstum sem ég hef sent til starfsmanna bæjarins,“ segir Ragnheiður Gunnarsdóttir sem rekið hefur Kisukot – kattaaðstoð á heimili sínu frá því janúar árið 2012. Bæjarráð samþykkt í nóvember árið 2023 að hefja samningaviðræður við Ragnheiði sem miðuðu að því að koma starfseminni út af heimilinu og í húsnæði sem uppfyllt kröfur fyrir starfsleyfi. -
Tundurdufl í veiðarfærum
Fiskvinnsluhús Útgerðarfélags Akureyringa var rýmt skömmu eftir hádegi í dag vegna tundurdufls sem kom í veiðarfæri togarans Bjargar EA. Duflið kom í síðasta holi veiðiferðarinnar. Björg kom til Akureyrar í morgun.
