Hæstánægð með hversu vel þetta byrjar
mth@vikubladid.is
„Það er stórkostlegt að sjá þetta þarfa og mikilvæga verkefni loksins komast af stað,“ segir Bergrún Ólafsdóttir verslunarstjóri hjá Hertex og tengiliður vegna verkefnis sem Hjálpræðisherinn, Akureyrarbær og Vistorka í samvinnu við fleiri hafa hrundið af stað á Akureyri. Yfir 30 fyrirtæki, veitingastaðir, matvælaframleiðendur, veisluhaldarar, bakarí og verslanir eru með í verkefninu sem miðar að því að þessir aðilar koma því sem eftir er af nýtilegum matvælum þegar sölu dagsins er lokið, í velferðarrými Hjálpræðishersins við Hrísalund.
Til stóð að koma matareldhúsinu upp mun fyrr en Bergrún segir að tafir skrifist m.a. á kórónuveiru heimsfaraldurinn sem gert hafi að verkum að öll aðföng, byggingarefni og fleira skilaði sér síðar en gert var ráð fyrir.
Á jarðhæð húsnæðis Hjálpræðishersins við Hrísalund hefur verið útbúið velferðarrými. Þar eru kæli- og frystiskápar og annað rými til að taka við þeim matvælum sem hægt er að nýta áfram. Starfsfólk þeirra staða sem gefa matvælin áfram hafa aðgang að velferðarrýminu. Þar starfa m.a. sjálfboðaliðar á vegum Hjálpræðishersins við að setja mat í bakka, en þeir brotna niður og mega fara í lífræna tunnu eftir notkun.
Draumurinn að setja upp frískáp
„Það leggjast allir á eitt við að sporna gegn matarsóun sem er mjög þarft samfélagsverkefni en ekki síður er mikilvægt að sá matur sem annars hefði endað í ruslatunnunni kemur sér í góðar þarfir hjá þeim sem þarfnast hans. Vitað er að endar ná ekki saman hjá öllum og reynsla þeirra sem deila út matvælum er sú að þörfin er brýn. Við erum hæst ánægð með hversu vel þetta fer af stað og við eigum örugglega eftir að sjá þetta vaxa og þróast,“ segir Bergrún. „Svo er draumurinn síðar meir að koma upp svonefndum frískápum utandyra þar sem hægt verður að setja í matvæla og þeir sem vilja og þurfa geta nýtt sér á öllum tímum sólarhringsins.“
Nafnasamkeppni í gangi
Hún segir að komin sé í loftið síða á fésbók sem ber vinnuheitið mataraðstoð gegn matarsóun en um þessar mundir stendur yfir nafnasamkeppni yfir verkefnið. „Við erum að leita eftir nafni sem allir skilja, er þægilegt og þjált og lýsandi fyrir hugmyndina á bak við verkefnið,“ segir hún.
Nýjast
-
Jólin koma, jólin koma!
Starfsfólk skógræktarfélaga hefur í nógu að snúast þessa dagana við undirbúning jólanna en sala á jólatrjám hefst innan tíðar. Hér eru þau Sigurður Ormur, Ólöf, Benedikt, Huldar og Bergsveinn með rauðgreni jólatré sem þeir Benedikt og Huldar frá Skógræktinni á Vöglum færðu kollegum sínum í Skógræktarfélagi Eyjafjarðar. -
Þingför eða aðför?
Kjördagur nálgast óðfluga, frambjóðendur með þingmanninn í maganum keppast við að ná augum og eyrum kjósenda, það er engin gúrkutíð hjá fjölmiðlum landsins meðan á kosningabaráttu stendur. Og athygli beinist að sumum frekar en öðrum, stundum fyrir ábyrðarlausan málflutning, hnyttin slagorð eða jafnvel forkastanlega hegðun. -
Jólasöfnun Velferðarsjóðs Eyjafjarðarsvæðis hafin
Stöðug fjölgun er í hópi þeirra sem óska eftir aðstoð Velferðarsjóðs Eyjafjarðarsvæðis. Úthlutað er úr sjóðnum yfir allt árið þó flestir sækist eftir aðstoð fyrir hátíðarnar. Fyrir jólin 2023 barst metfjöldi umsókna en með góðum stuðningi frá fyrirtækjum, félagasamtökum og einstaklingum var hægt að styðja við þau heimili sem þurftu hjálp. Stjórn sjóðsins gerir ráð fyrir að umsóknir nú verði síst færri en í fyrra. Hjálparstarf kirkjunnar, Hjálpræðisherinn á Akureyri, Mæðrastyrksnefnd Akureyrar og nágrennis og Rauði krossinn við Eyjafjörð hafa frá árinu 2013 haft samstarf um jólaaðstoð á Eyjafjarðarsvæðinu og síðustu þrjú ár hefur samstarfið verið yfir allt árið. -
Opnar dyr í Eyjafjarðarsveit
Ferðamálafélag Eyjafjarðarsveitar stendur fyrir viðburði sem nefnist Opnar dyr á laugardag, 30.nóvember og nú í fimmta sinn. Markmiðið með þessum viðburði er að kynna þá starfsemi sem er í sveitinni og bjóða uppá tækifæri til að versla beint við framleiðendur og fyrirtæki. -
Hollvinir SAk gefa öndunarmælingatæki
Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki, tækið nýtist við greiningu, meðferð og eftirlit lungnasjúkdóma Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu. -
Að kjósa annað en Framsókn er að kjósa kyrrstöðu eða afturför í heilbrigðismálum.
Frá árinu 2022 og til 2023 fjölgaði valkvæðum liðskiptaaðgerðum á Íslandi um rúmlega átta hundruð aðgerðir. Meðal tíminn sem að hver sjúklingur þurfti að eyða á biðlista var yfir níu mánuðir. Það er því í raun vel skiljanlegt að þessir biðlistar hafi lengst til mikilla muna vegna einfaldlega hinnar gríðarlegu fjölgunar á liðskiptaaðgerðum. -
Tími til að gleðjast með fjölskyldunni
Aðventuhátíðin Jólabærinn minn á Húsavík -
Njál Trausta áfram sem þingmann okkar í Norðausturkjördæmi
Njáll Trausti Friðbertsson er í baráttusæti Sjálfstæðisflokksins í þeim tvísýnu þingkosningum sem framundan eru. -
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg.
