4. sept - 11. sept - Tbl 36
Gyltubúið að Sölvastöðum Eyjafjarðarsveit tekið til starfa Ávinningur af því að halda framleiðslunni fyrir norðan
Horft yfir Sölvastaði. Kerling í baksýn. Myndir aðsendar
„Þetta var virkilega ánægjulegur dagur og mjög góð mæting,“ segir Ingvi Stefánsson svínabóndi sem bauð gestum að líta við á nýju gyltubúi á Sölvastöðum í Eyjafjarðarsveit. Þar var þeim áfanga fagnað að fyrstu dýrin voru á leið inn í húsið daginn eftir og búið að komast í rekstur.
„Við vissum af áhuga fyrir þessari framkvæmd en móttökur fóru fram úr mínum björtustu vonum, við áttum alls ekki von á þeim fjölda sem kom til okkar, skoðaði og kynnti sér málið. Það er virkilega gaman að skynja hvað fólk var áhugasamt að fræðast um svínaræktina,“ segir Ingvi.
Að verkefninu standa Svínabúið í Teigi, Kjarnafæði/Norðlenska og Bústólpi. Sölvastaðir eru á landi Torfna í Eyjafjarðarsveit og þar hafa verið reist tvö hús, um 3200 fermetrar í allt. Annað húsið er fyrir gylturnar en hitt fyrir fóðurblöndun og þar er einnig starfsmannaaðstaða.
Á búinu verða um 400 gyltur á hverjum tíma. „Þetta er eingöngu gyltubú og dýrin fara á önnur bú í áframeldi, en við stefnum að því að hér verði allt komið i fullan rekstur um næstu áramót,“ segir Ingvi.
Ingvi ásamt eldri syni sínum, Tristan Darri sem lokið hefur búfræðinámi og er áhugasamur um svínarækt.
Fáir eftir í svínarækt fyrir norðan
Hann segir að svínarækt sé smám saman að hverfa af Norðurlandi og sú staðreynd hafi ekki hvað síst verið kveikjan að umfangsmikilli uppbyggingu. „Við vonum að þetta bú eigi eftir að styðja við og fjölga afleiddum störfum á svæðinu. Það hefur nú hin síðari ár verið samdráttur á framleiðslu svínakjöts á Norðurlandi, en á sama tíma hefur eftirspurn aukist mikið,“ segir hann en margvíslegur ávinningur er af því að halda framleiðslunni innan fjórðungs í stað þess að flytja afurðir um langan veg annars staðar frá.
Bjarkey Olsen Gunnarsdóttir matvælaráðherra leit við á Sölvastöðum. Hér er hún með Ingva Stefánssyni.
Aðbúnaður verði sem bestur
Ingvi segir að ný reglugerð um velferð svína taki gildi um komandi áramót. Hún sé mjög metnaðarfull og er almennt gengið lengra í þeirri reglugerð en í þeim löndum sem íslenskir svínabændur eru að keppa við um hillupláss verslana. „Við lögðum mikinn metnað í að hanna búið þannig að aðbúnaður bæði fyrir skepnur og menn væri sem allra bestur,“ segir Ingvi. Mikið er lagt upp úr því að gripir hafi nægt pláss og segir hann að gengið sé lengra en reglur segi til um varðandi stærð á gotstíum. „Reynslan hefur kennt manni að það sem er viðunandi núna verður það ekki eftir einn áratug eða tvo. Svo það er betra að hafa vaðið fyrir neðan sig og haft rúmt um gripina.“
Ekkert svínarí á þessum gyltum
Nýjast
-
Miklar endurbætur á gömlu heimavist Þelamerkurskóla í gangi
Miklar framkvæmdir hafa verið í gangi í Hörgársveit undanfarin misseri sem miða að því að styrkja innviði sveitarfélags þar sem íbúafjölgun hefur verið mikil hin síðari ár. Gagngerar endurbætur standa yfir á gamla heimavistarhúsnæði Þelamerkurskóla og var nú við upphaf skólaárs tekið í notkun nýtt rými þar fyrir unglingadeild skólans. Áður eða í fyrrahaust var enn ein nýja byggingin tekin í notkun við Heilsuleikskólann Álfastein. Þar var horft til framtíðar, pláss er fyrir 90 börn en þau eru kringum 70 um þessar mundir. Stærstu vinnustaðir sveitarfélagsins eru í leik- og grunnskólanum, en þar eru starfsmenn nú samtals 51. Í Hörgársveit búa nú 866 íbúar og er að því stefnt að þeir verði 1001 í það minnsta um mitt ár 2026. -
Umhverfisvænni kostir fundust ekki fyrir nýjan ferlibíl
Leitað verður eftir nýjum ferlibíl fyrir Strætisvagna Akureyrar sem gengur fyrir dísel orkjugjafa og uppfyllir að lágmarki Euro 6 mengunarstaðal. Ekki fundust aðrir umhverfisvænni kostir segir í bókun umhverfis- og mannvirkjaráðs. -
Fataslá sett upp í MA - Kaupum sjaldnar, kaupum notað
Nú má finna fataskiptislá framan við bókasafn Menntaskólans á Akureyri. Fólki er frjálst að koma með fatnað og/eða taka af sláni eftir því hvað hentar hverju sinni. Í tilkynningu frá umhverfisnefnd skólas segir að textíliðnaðurinn sé einn sá umfangsmesti í heimi og að honum fylgi gríðarleg mengun og umhverfisspjöll. -
Nýtt stjórnsýsluhús á Laugum tilbúið
Í dag var merkilegur áfangi í sögu Þingeyjarsveitar þegar nýtt stjórnsýsluhús á Laugum var formlega tilbúið. Ragnheiður Jóna Ingimarsdóttir, sveitarstjóri fékk lyklana afhenta við óformlega athöfn í haust blíðunni. Húsið mun hýsa skrifstofu sveitarfélagsins og þar verða einnig rými sem fyrirtæki, stofnanir og einyrkjar geta nýtt sér. Vonast er til þess að húsið verði iðandi af lífi, suðupottur hugmynda og verkefna þar sem allir eru velkomnir -
Grýtubakkahreppur, Norðurþing og Þingeyjarsveit - Ekki innheimt gjald fyrir ávexti
Ekki verður innheimt gjald fyrir þjónustu mötuneytis Grenivíkurskóla við nemendur skólans fá og með haustinu 2024. Allur matur sem börnin fá í skólanum, morgunmatur, hádegisverður, ávextir eða annað er gjaldfrjáls. Áður var innheimt eitt gjald fyrir allan mat. -
Síðuskóli 40 ára
Eins og fram hefur komið var því fagnað í gær að þá voru 40 liðin frá þvi að Síðuskóli á Akureyri tók til starfa. -
Áætlað að slátra um 88 þúsund fjár á Húsavík
Sláturtíð hófst hjá Kjarnafæði Norðlenska á Húsavík í fyrradag. Áætlað er að hún standi yfir til loka október, ljúki 31. þess mánaðar og á þeim tíma er gert ráð fyrir að slátra á bilinu 87.500 til 88.000 fjár. -
Ekkert ferðaveður á Mývatnsöræfum
Lögreglan á Norðurlandi eystra segir á Facebooksíðu embættisins frá illviðri á Mývatnsöræfum og er færslan svohljóðandi: ,,Lögreglunni á Norðurlandi Eystra voru að berast upplýsingar um mjög slæmt verður á Mývatnsöræfum. Sandstormur og ofsarok. Malbik er að flettast af veginum vestan við Jökulsá á Fjöllum við Grímsstaði. Ökumenn hafa leitað vars með bíla sína á aðeins skjólsælli stöðum. Lögreglumenn sem fóru um svæðið fyrir skammri stundu óskuðu þess að vegfarendur yrðu upplýstir með þessar aðstæður ef nokkur kostur væri. Vegagerðin er einnig að setja inn viðvörun um hættulegar aðstæður á veginum vegna veðurs, á sinn vef í þessum töluðu orðum. Látið endilega vini og kunningja vita ef þið vitið af ferðum fólks þarna efra. Bíðið af ykkur veðrið og fylgist með veðurspá og færð.” -
Sólin skín og vindur blæs
Það er óhætt að segja sem svo að það blási ansi hressilega hér i bæ enda hefur samkvæmt mælum Veðurstofu Íslands vindhraðinn slegið í 27 metra hér í kviðum og þó aðeins hafi lægt s.l. klukkustundina eru enn 10 metrar á klst og fer i 20 metra í kviðum.
Athugasemdir