30. október - 6. nóember - Tbl 44
Götuhornið- Um upplysingalæsi landans og meira
Það er margt sem rætt er á götuhorninu
Ég get ekki stillt mig um að reyna að fá að nota Götuhornið ykkar til að vekja athygli á fjölmiðlafræði sem áhugaverðu námsvali. Ég held að fólk átti sig ekki á því hve mikil framtíð er í fréttamennsku á Íslandi.
Ég var nokkuð lengi að velja þá leið sé ég vildi fara eftir að ég kláraði stúdentsprófið í MA. Pabbi vildi að ég færi í læknisfræði. Hún heillaði mig ekkert sérstaklega og ég var ekki viss um að ég yrði góður læknir. Pabbi sagði að það skipti engu máli því að þeir læknar sem ekki væru góðir gætu hæglega haft gott lifibrauð af því að vera matslæknar því að tryggingafélöginn væru til í að borga þeim umtalsverða peninga fyrir að hjálpa þeim að komast undan því að borga slösuðu fólki bætur.
Svo gerðist það að Alþingi ákvað að allir helstu fjölmiðlar landsins ættu að vera reknir á kostnað ríkissjóðs. Þar með voru allir fréttamenn orðnir hálfgerðir ríkisstarfsmenn, þeim farið að fjölga verulega og farnir að krefjast þess einum rómi að eftirlitsstofnanir ríkisvaldsins fengju meiri valdheimildir og helst heimildir til að refsa fólki. Á sama tíma urðu stjórnmálaflokkar líka ríkisreknir og mikil viðskiptatækifæri þar. Augljóslega verður nóg að gera í fréttamennsku, gnægð viðmælenda og glæsileg framtíð í þessum geira. Þetta var ástæðan fyrir því að ég fór að læra fjölmiðlafræði núna í haust.
Eitt af fyrstu viðfangsefnum námsins var upplýsingalæsi almennings. Ég fór að hafa áhyggjur af því að vegna upplýsingaóreiðu gæti almenningur illa áttað sig á raunveruleikanum. Ég hitti svo skipstjóra í jólaboði á dögunum og hann sýndi mér fram á að ég get verið áhyggjulaus um þetta. Hann rifjaði það upp að í nóvember og desember ræddu fréttamenn RÚV ekki mikið við Þorvald jarðfræðing. Þess í stað spurð þeir annan og taldi sá fráleitt að telja að sú atburðarrás sem þá var farin af stað á Reykjanesi mundi enda með eldgosi. Skipstjórinn sagði að strax að þeim orðum slepptum hafi almenningur, Almannavarnir, dómsmálaráðuneytið og lögreglustjóri gripið til ráðstafana til að verja almenning og innviði á Reykjanesi fyrir yfirvofandi eldsumbrotum. Menn væru því góðir í upplýsingalæsi og algjörlega meðvitaðir um þá ritstjórnarstefnu fréttastofu RÚV að gæta þess að ævinlega sé ríflegt bil milli fréttaflutnings þeirra og raunveruleikans. Rýmingar hefði svo auðvitað skapað tækifæri til afritunar snjalltækja í mannlausum Grindavíkurbæ þó að myndavéladyrabjöllur hefðu reyndar eyðilagt það.
Upplýsingalæsi Íslendinga er góð. Framtíðin er björt og nú þarf ég bara að passa mig á að segja ekkert og skrifa sem styggir þá stjórnmálamenn sem stýra því hve mikla peninga fjölmiðlar fá úr vösum skattgreiðenda. Tjáningarfrelsið er ekki ókeypis og Píratarnir verða fljótir að refsa ef ég geri mistök með því að skrúfa fyrir ríkisstyrkinn. Og svo verð ég auðvitað að gæta þess sérstaklega að segja hvorki né skrifa eitthvað sem gefur í skyn að siðferðisleg viðmið og við setjum um aðra gildi líka um forystu blaðamanna. Það segir sig sjálft.
Ég skil samt ekki af hverju háskólinn bætti blómaskreytinganámskeiði inn í þetta fjölmiðlanám.
Nýjast
-
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri. -
Flokkur fólksins er fyrir þig
Ég er þakklátur fyrir að vera sýnt það traust að fara fyrir frábærum frambjóðendum Flokks fólksins í Norðausturkjördæminu í komandi Alþingiskosningunum. Öll mín orka og þrek mun fara í að standa vörð um kjördæmið okkar. Flokkur fólksins hefur verið einarður málsvari landsbyggðarinnar og talað óhikað fyrir framtíð sjávarbyggðanna og jöfnun búsetuskilyrða. -
Hvaða þjónusta skiptir þig máli?
Maskína er um þessar mundir að gera þjónustukönnun fyrir hönd Byggðastofnunar meðal íbúa um land allt (utan höfuðborgarsvæðis) vegna rannsókna á þjónustusókn og væntingum til breytinga á þjónustu. -
Uppeldi á Íslandi í dagsins önn
Sigurbjörg Anna Þorleifsdóttir, stúdent í meistaranámi við Sálfræðideild, vinnur þessa dagana að meistaraverkefni sínu og rannsókn sem skoðar mismunandi uppeldisaðferðir í tengslum við hegðun barna á Íslandi. Dr. Hilal Sen, lektor við Sálfræðideild, er leiðbeinandi Sigurbjargar.
