Gott þegar vel gengur
Við Norðlendingar höfum fengið sýnishorn af hinum ýmsu veðrum undanfarnar vikur. Veturinn var mildur og mjúkur lengi vel, svo brast á með umhleypingum, svellum og loks iðulausri stórhríð,- íslenskur vetur kemur í mörgum myndum eins og venjulega. Verandi hundaeigendur er okkur hjónum ekki annað fært en að stunda daglega útivist sem þýðir það að við þurfum að eiga fatnað fyrir öll þessi veður, -úlpur, skíðagleraugu, gönguskó, stígvél og auðvitað mannbrodda. Árið sem er að líða hefur líka einkennst af nauðsyn þess að almenningur hreyfi sig utandyra þar sem líkamsræktarstöðvar og sundlaugar hafa meira og minna verið í lamasessi.
Ég trúi því einlæglega að útvist og nálægð við náttúruna sé okkur langbesta heilsubótin bæði fyrir líkamlega og andlega heilsu. Undanfarin ár hafa líka birst fjöldinn allur af niðurstöðum rannsókna sem ber saman um þetta. og einnig það að manngerð náttúra komi ekki í stað þeirrar sem er óspillt frá upphafi.. Umhverfissálfræðingar hafa bent á nauðsyn þess að fjölga grænum svæðum og hvatt til þess að yfirvöld horfi til þess fremur en að einblína á þéttingu byggðar.
En útivist má ekki vera bundin við sumarveður og blíðu. Mér sýnist að það sé ábyrgð hvers samfélags að íbúum sé gert það kleift að njóta náttúrunnar, og stunda gönguferðir allan ársins hring. Bæjarfélög þurfa að setja það í algjöran forgang að tryggja íbúum greiðfæra og hálkulausa göngustíga, upphitaðar göngubrautir og náttúrulegt umhverfi til útivistar. Og þá er ég að tala um aðstöðu fyrir unga sem aldna, fatlaða og ófatlaða, allan almenning en ekki endilega íþróttafólk. Göngutúrarnir okkar eru mislangir í lífinu. Það er heilsuvernd í sinni bestu mynd að tryggja slíkt umhverfi og sómi hverju samfélagi. Það er fínt að eiga sundlaugar, skíðasvæði og listasöfn en það að geta farið út að ganga,- það er forgangsmál.
Gleðilega aðventu og góðar gönguferðir.
-Inga Dagný Eydal
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
