Góð þátttaka í kjarakönnun meðal eldri borgara á Akureyri
„Þetta eru mjög skýr skilaboð og gott veganesti fyrir okkur í komandi viðræðum um kjaramál eldri borgara,“ segir Björn Snæbjörnsson formaður Kjarahóps Félags eldri borgara á Akureyri, Ebak. Hópurinn kynnti niðurstöðu kjarakönnunar sem gerð var meðal félagsmanna í október. Alls svöruðu tæplega 800 manns könnuninni eða um 47% þeirra sem voru í úrtaki.
„Þáttakan var frábær og við erum þakklát fyrir að eldri borgarar hafi gefið sér tíma til að svara henni. Það gladdi okkur mjög og mikil þátttaka er líka til merkis um að kjaramálin brenna á eldra fólki. Það er ríkur vilji til þess hjá hópnum að eitthvað verði gert til að bæta kjör eldra fólks,“ segir Björn. Kjarahópur Ebak er til þess að gera nýlegur og segir hann ekki ónýtt að fá þetta góða start þegar starfið er að hefjast.
Hækkun lífeyrisgreiðslna efst á blaði
Fram kom að hækkun lífeyrisgreiðslna frá Tryggingastofnun var það atriði sem flestir nefndu hvað setja ætti á oddinn í viðræðum við ríkið, alls um 76% þeirra sem svöruðu. Þá nefndu eldri borgara einnig að mikilvægt væri að hækka skerðingarmörk úr 25 þúsund krónum í 100 þúsund, eða um 60% svarenda. Eins voru um 35% sem tölu að hækka ætti skerðingar atvinnutekna upp í 300 þúsund krónur og tæp 20% nefndu hækkun heimilisuppbótar.
Flestir sem þátt tóku nefndu að þegar kæmi að sveitarfélaginu væri mikilvægt að semja um frístundastyrk fyrir eldri borgara, að matur væri í boði í félagsmiðstöðvun alla virka daga og þá nefndi hópurinn einnig að meiri afsláttur af fasteignagjöldum til eldri borgara kæmi sér vel. „Það er ljóst að fasteingagjöldin geta verið mjög íþyngjandi fyrir þann hluta hópsins sem býr við lágar lífeyrisgreiðslur,“ segir Björn.
Einnig var spurt um hvaða sérstöku aðgerðir kæmu þeim sem verst eru settir í hópi eldri borgara og nefndu flestir hækkun persónuafsláttar eða 75% svarenda. Einnig var nefnt að lækkun álagsprósentu í neðsta skattþrepi kæmi mörgum vel, aukagreiðslur til tekjulágra og sérstaktar húsnæðisbætur til þeirra sem minnstar hefðu tekjurnar.
Brýnustu verkefni á sviði húsnæðimála eru að mati svarenda þau að byggja fleiri eignar- og eða leiguíbúðir, ýmist í samvinnu við aðrar eins og byggingaverktaka eða Búfesti og eða á vegum félagsins. Þá nefndi rúmlega helmingur svarenda að uppbygging svonefnds lífsgæðakjarna væri það sem mestu skipti.
Björn segir að niðurstaða úr könnuninni verði kynnt fyrir þeim sem málið varði, þingmönnum kjördæmisins og bæjarfulltrúum sem dæmi.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
