Góð gjöf til Verkmenntaskólans
Árni Björnsson, stöðvarstjóri gagnaversfyrirtækisins atNorth á Akureyri, kom ásamt sínu fólki færandi hendi í VMA sl. föstudag og færði skólanum/rafiðnbraut að gjöf fullkomna stýritöflu sem m.a. mun nýtast sérstaklega vel í kennslu nemenda á fimmtu önn í rafvirkjun í áfanganum Rökrásir. Gjöfinni veittu viðtöku Sigríður Huld Jónsdóttir skólameistari VMA, Haukur Eiríksson brautarstjóri rafiðnbrautar skólans og kennarar við rafiðnbrautina.
Sambærilegar stýritöflur notar atNorth í gagnaveri sínu við Rangárvelli ofan Akureyrar og því er um að ræða nýjasta búnað af þessum toga. Andvirði hans eru nokkrar milljónir króna. Haukur Eiríksson og Sigríður Huld Jónsdóttir sögðu þegar þau veittu gjöfinni viðtöku og þökkuðu fyrir hana að slíkur hugur atvinnulífsins í garð skólans væri honum afar mikils virði og hér væri um gagnkvæman ávinning skóla og atvinnulífs að ræða því mikilvægt væri að nemendur hefðu aðgang í námi sínu að nýjum og fullkomnum búnaði sem bíður þeirra síðan þegar út á vinnustaðina er komið að námi loknu.
Það segir sína sögu um mikilvægi góðrar tæknimenntunar fyrir fyrirtæki eins og atNorth að allir þeir fimm starfsmenn sem komu fyrir hönd fyrirtækisins og afhentu skólanum gjöfina hafa á einn eða annan hátt sótt alla eða hluta menntunar sinnar til VMA - Bergljót Gunnarsdóttir rafeindavirki, Húni Hlér Einarsson rafvirki, Marías Bjarni Viggósson raf- og rafeindavirki, Árni Björnsson rekstrarstjóri (rafeindavirki, kerfisfræðingur og verkefnastjóri) og Gunnlaugur G. Færseth vélstjóri.
Árni Björnsson rekstrarstjóri segir að fyrirtækið líti svo á að mikilvægt sé að styðja við tæknimenntun á svæðinu:
Við viljum og okkur finnst að við höfum ákveðnar skyldur gagnvart nærumhverfi okkar, t.d. skólum og íþróttastarfsemi í bænum. Við vildum gefa Verkmenntaskólanum sambærilegan búnað til kennslu og upplýsingamiðlunar til nemenda og verið er að nota út í atvinnulífinu. Oft er það svo tækniþróunin er svo hröð að kennslubúnaður úreldist fljótt en hér er um að ræða búnað sem við erum að nota í dag. Vissulega skiptir það okkur miklu máli að hér á svæðinu sé í boði góð tæknimenntun og með þessari gjöf viljum við leggja okkar lóð á vogarskálarnar í þeim efnum.
Gagnaver atNorth ofan Akureyrar hefur verið í hröðum vexti á undanförnum árum. Sjö starfsmenn starfa hjá atNorth á Akureyri og tvö gagnavershús eru í rekstri. Þá eru tvö hús til viðbótar í byggingu og þegar þau verða einnig komin í rekstur verða starfsmenn að óbreyttu sem næst tuttugu. Orkunotkun fyrir fjögur hús verður allt að tuttugu megavött.
Auk Íslands er atNorth með starfsstöðvar í Finnlandi, Danmörku og Svíþjóð. Árni segir enga tilviljun að gagnaver séu staðsett á norðurhveli jarðar og Akureyri sé góður staður fyrir þessa starfsemi. Loftslagið sé hagstætt, stærð samfélagsins á Akureyri sé mjög heppileg og gæði verktaka- og þjónustufyrirtækja á svæðinu séu mjög mikil. Allt skipti þetta miklu máli þegar gagnaveri sé fundinn staður. Einnig megi ekki gleyma því að nálægð við Akureyrarflugvöll skipti miklu máli því þar með eigi erlendir viðskiptavinir auðveldara með að koma til Akureyrar.
Frá þessu segir á heimasíðu VMA
Nýjast
-
Götuganga Akureyrar fer fram á laugardaginn
Götuganga Akureyrar verður haldin laugardaginn 12. október kl. 13. Þetta er í annað sinn sem gangan er haldin og í ár er hún opin fyrir alla aldurshópa. -
Norðlensk hönnun og handverk i Hlíðarbæ um komandi helgi
Glæsileg sölusýning með vönduðum vörum úr héraði, milliliðalaust úr höndum hönnuða, handverksfólks og sælkerameistara verður í Hlíðarbæ í Hörgársveit um helgina. Kristín S. Bjarnadóttir hjúkrunarfræðingur og fagurkeri sem stendur fyrir sýningunni sem er vegleg. -
Ert þú með lausa skrúfu?
Oft er grínast með það að fólk sem glímir við andleg veikindi séu með lausa skrúfu, jafnvel fleiri en eina. Hugmyndin að nafni á vitundarvakningu til að auka meðvitund okkar allra um að gæta vel að andlegri heilsu, efla forvarnir og minnka fordóma gagnvart andlegum veikindum, er einmitt sótt í þetta saklausa grín. Það eru notendur Grófarinnar Geðræktar á Akureyri sem standa að baki Lausu Skrúfunni og er það eitt valdeflandi nýsköpunarverkefna sem þar er unnið. Því er ætlað að bæta samfélagslega vitund okkar allra um mikilvægi þess að hugsa vel um sína andlegu heilsu, hlúa að og rækta sem forvörn. Einnig að hjálpa fólki að leita sér aðstoðar þegar þess er þörf og í því samhengi að berjast gegn sínum innri fordómum ekki síður en ytri. -
Munnleg þjálfun í tungumálakennslu
Helga Dögg Sverrisdóttir skrifar -
Ertu með lausa skrúfu?
Það eru notendur Grófarinnar Geðræktar á Akureyri sem standa að baki Lausu Skrúfunni og er það eitt valdeflandi nýsköpunarverkefna sem þar er unnið. -
Golfklúbbur Akureyrar - Framkvæmdir í fullum gangi
Miklar framkvæmdir hafa verið í byggingu nýrrar inniaðstöðu Golfklúbbs Akureyrar, síðastliðinn vetur var kjallari byggður en smá hlé var gert yfir sumarmánuðina vegna hita og svo var aftur hafist handa í ágústmánuði við reisingu stálgrindar. Stálgrindin reis hratt og ekki hægði á þegar yleiningarnar fóru hver af annarri að hlaðast upp. Nú í dag þegar þetta er skrifað er búið að loka húsinu með yleiningum og flestir gluggar komnir í einnig. Fyrr í vikunni var svo hafist handa við millibygginguna sem tengir golfskálann við nýju bygginguna. -
Háskólinn á Akureyri hjartar samvinnu
Menntaviðburðurinn Utís fór fram á d0gunum og var að öllu leyti á netinu. Utís er ráðstefna sem Ingvi Hrannar Ómarsson á veg og vanda af og er fyrir kennara, stjórnendur og starfsfólk á öllum skólastigum. Í ár var ráðstefnan send út frá Kennslu- og upplýsingatæknimiðstöð Háskólans á Akureyri (KHA), þar sem má finna framúrskarandi aðstöðu til upptöku og útsendingar. Því var upplagt að geta notað aðstöðuna í ráðstefnu sem lýtur að framþróun í kennslu. -
Hlutleysi í NATO – Íslenskar varnir
Er hægt að tilheyra NATO en samtímis lýsa sig hlutlausa þjóð? Stutta svarið er nei! NATO (Atlantshafsbandalagið) var stofnað 4. apríl 1949 og er Ísland eitt af tólf stofnríkjum þess. Í dag eru aðildarríkin 32 talsins. Þar utan við eru samstarfsríki og samstarfsþjóðir NATO fjölmargar víðsvegar um heiminn og starfað er náið með fjölda alþjóðastofnanna. NATO er varnarbandalag ríkja í N-Ameríku og Evrópu og fylgir staðfastlega þeirri grundvallareglu að árás á eitt eða fleiri aðildarríki skuli túlka sem árás á þau öll, eins og segir í 5. grein Atlantshafssáttmálans (Washington-sáttmálinn). Þessi réttur er svo viðurkenndur í 51. grein sáttmála Sameinuðu þjóðanna. -
Norður Hjálp útdeildi styrkjum að andvirði tæpra tveggja milljóna króna í september s.l.
Norður-Hjálp birtir á Facebook vegg þeirra í kvöld frétt um styrki þá sem þau gátu útdeilt i s.l.mánuði og er óhætt að segja að þar sé vel unnið. Í umræddri kemur eftirfarandi fram.:
