Dagskráin 22 janúar - 29 janúar Tbl 3
Fyrirmyndir og jafnréttisbaráttan
Heiðrún E. Jónsdóttir átti lokaorðið í blaðinu s.l. fimmtudag
Fyrirmyndin Vigdís
Í nýrri þáttaröð um frú Vigdísi Finnbogadóttir var brugðið upp viðkvæmri mynd af henni á yngri árum í persónulegu lífi. Hún hafði þó meira val en flestar konur á þessum tíma, lifði ekki við fátækt eða lítil efni eins og margur Íslendingurinn. Á þessum árum höfðu konur almennt ekki kost á langskólanámi, hvað þá erlendis. Það hlýtur eðli málsins samkvæmt að hafa haft áhrif á hennar val og hennar sterku skaphöfn.
Seigla
Hún ruddi ekki eina braut heldur nokkrar, þó ekki án mótlætis. Hún efldist við mótlæti og stóð keik þrátt fyrir óvægnar árásir. Ekki síst þegar hún fór að gera sig gildandi og taldi sig eiga erindi sem forseti landsins. Seigla er kannski orðið sem lýsir henni best, innri styrkleiki og þrautsegja. Seigla er sannarlega ekki síður mikilvæg í dag en var á árum áður, þegar við vorum fátæk þjóð í baráttunni við náttúruöflin.
Jafnrétti. Ísland best í heimi?
Iðulega skorar Ísland hæst þegar horft er til jafnréttis. Meðal annars er horft til árangurs kvenna á vinnumarkaði, þátttöku í stjórnmálum, menntun og launajafnréttis. Okkur ber að þakka fyrirmyndum eins og Vigdísi og öðrum konum sem ruddu leiðina. Sumar voru vissulega stundum með öfga, sumir myndu jafnvel kalla það dólgshátt, en slíkt er oft nauðsynlegt til að ná fram breytingum.
Feður, bræður, eiginmenn og synir
Ég vil ekki eingöngu þakka formæðrum okkar sem og batáttukonum sem síðar komu, sem sannarlega ruddu brautina, því á þessari braut voru einnig feður, bræður, eiginmenn og synir. Margur maðurinn var konum óþægur ljár í þúfu en aðrir hafa stutt við jafnréttisbaráttuna. Ég er þeim líka þakklát. Sá árangur sem hefur náðst í jafnréttisbaráttunni hér á landi er sannarlega hvorki sjálfsprottinn né sjálfgefinn. Vissulega má ýmislegt betur fara en þegar við horfum á löndin í kringum okkur erum við sannarlega öfundsverð. Fyrir það er ég þakklát, það er mikilvægt að virða og varðveita, því þessi árangur hefur sannarlega kostað, blóð, svita og tár.
Nýjast
-
Þingeyjarsveit - Hættuleg gatnamót? Varasöm beygja?
Þingeyjarsveit vinnur nú að umferðaröryggisáætlun fyrir sveitarfélagið. Markmið hennar er að búa til aðgerðaráætlun svo auka megi öryggi í sveitarfélaginu, fækka slysum og auka lífsgæði íbúa sem og annarra sem um sveitarfélagið ferðast. -
Skiptinemi í Kína
Á heimasíðu VMA í dag gefur að líta viðtal við Huldu Ómarsdóttur en hún útskrifaðist af listnáms- og hönnunarbraut VMA vorið 2021. Hulda ákvað að því loknu, eins og hún orðar það, að skipta algjörlega um gír og sækja um nám í kínverskum fræðum við Háskóla Íslands. Hún er núna á þriðja ári í náminu og ver þessu skólaári í skiptinámi í Kína. -
Kaldbakur, Björgúlfur og Björg aflahæstu togarar landsins á síðasta ári
Systurskip Samherja, Kaldbakur EA 1, Björgúlfur EA 312 og Björg EA 7 eru í þremur efstu sætum yfir aflahæstu togara ársins 2024. -
,,Tungumálið er lykillinn"
-Segir Dóra Ármannsdóttir sem kennir innflytjendum íslensku -
Skilgreina hlutverk SAk sem varasjúkrahús
Alma Möller, heilbrigðisráðherra hefur skipað starfshóp sem falið er að vinna að nánari skilgreiningu og hlutverki varasjúkrahúss með tilliti til viðbragðsáætlana, neyðarviðbragða, þjóðaröryggisráðs, sjúkraflutninga, rannsóknarþjónustu og laga um heilbrigðisþjónustu. -
Akureyri - Tjaldsvæðisreitur drög að breytingu á deiliskipulagi
Á vefsíðu bæjarins eru í dag kynnt drög að deiliskipulagi fyrir tjaldsvæðisreitinn við Þórunnarstræti. Eins og kunnugt er var svæðinu lokað fyrir tjaldgesti og til stóð má. að byggja heilsugæslustöð nyrst á þessari lóð. Frá þeirri hugmynd var svo fallið og nú hefur verið samþykkt að þar skuli rísa fjölbreytt íbúðabyggð og er áhersla lögð á að þarna rísi ,,sjálfbært og nútimalegt hverfi sem falli vel að núverandi byggð og umhverfi". -
Sjálfsrækt til kulnunar
Í framhaldi af pistli síðustu viku um brjálæðisleg áramótaheit er ekki úr vegi að kafa aðeins í eina af nýjustu tískubylgjum okkar Íslendinga, sem er sjálfsrækt, en hana virðumst við taka alla leið og mögulega eitthvað lengra. -
Samið við Hrímhesta um leigu á Ytri Skjaldarvík
Umhverfis og mannvirkjaráð Akureyrar hefur samþykkt húsaleigusamning við Hrímhesta ehf. vegna leigu á íbúðarhúsnæði, útihúsi og jörð í Ytri Skjaldarvík. Ein umsókn barst um leigu á Syðri Skjaldarvík og er sú umsókn í vinnslu hjá ráðinu en ekki fengust upplýsingar um hver hefði lagt þá umsókn fram. -
Norðurþing hvetur íbúa til að huga að umhverfi sínu
Sveitarstjórn Norðurþings samþykkti á dögunum tillögu meirihlutans um að farið verði í umhverfisátak í sveitarfélaginu árið 2025.
