13.nóvember - 20.nóvember - Tbl 46
„Frekar en að vera kallaðir mýs þöndum við út brjóstkassana”
Ljósmynd: Minjasafnið á Akureyri.
Ingólfur Sverrisson skrifar:
„Blása meira, blása meira,” sagði Ágústa litla systir þegar við Árni bróðir stóðum uppi á stól við herbergisgluggann og blésum allt hvað af tók á frostrósirnar á rúðunni. Smá saman tókst okkur að mynda ofurlítið gat á frostnu glerinu og fórum að sjá í gegn út á lóð. En þá tók ekki betra við því stórhríðin undanfarna daga hafði safnað í heljarins skafl fyrir sunnan húsið okkar svo ekki sást í það næsta. Þar að auki var enn fok í snjónum og kófið það mikið að himininn var hulinn sjónum okkar hvað sem bræðslugatið á rúðunni stækkaði. Síðustu daga hafði húsið verið rafmagnslaust, eins og önnur hús á Akureyri, því virkjunin í Laxá var enn einu sinni óstarfhæf vegna krapa í ánni. Því var ekki annað ráð en að elda við prímus með steinolíu úr Bögglageymslunni en hiti hélst góður í húsinu vegna þess að kolakyndingin í kjallaranum var ekki háð dyntum einhverrar ársprænu austur í Þingeyjarsýslu. Því leið okkur vel við kertaljós og yl og biðum þess að stytti upp svo hægt væri að drífa sig út í þennan mikla snjó sem bauð upp á mörg æsileg ævintýri.
Niðurstaða rannsóknarvinnu okkar bræðra við gluggann sýndi að tímabært væri að hefja útrás. Við klæddumst úlpunum hlýju, þykku lopavettlingunum og skinnhúfunum trónandi efst; óðar komnir út á götu og tróðum marvaðann í snjónum suður að spennustöðunni bak við Sínubakarí. Eftir töluvert brölt tókst okkur að klifra upp á stöðvarhúsið. Þar voru þá fyrir vinir okkar Baddi (Snæbjörn Þórðarson) og Jonni (Jón Þ. Þór) og urðu fagnaðarfundir. Skipti þá engum togum að Baddi hljóp allt í einu á fullu eftir þakinu, tók svo undir sig stökk og sveif í fósturstellingu vestur af og lenti loks í stóra skaflinum sem þar var. Við það gaus upp mikið snjókóf og vinur okkar hvarf ofaní snjómassann. Segir ekki af honum fyrr en hann birtist til hliðar úr skaflinum þar sem hann hafði grafið sig út. Við félagarnir á þakinu vörpuðum öndinni léttar þegar hann baðaði út öllum öngum og hló dátt þó varla sæist í dökkann díl á honum, þakinn snjó frá hvirfli til ylja. Hann hvatti okkur, sem hímdum enn á þakinu, að stökkva líka. Frekar en að vera kallaðir mýs þöndum við út brjóstkassana og svifum svo allir sömu leið og Baddi og létum öllum látum í skaflinum, kátir og glaðir. Síðan var farið aftur upp á spennistöðina og stokkið aftur og aftur þangað til við vorum orðnir úrvinda.
Þegar hér var komið sögu var það samdóma álit okkar félaga að tímabært væri að halda vestur fyrir Sínubakarí því þar gerðust oft undur og stórmerki. Undir vesturgafli bakarísins kölluðum við stundarhátt: „Enda, enda.” Þetta heyrði Kai bakari sem var að vinna fyrir innan og kastaði umsvifalaust vínarbrauðsendum til okkar út um efri gluggann. Og þarna sátum við vinirnir í snjónum, átum glassúrhúðaða vínarbrauðsenda af ákafa og lyngdum aftur augunum í alsælu; horfðum svo með aðdáun á bakaríið sem við vorum vissir um að væri það lang besta í öllum heiminum!
Ingólfur Sverrisson
Nýjast
-
Endurreisnartónleikar Hymnodiu og SCS í Akureyrarkirkju n.k. sunnudag
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17. -
Frambjóðendur í Norðausturkjördæmi mætast í Hátíðarsal HA á morgun
Stúdentafélag Háskólans á Akureyri (SHA) með aðstoð Landssamtaka íslenskra stúdenta (LÍS) standa fyrir pallborðsumræðum með frambjóðendum í Norðausturkjördæmi á morgun, föstudaginn 15. nóvember kl. 12:00 í Hátíðarsal HA. Einnig verður streymt frá viðburðinum á Vísi og YouTube-rás Háskólans á Akureyri fyrir þau sem hafa ekki tök á að mæta á staðinn. -
Bæjarráð vill aðflugsferla við Akureyrarflugvöll endurbætta hið fyrsta
Segja má að Bæjarráð Akureyrar láti ÍSAVIA heyra það í samþykkt sem ráðið lét frá sér fara eftir fund ráðsins í dag. Óánægja bæjarráðs er vegna tafa við gerð nýrra aðflugsferla fyrir flug úr suðri að Akureyrarflugvelli. -
Vegagerðin tekur kafla Hjalteyrarvegar af þjóðvegaskrá
Vegagerðin hefur tilkynnt Hörgársveit að breyting verði gerð á afmörkun Hjalteyrarvegar – 811 og verður hluti hans þar með felldur úr tölu þjóðvega og af vegaskrá. Allir vegir hér á landi eru skilgreindir eftir vegalögum. -
Matargjafir ganga í endurnýjun lífdaga fyrir jólin
„Þar sem að ég virðist ekki geta slitið mig frá Matargjöfum (held að við séum ein eining) þá hef ég ákveðið að halda áfram í breyttri mynd 11. jólin okkar saman,“ skrifar Sigrún Steinarsdóttir á facebook síðu Matargjafa á Akureyri og nágrenni. Hún opnaði fyrr í vikunni reikning Matargjafa og vonar að þeir sem áður lögðu henni lið með mánaðarlegu framlagi haldi því áfram, „því án ykkar er þetta ekki hægt.“ -
Öruggari samgöngur í Fjallabyggð
Á undanförnum árum hefur Fjallabyggð staðið frammi fyrir krefjandi áskorunum tengdum veðurfari. Foktjón hefur orðið í óvæntum ofsaveðrum og úrkomumynstur virðist vera að breytast með tilheyrandi álagi á innviði. Endurteknir úrkomuviðburðir hafa leitt til flóða, nú síðast síðsumars þegar vatn flæddi inn í fjölmörg hús. Þá var Siglufjarðarvegi um Almenninga lokað í nokkra daga vegna skriðufalla og tjóns sem hlaust ef þessu mikla vatnsveðri og hættu á grjóthruni. Sprungur í veginum vegna viðvarandi jarðsigs opnuðust enn frekar. Þessi atburðarrás hefur undirstrikað mikilvægi þess að styrkja og bæta samgöngur inn í sveitafélagið, sem eru lífæð samfélagsins. -
Afleit veðurspá á morgun sýnum gát
Spáð er afar slæmu veðri seinnipart föstudagsins 15. nóvember. Óttast er að sambærilegar aðstæður gætu skapast á Akureyri og í september 2022, þegar sjór flæddi yfir hluta Oddeyrar og olli miklu tjóni. -
Kvikmynd um Kröflu sigraði á Landkönnunarhátíð á Húsavík
Alls voru níu kvikmyndir sýndar á hátíðinni sem haldin var í 10. sinn -
Oddvitar í Norðausturkjördæmi mætast í beinni útsendingu
Oddvitar framboðanna til Alþingis mætast í kvöld í beinni útsendingu á RÚV og vef Vikublaðsins . Rætt verður um áherslumál framboðanna í kjördæminu.
