Frá sjómennskunni á Raufarhöfn í sjávarútvegsfræði
Háskólinn á Akureyri er kominn á fullt og aldrei hafa fleiri stúdentar verið við nám í skólanum. Það sést glögglega á göngum HA þar sem ekki er þverfótað fyrir fólki að vinna, bæði í hóp- og einstaklingsverkefnum. Staðreyndin er sú að margir stúdentar kjósa að stunda nám sitt á staðnum, mæta í kennslustundir og nýta sér aðstöðu háskólans. Þá mæta enn fleiri í lotur sem haldnar eru á staðnum reglulega yfir skólaárið.
Tækifærin í tvöfaldri gráðu og tengslum við samnemendur
Ein þeirra sem hóf nám í grunnnámi nú á haustmisseri er Raufsarinn og Húsvíkingurinn ir. Hún er stúdent við Auðlindadeild og leggur stund á sjávarútvegsfræði og viðskiptafræði. Sandra flutti til Akureyrar til að stunda nám við HA og býr á stúdentagörðunum. „Ég er svolítið alin upp í sjávarútvegi en pabbi minn og bróðir eru báðir sjómenn og afi minn var sjómaður á Raufarhöfn og átti bæði útgerð og bát. Ég valdi að taka tvöföldu gráðuna, sem sagt tvær háskólagráður á fjórum árum. Mér fannst það hljóma sem skynsamlegt val og fannst tilvalið að grípa þetta tækifæri hjá HA og opna því vonandi fleiri dyr að námi loknu.“
Sandra tók fullan þátt í Nýnemadögum sem hafa það að markmiði að auðvelda stúdentum að hefja nám og kynnast samnemendum og starfsfólki. „Mér fannst Nýnemadagar mjög fínir, það var mjög gott að sjá öll andlit háskólans og fá almenna kynningu fyrir fyrsta skóladaginn,“ segir Sandra. Það sem stóð upp úr hafi þó klárlega snúið að félagslífinu. „Ef dagskrá SHA og Stafnbúa er tekin með þá stóð nýnemakvöld Stafnbúa, félags stúdenta við Auðlindadeild, klárlega upp úr. Við fórum í PubQuiz, fengum fljótandi veigar, sungum í karaoke og á þeim viðburði fékk ég tækifæri til að kynnast stúdentum, sem var frábært.“
Smá brekka að byrja í háskóla en ætlar að hafa gaman
Sandra ætlar að taka virkan þátt í námssamfélaginu í HA en hún er nýkjörin nýnemafulltrúi Stafnbúa. „Fyrstu dagarnir í HA eru búnir að vera mjög fínir. Það er vissulega smá brekka að byrja í háskóla og mikið að gera en mjög skemmtilegt.“
Aðspurð um væntingar til komandi tíma segir Sandra að lokum: „Ég er í raun ekki með miklar væntingar aðrar en kannski þær að kynnast fólki, eignast góða vini, efla þekkingu mína og hæfni en fyrst og fremst að hafa gaman.“
Vel var mætt á Nýnemadaga
Nýjast
-
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna.
