Formaður stjórnar Markaðsstofu Norðurlands vill að Isavia fjármagni verkefni við Flugklasa
„Með fullri sanngirni má spyrja sig að því hvort sveitarstjórnir á Norðurlandi eigi að fjármagna flug á Norðurland frekar en sveitarfélögin á suðvestur-horninu greiði til flugverkefna í Keflavík,“ sagði Viggó Jónsson formaður stjórnar Markaðsstofu Norðurlands á aðalfundi sem haldinn var í Hrísey. Þar sem hann gerði m.a. flugmálin að umtalsefni, umrót og áfangasigra á þeim vettvangi.
„Ég geri þá kröfu til yfirvalda að Isavia fjármagni þetta verkefni þannig að Norðurland eigi einhverja möguleika á að vaxa í þjónustu við ferðamenn, þetta getur ekki gengið svona áfram. Það er himinn og haf á milli Norður- og Suðurlands þegar kemur að tækifærum í ferðaþjónustu,“ sagði Viggó.
Formaðurinn segir að mikill árangur hefði náðst með því að Norðurland allt hefur verið markaðssett sem ein heild fremur en tvö svæði, vestra og eystra. Nefna megi í því sambandi Flugklasann Air 66N, samstarf skíðasvæða, fuglaskoðunarsvæði og einnig Norðurstrandarleið. „Ferðaþjónustan hefur verið í miklum vexti undanfarin ár en það hefur líka sýnt sig að ekkert er sjálfgefið. Því er samstarfið um þróun verkefna og markaðssetningu gríðarlega mikilvægt enda Norðurland í samkeppni við öflug svæði um allan heim.“
Lokað að helstu náttúruperlum yfir veturinn
Viggó nefndi að staða mála varðandi samgöngumál á Norðurlandi væri ekki að styðja við ferðaþjónustuna.“ Okkar helstu náttúruperlur eru lokaðar og óaðgengilegar stóran hluta ársins og veldur skortur á þjónustu vega hættulegum aðstæðum fyrir gesti okkar,“ sagði hann.
Nú væri komin tími á að bætt verði úr og vegir að Dettifossi og Hvítserk gerðu þessa stóru segla aðgengilega, auk þess sem bæta þurfi þjónustu og vetraropnun á fjölda annarra staða. Opnun inn á Öskju væri annað stórt mál sem þyrfti að leysa svo ferðaþjónustuaðilar gætu aukið verðmætasköpun svæðisins með nýtingu þeirra auðlinda sem til staðar eru.
Nefndi Viggó að nú þegar útlit er fyrir samdrátt í ferðaþjónustu, ekki bara á Norðurlandi heldur landinu öllu væri nauðsynlegt að halda áfram að markaðssetja Norðurland sem áfangastað. „Bæta þarf verulega í markaðssetningu á Íslandi í heild, nú þegar áskoranir blasa við á borð við eldsumbrot á Reykjanesi og hækkandi verðlag. Ísland hefur áður náð árangri með slíkum aðgerðum og nú er ekki tíminn til að slá slöku við.“
Nýjast
-
Hringborð norðurslóða þéttsetið fulltrúum Háskólans á Akureyri
Háskólinn tók þátt í Arctic Circle Assembly eða Hringborði norðurslóða dagana 17.-19. október síðastliðinn. HA var með glæsilegan hóp fulltrúa sem tók þátt í pallborðum, málstofum, umræðum og fundum ásamt því að kynna HA á bás í Hörpu þar sem ráðstefnan fór fram. Skólinn tekur mikinn þátt í samstarfi þeirra stofnana hérlendis sem sinna norðurslóðamálum enda eru þær staðsettar að stærstum hluta á háskólasvæðinu. Þá mun HA sameinast Stofnun Vilhjálms Stefánssonar um áramótin, en sú stofnun hefur verið öflug á sviði norðurslóðarannsókna allt frá stofnun. -
Forgangsverkefni að byggja upp lífsgæðakjarna á Akureyri
Það er forgangsverkefni að mati bæjarráðs Akureyrar að lífsgæðakjarni fyrir eldri borgara verði að veruleika. Greining vegna uppbyggingar lífsgæðakjarna voru til umræðu á fundi ráðsins sem og tillögur frá starfshópi sem falið var að vinna málið. Tvö svæði þykja fýsilegust fyrir lífsgæðakjarna, Þursaholt í Holtahverfi norður og svæði milli Naustaborga og Hagahverfis. Uppbygging lífsgæðakjarna verður sett á starfsáætlun skipulagsráð fyrir árið 2025 og hyggst bæjarráð taka málið til umræðu á ný í janúar á næsta ári. Þá verður metið með hvaða hætti best sé að fylgja málinu eftir þannig að sem mestar líkur séu á að lífsgæðakjarni verði að veruleika eins fljótt og auðið er. -
Píludeild Völsungs opnar nýja aðstöðu
Íþróttin hefur sprungið út á síðustu misserum -
Vegagerðin hyggst fella hluta Hjalteyrarvegar af þjóðvegaskrá
Vegagerðin hefur tilkynnt sveitarstjórn Hörgársveitar um þau áform sín að fella niður vegarkafla Hjalteyrarvegar af þjóðvegaskrá. Um er að ræða um eins kílómetra langan kafla vegarins sem nær frá Bakkavegi og niður að hafnarsvæðinu. Gert er ráð fyrir að þessi kafli vegarins falli af vegaskrá frá og með 1. desember 2024. Veghald hans verður frá og með þeim tíma ekki á ábyrgð Vegagerðarinnar. Sveitarstjórn Hörgársveitar hafnar alfarið þessum áformum Vegagerðarinnar -
Perluðu fyrir Rauða Krossinn
Vinkonurnar Karen, Aníta Ósk, Eva Sól og Þórunn Gunný eru handlagnar og duglegar að perla. Þær ákváðu að ganga í hús í Síðuhverfi og selja perl til styrktar Rauða krossinum. -
Hinsta kveðja frá Í.F. Völsungi
Vilhjálmur Pálsson; Kveðjuorð -
Allt mannanna verk - orkuöryggi á Íslandi
Raforka er ein af grunnþörfum okkar samfélags og er afhendingaröryggi raforku ekki aðeins grundvallarþjónusta heldur einnig lykilþáttur í daglegu lífi landsmanna og í efnahagslegum vexti og velferð landsins. Það hefur varla vafist fyrir neinum að það sé skortur á raforku hér á landi, sem hamlar frekari vexti og veldur áhyggjum sérfræðinga. Þeir hafa í langa hríð bent á að næstu ár gætu orðið erfið vegna hugsanlegra raforkuskerðinga og takmarkaðs framboðs á raforku. -
Á að skreyta um helgina?
Norðurorka minnir okkur á hvers skal gæta í sambandi við útiseríur og annað jólaskraut en ekki þarf að efast um að margir munu nota gott veður um helgina til þess að ,,punta og pena”. -
Viðreisn íslensks landbúnaðar?
„Lækkun tollahindrana skapar tækifæri fyrir landbúnaðinn.” Já, þetta fullyrðir Viðreisn í stefnuskrá sinni. Bætir við: “Endurskoða þarf reglulega áhrif tolla á frjáls viðskipti og matvælaverð.” Svo reyndar ekki bofs meir. Punktur.
