Dagskráin 18.desember - 8.janúar 2025
Fögur fyrirheit en fátt um efndir
Sunna Hlín Jóhannesdóttir bæjarfulltrúi Framsóknarflokks á Akureyri
Undirrituð hefur talað fyrir bættri umgengni í bænum og þá sér í lagi á atvinnulóðum og að lóðahafar virði lóðamörk. Í vikunni var svo samþykkt í bæjarstjórn að banna alfarið með lögreglusamþykkt að leggja í Goðanesi, til að bregðast við ábendingum sem hafa borist um að tæki í götunni hindri umferð. Það er óásættanlegt að ganga þurfi svo langt og sýnir að bærinn hefur misst tökin á þessum málum. Víðsvegar um bæinn má sjá tækjum, gámum og dóti lagt í leyfisleysi.
Samþykkt var í vinnu við nýja umhverfis- og loftslagsstefnu Akureyrarbæjar að ráða starfsmann til að fara í umgengnismál og eru það mikil vonbrigði að svo virðist sem það starfshlutfall hafi síðan ekki ratað inn í fjárhagsáætlun næsta árs. Í stefnunni kemur einnig fram að skoða eigi að koma upp vöktuðu geymslusvæði. Það kom því spánskt fyrir sjónir þegar meirihlutinn snéri við ákvörðun umhverfis- og mannvirkjaráðs, um að sækja um lóð undir geymslusvæði, og taldi ekki þörf á því. Heilbrigðiseftirlit Norðurlands hefur kallað eftir úrræðum í nokkurn tíma og þörfin er greinileg fyrir hendi, fyrir almenning og fyrirtæki til að geyma ökutæki, vagna, vinnuvélar, gáma og aðra lausamuni. Því miður er alltof mikið um fögur fyrirheit en fátt um efndir.
Leggjumst öll á eitt og gerum Akureyri að eftirsóknarverðu og framsæknu atvinnusvæði. Ásýndin segir svo margt um metnað okkar til að gera vel!
Nýjast
-
Stuðningur við flóttamannaverkefni Rauða krossins við Eyjafjörð
Sigurður H. Ringsted kom færandi hendi til okkar í Rauða krossinn við Eyjafjörð með afrakstur af sölu dagatala sem hann hannaði og seldi í samstarfi með konunni sinni Bryndísi Kristjánsdóttur. -
Jólaró
Nú styttist heldur betur í jólin. -
Sjúkrabíllinn kominn aftur út í Hrísey
Sjúkrabíllinn í Hrísey er nú kominn aftur út í eyjuna eftir að hafa verið færður í land til yfirferðar og viðgerðar. -
Ljósastyrktarganga upp að Fálkafelli í dag til styrktar Velferðarsjóðs Eyjafjarðar
Það kom upp hugmynd um að hafa styrktargöngu upp í Fálkafell fyrir jólin og var ákveðið að skella í eina slíka. Tilvalið að mæta með rauðar húfur eða jólahúfur. -
Bakþankar bæjarfulltrúa Andvaka yfir Naustagötu 13
Óskaplega getur verið erfitt að vera samkvæmur sjálfum sér. Tökum dæmi. Forðum var ég ekki sáttur við hugmyndir verktaka um Tónatröðina og hafði hátt um að auglýsa bæri lóðina aftur. Einfaldlega vegna þess að gjörbreyta átti skipulagi hennar. -
Fögur fyrirheit en fátt um efndir
Það er óásættanlegt að ganga þurfi svo langt og sýnir að bærinn hefur misst tökin á þessum málum segir Sunna Hlín Jóhannesdóttir bæjarfullrúi í grein sinni. -
Jói Pé og Króli skrifa söngleik fyrir Leikfélag Akureyrar
Jói Pé og Króli munu skrifa nýjan söngleik fyrir Leikfélag Akureyrar sem verður frumsýndur 2027 -
Afmælishátíð á morgun fimmtudag
,,Á morgun fimmtudaginn 19 desember verða nákvæmlega 50 ár síðan ÚA Spánartogarinn Kaldbakur EA 301 kom i fyrsta sinn til heimahafnar hér á Akureyri og þessi hátið verður því afmælishátíð og í anda Stelluhátíðarinnar sem við sjómenn héldur fyrir rúmu ári, enmitt þá líka til að fagna því að þann dag 1. nóvember 2023 voru líka 50 ár síðan að Stellurnar, Svalbakur EA 302 og Sléttbakur EA 304 komu heim. Þá var afhjúpað stórglæsilegt líkan af þeim Stellusystrum svokölluðu." segir Sigfús Ólafur Helgason hvatamaður að smíði líkana af merkum togurum i sögu ÚA. Hátíðin fer fram á matsal Útgerðarfélags Akureyringa og hefst kl 17.00 -
Nýtt meistarnám í Velsældarfræðum hlýtur myndarlegan styrk
Nýtt meistaranám í Velsældarfræðum, Wellbeing Science, var eitt 19 verkefna sem hlaut styk úr Samstarfssjóði háskóla í morgun, eða 61 milljón króna. Um er að ræða samstarfsverkefni HR, HÍ, HA, Embætti landlæknis og Surrey háskóla á Englandi. Áslaug Arna Sigurbjörnsdóttir háskóla- og nýsköpunarráðherra kynnti úthlutunina. Velsældarhagkerfi er notað til að lýsa sýn sem er frábrugðin hinni hefðbundu nálgun á hagkerfið út frá eingöngu efnahagslegum mælingum. Þess í stað eru velsæld og lífsgæði metin út frá fjölmörgum félagslegum og umhverfislegum þáttum jafnt sem efnahagslegum.
