Flugstrætó frá Akureyrarflugvelli í bæinn í boði í sumar
mth@vikubladid.is
„Þessi valkostur hefur ekki verið fyrir hendi áður en við höfum um skeið verið að skoða að koma þessari þjónustu af stað,“ segir Jónas Þór Karlsson hjá félaginu Sýsli – Ferðir og ökukennsla sem í sumarbyrjun setur í flugstrætó í gang á Akureyri. Aksturinn hefst 1. júní næstkomandi. Vagninn tekur hring um bæinn og tengir helstu bæjarhluta, hótel og tjaldsvæði við flugvöllinn.
Jónas segir að strætó tenging hafi ekki áður verið í boði milli Akureyrarflugvallar og bæjarins, en þeir valkostir sem nú eru fyrir hendi eru m.a. að aka sjálfur eða fá far, taka leigubíl eða ganga.
Tilraunaverkefni í sumar
„Við ákváðum að láta reyna á þetta núna þegar Niceair hefur starfsemi en þá má gera ráð fyrir meiri umferð um flugvöllinn. Fyrir Kóvid fóru um 184 þúsund farþegar um Akureyrarflugvöll, þeir voru um 140 þúsund í fyrra samkvæmt tölum frá ISAVIA og það er viðbúið að þessar tölur hækki umtalsvert í kjölfar auking flugs, bæði hjá Niceair og flugfélaga sem fljúga hingað beint,“ segir Jónas. Ekki sé í upphafi vitað nákvæmlega hver þörfin er, enda hafi þjónustu af þessu tagi aldrei verið í boði áður. "Þetta verður tilraunaverkefni í sumar og ef vel tekst til höldum við áfram.“
Akstur í tengslum við öll flug
Jóns segir að boðið verði upp á akstur í tengslum við öll flug. Áætlunin er þannig að vagninn byrjar á Tjaldstæðinu og tekur hring um bæinn um Naustahverfi, gegnum Brekkuna og út í Glerárhverfi en stoppar síðan við Hof áður en haldið er út á flugvöll. Þessi leið er fyrir komu flugvéla og verður sama leið ekin til baka þegar vélar hafa lent.
Félagið hefur keypt strætisvagn sem notaður verður í þessum akstri. Sýsli -Ferðir og ökukennsla var stofnað árið 2019 og hefur boðið upp á ökukennslu og einnig dagsferðir. Þegar Kóvid skall á var farið að bjóða upp á hjólastólaþjónustu og er henni áfram sinnt og eru að mynda ýmsar dagsferðir í boði fyrir hjólastólanotendur. Þá segir Jónas að fyrirtækið veiti þeim bæjarbúum sem þjónustu, sem þurfa að komast leiðar sinnar utan þess tíma sem ferliþjónustan starfi.
Nýjast
-
Þingför eða aðför?
Kjördagur nálgast óðfluga, frambjóðendur með þingmanninn í maganum keppast við að ná augum og eyrum kjósenda, það er engin gúrkutíð hjá fjölmiðlum landsins meðan á kosningabaráttu stendur. Og athygli beinist að sumum frekar en öðrum, stundum fyrir ábyrðarlausan málflutning, hnyttin slagorð eða jafnvel forkastanlega hegðun. -
Jólasöfnun Velferðarsjóðs Eyjafjarðarsvæðis hafin
Stöðug fjölgun er í hópi þeirra sem óska eftir aðstoð Velferðarsjóðs Eyjafjarðarsvæðis. Úthlutað er úr sjóðnum yfir allt árið þó flestir sækist eftir aðstoð fyrir hátíðarnar. Fyrir jólin 2023 barst metfjöldi umsókna en með góðum stuðningi frá fyrirtækjum, félagasamtökum og einstaklingum var hægt að styðja við þau heimili sem þurftu hjálp. Stjórn sjóðsins gerir ráð fyrir að umsóknir nú verði síst færri en í fyrra. Hjálparstarf kirkjunnar, Hjálpræðisherinn á Akureyri, Mæðrastyrksnefnd Akureyrar og nágrennis og Rauði krossinn við Eyjafjörð hafa frá árinu 2013 haft samstarf um jólaaðstoð á Eyjafjarðarsvæðinu og síðustu þrjú ár hefur samstarfið verið yfir allt árið. -
Opnar dyr í Eyjafjarðarsveit
Ferðamálafélag Eyjafjarðarsveitar stendur fyrir viðburði sem nefnist Opnar dyr á laugardag, 30.nóvember og nú í fimmta sinn. Markmiðið með þessum viðburði er að kynna þá starfsemi sem er í sveitinni og bjóða uppá tækifæri til að versla beint við framleiðendur og fyrirtæki. -
Hollvinir SAk gefa öndunarmælingatæki
Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki, tækið nýtist við greiningu, meðferð og eftirlit lungnasjúkdóma Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu. -
Að kjósa annað en Framsókn er að kjósa kyrrstöðu eða afturför í heilbrigðismálum.
Frá árinu 2022 og til 2023 fjölgaði valkvæðum liðskiptaaðgerðum á Íslandi um rúmlega átta hundruð aðgerðir. Meðal tíminn sem að hver sjúklingur þurfti að eyða á biðlista var yfir níu mánuðir. Það er því í raun vel skiljanlegt að þessir biðlistar hafi lengst til mikilla muna vegna einfaldlega hinnar gríðarlegu fjölgunar á liðskiptaaðgerðum. -
Tími til að gleðjast með fjölskyldunni
Aðventuhátíðin Jólabærinn minn á Húsavík -
Njál Trausta áfram sem þingmann okkar í Norðausturkjördæmi
Njáll Trausti Friðbertsson er í baráttusæti Sjálfstæðisflokksins í þeim tvísýnu þingkosningum sem framundan eru. -
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti.
