20. nóvember - 27. nóvember - Tbl 47
Fjölskylduvænna samfélag
Arna Ýr Arnarsdóttir
Arna Ýr Arnarsdóttir skrifar
Í stefnuskrá Sjálfstæðisflokksins segir að við munum útfæra mismunandi útfærslur á sumarlokunum leikskólanna og taka ákvörðun sem leiði til fjölbreyttari lausna til samverustunda fjölskyldufólks yfir sumartímann.
Með þessari setningu er margt ósagt þó sýn okkar sé skýr.
Okkar sýn er að við þurfum að búa barnafjölskyldum betra umhverfi í okkar sveitarfélagi. Ein leið til þess er að í stað fjögurra vikna sumarlokunar á leikskólum sveitarfélagsins, sé komið á sveigjanleika í frítöku barna frá leikskólastarfi. Þar með fá barnafjölskyldur tækifæri til að fjölga samverustundum sínum.
Núverandi fyrirkomulag reynist mörgum barnafjölskyldum erfitt. Stundum hefur aðeins annað foreldri tækifæri til að vera í orlofi á sama tíma og leikskólalokunin stendur yfir, jafnvel á hvorugt foreldrið möguleika á fríi þegar leikskólalokunin stendur yfir og þurfa jafnvel að ráða einhverja í að passa börnin á meðan á lokuninni varir.
En hvað sjáum við fyrir okkur? Við viljum vinna að verkefninu í samstarfi við leikskóla sveitarfélagsins og sjáum ýmsar leiðir færar til að draga fram vilja og óskir foreldra og starfsmanna sem leitt gætu til aukins sveigjanleika. Áður hafa verið lagðar kannanir fyrir foreldra þar sem þeir eru spurðir um fyrirkomulag á sumarlokunum og það er tímabært að gera það á ný.
Við sjáum áfram fyrir okkur að leikskólar loki yfir sumartímann og erum ekki að leggja til heilsársopnun leikskólanna, en við viljum stytta lokunartímann með því þó að barnið fái fjögurra vikna samfellt sumarfrí.
Sem dæmi mætti sjá fyrir sér að leikskólum yrði lokað í þrjár vikur í stað fjögurra og yrði fjórða vikan tekin öðru hvor megin við þriggja vikna lokunina. Mun færri börn yrðu í leikskólanum síðustu vikuna fyrir lokun og fyrstu vikuna eftir opnun þar sem stór hluti væri þá í orlofi með foreldrum sínum. Ásamt því væri hægt að bjóða upp á að skrá barn í sex vikna samfellt sumarfrí gegn niðurfellingu leikskólagjalda líkt og reynst hefur vel fyrir styttri frí síðastliðin tvö ár. Þetta gæti einnig komið til móts við sumarafleysingar í leikskólanum og sumarfríi leikskólastarfsmanna.
Með þessu værum við að stuðla að fjölskylduvænna samfélagi þar sem börnum gefst tækifæri til að njóta meiri tíma með foreldrum sínum.
Arna Ýr Arnarsdóttir
6. sæti á lista Sjálfstæðisflokksins í Norðurþingi.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
