30. október - 6. nóember - Tbl 44
Fjármagn í hugmyndavinnu við 50 metra innilaug áætluð árið 2028
Mynd Facebooksiða Sundlaugar Akureyrar
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
Talsverðar umræður hafa verið á Akureyri í kjölfar greina sem Dýrleif Skjóldal hefur skrifað undanfarið um skort á góðri aðstöðu fyrir þá sem æfa sund. Fram hefur komið í Vikublaðinu að bagalegt sé að æfa sund í útilaug yfir vetrartímann þegar allra veðra er von. Metnaðarfullir sundmenn hafi jafnvel í hyggju að flytja sig um set þar sem betri aðstaða er í boði.
Akureyrarbær gaf í október árið 2019 út skýrslu um uppbyggingu íþróttamannvirkja á Akureyri til næstu 15 ára, eða til ársins 2034. Ellert segir að af þeim ellefu uppbyggingarverkefnum sem þar voru listuð upp sé tveimur lokið, fyrsta áfanga í aðstöðu Siglingaklúbbsins Nökkva og félagsaðstaða í Skautahöllinni. Tvö verkefni séu að nálgast lokametrana, þ.e. inniaðstaða fyrir golf að Jaðri og véla/þjónustuhús í Hlíðarfjalli. Þá séu tvö verkefni einnig komin talsvert vel af stað, þ.e. félagsaðstaða KA, stúka og gervigrasvöllur og hafist var handa við eitt verkefni nú í október, gervigrasvöll á félagssvæði Þórs.
Samtalið sífellt í gangi
„Það er fagnaðarefni að vera komin svona langt með alls 7 verkefni af 11 á fimm árum, það er bara framúrskarandi góður árangur hjá öllum hlutaeigandi aðilum,“ segir Ellert. Og bætir við að ljóst sé að þessar framkvæmdir eru og verði fyrirferðarmiklar í framkvæmdaáætlun bæjarins á meðan á þeim stendur, „og því þurfa önnur uppbyggingarverkefni á sviði íþróttamannvirkja að bíða þar til svigrúm myndast í framkvæmdaráætlun bæjarins.“
Ellert segir röð verkefna hafa tekið smá breytingum frá því uppbyggingarskýrslan kom út fyrir 5 árum, það sé eðlilegt þegar mörg stór verkefni í bland við minni eigi í hlut. „Þess vegna er líka erfitt að segja hvar hvert verkefni er nákvæmlega í röðinni eða hvort það verði einhverjar frekari breyting á verkefnum skýrslunnar. Samtalið við íþróttahreyfinguna er sífellt í gangi varðandi aðstöðumál og Akureyrarbær er ágætlega upplýstur um þarfir, vonir og væntingar til framtíðaruppbyggingar á íþróttaaðstöðu á Akureyri,“ segir hann.
Nýjast
-
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug. -
Sálfræðingur með merkan feril í Fantasy Premier League að baki
Vísindafólkið okkar — Árni Gunnar Ásgeirsson Vísindafólkið okkar er mánaðarleg kynning á vísindafólkinu okkar. Árni Gunnar Ásgeirsson, deildarforseti Sálfræðideildar, er vísindamanneskjan í október. -
Gleðilega töfrandi kosningabaráttu
Snörp og spennandi kosningabarátta er að hefjast og eru stjórnmálaflokkar í óðaönn að draga fram helstu stefnur og forgangsmál. Ýmislegt bendir til þess, eins og oft áður, að komandi kosningar muni að þónokkru leyti snúast um efnahagsmál og fjármál heimila og fyrirtækja. Verðbólga og vextir bíta fast og fólk vill svör um framtíðina. Eðlilega. -
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri.
