Dagskráin 5. febrúar - 12. febrúar Tbl 5
FH í úrslit eftir sigur á Akureyri
Geir Guðmundsson skoraði fimm mörk fyrir Akureyri í kvöld.
FH tryggði sér sæti í úrslitum N1-deildar karla í handknattleik eftir sigur á Akureyri í kvöld, 28-25, í Höllinni fyrir norðan í fjórða leik liðanna í undanúrslitum. FH vann einvígið 3-1 og mætir HK í úrslitum um Íslandsmeistaratitilinn en þar hefur FH titil að verja. Gestirnir voru skrefinu á undan lengst af leik í kvöld og höfðu tveggja marka forystu í hálfleik, 14-12, og sigurinn sanngjarn. Leikurinn var hníjafn í byrjun og liðin skiptust á að hafa forystuna. Sóknarleikur FH gekk þó betur fyrir sig og gestirnir virtust minna hafa fyrir mörkunum, með þá Ragnar Jóhannsson og Ólaf Gústafsson í fararbroddi.
Staðan var jöfn, 8-8, þegar stundarfjórðungur var liðin af leiknum. Akureyri lenti skömmu síðar í brottrekstra vandræðum og missti tvo menn útaf með skömmu millibili og FH komst þremur mörkum yfir. Daníel Freyr Andrésson var kominn í gang í marki FH og gestirnir komust fimm mörkum yfir, 13-8. Það var allt inni hjá FH á þessum tímapunkti. Akureyringar náðu hins vegar að laga stöðuna fyrir leikhlé en hálfleikstölur, 12-14, FH í vil.
FH skoraði fyrstu tvö mörkin í seinni hálfleik og náðu fjögurra marka forystu. Akureyringum gekk erfiðlega að finna glufur á þéttum varnarmúr FH-inga og gestirnir juku muninn í fimm mörk, 23-18, þegar seinni hálfleikurinn var slétt hálfnaður. Ólafur Gústafsson lét vel til sín taka í sóknarleik FH þessar mínútur og skoraði að vild. Norðamenn voru hins vegar ekki að baki dottnir og með fulla höll á bak við sig tókst að saxa á forskotið og minnkuðu muninn í tvö mörk, 21-23, þegar tólf mínútur lifðu leiks og FH tók leikhlé. Akureyringar minnkuðu muninn skömmu síðar í eitt mark og allt ætlaði um koll að keyra í húsinu. Sveinbjörn Pétursson markvörður Akureyrar var heldur vetur dottinn í gírinn og hlutirnir virtust vera að snúa heimamönnum í hag.
Jafnt var í tölunum næstu mínútur og leikurinn æsispennandi en FH hafði frumkvæðið var alltaf einu skrefi á undan. Ólafur Gústafsson gerði svo út um leikinn er hann skoraði 28 mark FH þegar ein mínúta var eftir og gestirnir náðu þriggja marka forystu. Tíminn einfaldlega of naumur fyrir Akureyringa og leiktíminn rann út.
Lokatölur, 25-28, FH í vil og Íslandsmeistararnir freista þess að verja titilinn.
Mörk Akureyrar: Hörður Fannar Sigþórsson 7, Bjarni Fritzson 5, Geir Guðmundsson 5, Heimir Örn Árnason 4, Oddur Gretarsson 4.
Varin skot: Sveinbjörn Pétursson 15 (1), Stefán Guðnason 1.
Mörk FH: Ólafur Gústafsson 8, Ragnar Jóhannsson 7, Andri Berg Haraldsson 4, Baldvin Þorsteinsson 3, Hjalti Þór Pálmason 2 (1), Atli Rúnar Steinþórsson 1 (1), Örn Ingi Bjarkarson 1, Ari Magnús Þorgeirsson 1.
Varin skot: Daníel Freyr Andrésson 14.
Nýjast
-
Hafnasamlag Norðurlands Óskar tilboða í byggingu þjónustuhúss
Hafnasamlag Norðurlands hefur óskað eftir tilboðum í byggingu þjónustuhúss á Torfunefsbryggju. -
Akureyrarbær - Kröfur afskrifaðar
Bæjarráð Akureyrar hefur samþykkt að afskrifa kröfur sem að mestu eru frá árinu 2021 og eldri. Jafnframt eru um að ræða nokkrar yngri kröfur hjá gjaldþrota aðilum og einstaklingum sem fengið hafa greiðsluaðlögun. -
Uppbygging 5 fjölbýlishúsa við Miðholt
Skipulagsráð Akureyrar tekur jákvætt í tillögu sem fyrir liggur varðandi uppbyggingu á lóðum við Miðholt 1 til 9 en umrædd tillaga er fram sett til að koma til móts við athugasemdir sem bárust og ótta við aukna umferð um götuna. Samkvæmt tillögunni er gert ráð fyrir að inn- og útkeyrsla úr bílakjallara verði frá Langholti en ekki um Miðholt. -
Listasafnið á Akureyri: Þriðjudagsfyrirlestur – Bergur Þór Ingólfsson
Þriðjudaginn 11. febrúar kl. 17-17.40 heldur Bergur Þór Ingólfsson, leikhússtjóri Leikfélags Akureyrar, Þriðjudagsfyrirlestur í Listasafninu á Akureyri undir yfirskriftinni Sagnadýrið. Í fyrirlestrinum mun hann fjalla um mikilvægi leikhússins í nútímasamfélagi þar sem varpað er fram fullyrðingunni „Manneskjan þarf á sögum að halda til jafns við mat og drykk, annars veslast hún upp og deyr“. Aðgangur er ókeypis. -
Samstöðuganga kennara á Akureyri
Aðildarfélög KÍ á Norðurlandi standa fyrir samstöðugöngu í dag kl. 19 Með göngunni vill félagsfólk KÍ þrýsta á stjórnvöld með að gengið verði frá kjarasamningum við kennara. -
Fullt út úr dyrum fyrstu helgina
Nýr veitingastaður opnaður á Húsavík -
Frá sveitaþorpinu Gurb til Akureyrar og að lokum Brussel
Adrià Medina Altarriba er ungur og efnilegur lögfræðingur frá litla sveitaþorpinu Gurb í Pýreneafjöllum Katalóníu, nálægt borginni Vic. Hann hefur lokið BA-gráðu í lögfræði með aukagrein í þjóða- og evrópurétti, BA-gráðu í alþjóðasamskiptum og meistaragráðu í lögfræði frá Sjálfstæða háskólanum í Barcelona. Nú er hann á síðasta ári í meistaranámi í heimskautarétti við Háskólann á Akureyri. -
Stórkostlegt þegar fólk óhlýðnast kvíðanum og tekur af honum valdið
„Ég ákvað 14 ára að verða sálfræðingur,“ segir Anna Sigga Jökuls Ragnheiðardóttir sem tók við stöðu yfirsálfræðings hjá Heilsu-og sálfræðiþjónustunni á Akureyri um áramót. Man ekki alveg nákvæmlega af hverju hún var svona staðráðin í því en er ánægð með þessa þrjósku í dag og hafa haldið ákvörðuninni til streitu.Hún er Akureyringur að upplagi, flutti heim á ný þegar henni bauðst að taka við stöðunni. Flutningur norður hafði verið á döfinni um skeið en ekki af honum orðið. Það sem ef til vill gerði útslagið var að yngsti sonur hennar, Víðir Jökull skrifaði undir samning við knattspyrnudeild Þórs þar sem hann er nú markmaður -
Fjólublár bekkur
Fjólubláum bekk sem ætlað er að vekja athygli á Alzheimer-sjúkdómnum og stuðla að umræðu um heilabilun hefur verið komið fyrir við göngustíginn meðfram Drottningarbrautinni, nokkru norðan við aðstöðu Siglingaklúbbsins Nökkva.
