Dagskráin 5. febrúar - 12. febrúar Tbl 5
Listasafnið á Akureyri: Þriðjudagsfyrirlestur – Bergur Þór Ingólfsson
Bergur Þór Ingólfsson leikhússtjóri Leikfélags Akureyrar Mynd aðsend
Þriðjudaginn 11. febrúar kl. 17-17.40 heldur Bergur Þór Ingólfsson, leikhússtjóri Leikfélags Akureyrar, Þriðjudagsfyrirlestur í Listasafninu á Akureyri undir yfirskriftinni Sagnadýrið. Í fyrirlestrinum mun hann fjalla um mikilvægi leikhússins í nútímasamfélagi þar sem varpað er fram fullyrðingunni „Manneskjan þarf á sögum að halda til jafns við mat og drykk, annars veslast hún upp og deyr“. Aðgangur er ókeypis.
Bergur Þór Ingólfsson útskrifaðist úr Leiklistarskóla Íslands 1995 og starfaði í kjölfarið sem leikari við Þjóðleikhúsið, en flutti sig yfir í Borgarleikhúsið um aldamótin þar sem hann lék, leikstýrði og skrifaði leikrit til 2024.
Bergur hefur verið afkastamikill í íslensku leikhúsi. Ásamt því að vera í fullu starfi við stærstu leikhús landsins hefur hann verið driffjöður í leikhópnum Gral og leikstýrt sýningum í New York og Noregi. Leikrit sem hann hefur skrifað einn eða með öðrum hafa fengið ýmsar viðurkenningar og má þar nefna Dauðasyndirnar, Jésú litla, 21 manns saknað, Hamlet litla og Horn á höfði. Meðal hlutverka sem hann hefur leikið eru Marta Smart í Chicago, Andy Fastow í Enron, Heródes í Jesus Christ Superstar og Dante í Dauðasyndunum. Af fjölmörgum leikstjórnarverkefnum hans má nefna Kenneth Mána, Auglýsingu ársins, 1984, Mary Poppins og Bláa hnöttinn.
Bergur hefur hlotið ýmsar viðurkenningar fyrir störf sín, þar á meðal yfir fimmtán tilnefningar til Íslensku leiklistarverðlaunanna, alþjóðlegu menningarsamtökin Ibby hafa heiðrað hann fyrir störf sín í þágu barna og 2017 hlaut hann húmanistaviðurkenningu Siðmenntar ásamt félögum sínum. Bergur tók við leikhússtjórastöðu hjá Leikfélagi Akureyrar í júní 2024 og hefur þar leikstýrt verkunum Litla hryllingsbúðin og Jóla Lóla.
Fyrirlestraröðin er samvinnuverkefni Listasafnsins á Akureyri, Verkmenntaskólans á Akureyri, Myndlistafélagsins og Gilfélagsins. Aðrir fyrirlesarar vetrarins eru Kate Hiena, myndlistarkona, Þórgunnur Þórsdóttir, listakona, Angelika Haak, myndlistarkona, Brynja Baldursdóttir, myndlistarkona, auk fulltrúa Myndlistarfélagsins.
Nýjast
-
Hafnasamlag Norðurlands Óskar tilboða í byggingu þjónustuhúss
Hafnasamlag Norðurlands hefur óskað eftir tilboðum í byggingu þjónustuhúss á Torfunefsbryggju. -
Akureyrarbær - Kröfur afskrifaðar
Bæjarráð Akureyrar hefur samþykkt að afskrifa kröfur sem að mestu eru frá árinu 2021 og eldri. Jafnframt eru um að ræða nokkrar yngri kröfur hjá gjaldþrota aðilum og einstaklingum sem fengið hafa greiðsluaðlögun. -
Uppbygging 5 fjölbýlishúsa við Miðholt
Skipulagsráð Akureyrar tekur jákvætt í tillögu sem fyrir liggur varðandi uppbyggingu á lóðum við Miðholt 1 til 9 en umrædd tillaga er fram sett til að koma til móts við athugasemdir sem bárust og ótta við aukna umferð um götuna. Samkvæmt tillögunni er gert ráð fyrir að inn- og útkeyrsla úr bílakjallara verði frá Langholti en ekki um Miðholt. -
Listasafnið á Akureyri: Þriðjudagsfyrirlestur – Bergur Þór Ingólfsson
Þriðjudaginn 11. febrúar kl. 17-17.40 heldur Bergur Þór Ingólfsson, leikhússtjóri Leikfélags Akureyrar, Þriðjudagsfyrirlestur í Listasafninu á Akureyri undir yfirskriftinni Sagnadýrið. Í fyrirlestrinum mun hann fjalla um mikilvægi leikhússins í nútímasamfélagi þar sem varpað er fram fullyrðingunni „Manneskjan þarf á sögum að halda til jafns við mat og drykk, annars veslast hún upp og deyr“. Aðgangur er ókeypis. -
Samstöðuganga kennara á Akureyri
Aðildarfélög KÍ á Norðurlandi standa fyrir samstöðugöngu í dag kl. 19 Með göngunni vill félagsfólk KÍ þrýsta á stjórnvöld með að gengið verði frá kjarasamningum við kennara. -
Fullt út úr dyrum fyrstu helgina
Nýr veitingastaður opnaður á Húsavík -
Frá sveitaþorpinu Gurb til Akureyrar og að lokum Brussel
Adrià Medina Altarriba er ungur og efnilegur lögfræðingur frá litla sveitaþorpinu Gurb í Pýreneafjöllum Katalóníu, nálægt borginni Vic. Hann hefur lokið BA-gráðu í lögfræði með aukagrein í þjóða- og evrópurétti, BA-gráðu í alþjóðasamskiptum og meistaragráðu í lögfræði frá Sjálfstæða háskólanum í Barcelona. Nú er hann á síðasta ári í meistaranámi í heimskautarétti við Háskólann á Akureyri. -
Stórkostlegt þegar fólk óhlýðnast kvíðanum og tekur af honum valdið
„Ég ákvað 14 ára að verða sálfræðingur,“ segir Anna Sigga Jökuls Ragnheiðardóttir sem tók við stöðu yfirsálfræðings hjá Heilsu-og sálfræðiþjónustunni á Akureyri um áramót. Man ekki alveg nákvæmlega af hverju hún var svona staðráðin í því en er ánægð með þessa þrjósku í dag og hafa haldið ákvörðuninni til streitu.Hún er Akureyringur að upplagi, flutti heim á ný þegar henni bauðst að taka við stöðunni. Flutningur norður hafði verið á döfinni um skeið en ekki af honum orðið. Það sem ef til vill gerði útslagið var að yngsti sonur hennar, Víðir Jökull skrifaði undir samning við knattspyrnudeild Þórs þar sem hann er nú markmaður -
Fjólublár bekkur
Fjólubláum bekk sem ætlað er að vekja athygli á Alzheimer-sjúkdómnum og stuðla að umræðu um heilabilun hefur verið komið fyrir við göngustíginn meðfram Drottningarbrautinni, nokkru norðan við aðstöðu Siglingaklúbbsins Nökkva.
