Ferðamönnum fjölgar milli ára í Grímsey
„Ég er sátt við sumarið, ferðafólki hefur fjölgað jafnt og þétt hin síðari ár. Ég hef á tilfinningunni að það hafi verið aukning á milli ára þó tölur liggi ekki fyrir,” segir Halla Ingólfsdóttir eigandi ferðaþjónustufyrirtækisins Arctic Trip í Grímsey. Veður hafi þó ekki endilega alltaf sýnt sínar bestu hliðar en það sama megi segja um aðrar staði á landinu.
Um 6000 farþegar af skemmtiferðaskipum komu í landi í Grímsey í sumar. Raunar fleiri því margir úr áhöfnum skipanna brugðu sér einnig frá borði og skoðuðu dásemdir eyjarinnar. Hún segir að samfélagið muni um skipakomur, talsvert sé um að farþegar sæki veitingastaðinni heim, kaupi varning í gallerí og taki sér ferð með lestinni. „Það munar alveg um þetta í okkar samfélagi.“
Halla segir að einnig hafi talsverður fjöldi ferðalanga komið með ferjunni Sæfara og þá nýta margir sér áætlunarflug frá Akureyri og skjótast út í Grímsey.
„Okkur þykir ánægjulegt hversu margir vilja koma til okkar og skoða eyjuna. Það er gaman að því hversu mikil eftirspurn er meðal Íslendinga að koma við hérna, við sjáum að þeim fjölgar alltaf á milli ára,“ segir Halla sem bíður eftir að sjá farþegatölur frá Vegagerð um fjölda farþegar með Sæfara og eins frá Norlandair sem sinnir áætlunarfluginu.
Styttri og lengri skoðunarferðir
„Það hefur verið aukning milli ára í komum ferðamanna og mér finnst við núna vera að ná svipuðum fjölda og var fyrir kórónuveiru, þannig að við erum bara nokkuð ánægð með stöðuna,“ segir Halla. Arctic Trip býður upp á ferðir um Grímsey og margir nýta sér það, en í boði er m.a. er ferð út að heimskautsbaug í boði þar sem listaverkið Hringur og kúla stendur. Einnig er styttri ferð þar sem gengið er um íbúabyggðina og sagðar sögur af fólki og byggingum.
Ferjan ekki boðleg
Ferðamannatíðin hafi lengst í báðar áttir, ferðafólk sé fyrr á ferðinni á vorin komi lengra fram á haustið en áður var. „Það er enn að koma slatti af ferðafólki, aðallega með ferjunni, það eru nokkrir í hverri ferð og allt telur þetta.“ Halla bætir við að fæstir hrópi húrra fyrir ferjunni sjálfri. Hún þykir úr sér gengin og jafnvel hættuleg. Margoft hafa íbúar í Gímsey óskað eftir nýrri ferju en að sögn Höllu lítið hlustað á þá. „Það er bara ekki viðunandi lengur að bjóða upp á þessa ferju.“
Nýjast
-
Ferðamönnum fjölgar milli ára í Grímsey
„Ég er sátt við sumarið, ferðafólki hefur fjölgað jafnt og þétt hin síðari ár. Ég hef á tilfinningunni að það hafi verið aukning á milli ára þó tölur liggi ekki fyrir,” segir Halla Ingólfsdóttir eigandi ferðaþjónustufyrirtækisins Arctic Trip í Grímsey. Veður hafi þó ekki endilega alltaf sýnt sínar bestu hliðar en það sama megi segja um aðrar staði á landinu. -
„Ég kann afskaplega vel við sjómannslífið“ - Uppskrift að dýrindis lúðurétti
Þórhildur Þórhallsdóttir sem búsett er á Akureyri hefur verið kokkur á skipum Samherja í nærri þrjú ár, síðustu tvö árin á Kaldbak EA 1. Þórhildur hafði ásamt tveimur konum rekið veitingahúsið Kaffi Ilm á Akureyri í tíu ár. Þær ákváðu að selja þetta vinsæla veitingahús og þar með stóð Þórhildur á krossgötum varðandi atvinnu. -
SFF - Samtök fyrirtækja í fjármálaþjónustu NÝ TEGUND SVIKA
Það virðist gilda það sama um varnaðarorð og góða vísu. Verður aldrei of oft kveðin. Glæpahringir sem herja á fólk til að komast inn í heimabanka verða sífellt tæknilegri og aðferðir þeirra trúverðuglegri. Borið hefur á að svikarar hringi í fólk og hafi af þeim fé með ýmiss konar blekkingum. Það nýjasta er að hringt er úr, að því virðist, íslenskum númerum en svikararnir eru þó enskumælandi. Tilboð þeirra eru oft of góð til að vera sönn, og þá er það oft málið, þetta eru svik. -
Fagnaðarefni að þekkingarstofnanir festi rætur á landsbyggðinni
Ákvörðun Guðlaugs Þórs Þórðarsonar, umhverfis-, orku- og loftslagsráðherra um að höfuðstöðvar nýrrar umhverfis- og orkustofnunar verði staðsettar á Akureyri felur í sér mikil tækifæri ekki aðeins fyrir okkur íbúa Norðurlands heldur einnig fyrir landsbyggðina alla og íslenskt samfélag. -
Svalbarðsstrandarhreppur Loka almenningsbókasafni
Sveitarstjórn Svalbarðsstrandarhrepps hefur tekið þá ákvörðun að loka almenningsbókasafni en jafnframt að efla skólabókasafnið í sveitarfélaginu. -
Skógræktarfélag Eyfirðinga stendur í umfangsmikilli grisjun
„Þetta er verkefni sem verður að vinna og við erum afskaplega ánægð með að fá þessa vönduðu fagmenn til verksins,“ segir Ingólfur Jóhannsson framkvæmdastjóri Skógræktarfélags Eyfirðinga. Menn frá Lettlandi með skógarhöggsvélar sérhannaðar til grisjunar hafa verið að störfum í reitum félagsins undanfarið. Þeir verða um það bil einn mánuð við störf nú í haust og vonast eftir að þeir taki upp þráðinn á næsta ári enda ærið verkefni fyrirliggjandi. -
Akureyrarkirkja á morgun laugardag Litróf orgelsins
Eyþór Ingi Jónsson flytur verk eftir Johann Sebastian Bach, Petr Eben, Joseph Haydn, Hauk Guðlaugsson, Hildi Guðnadóttur, Ghislaine Reece-Trapp, Robert Schumann, Smára Ólason og Johann Ulrich Steigleder. Eyþór er að hefja tónleikaverkefni fyrir næstu misserin sem hann kallar Litróf orgelsins, en hann mun leggja metnað í að sýna fjölbreytileika hljóðfærisins með því að spila afar fjölbreytta orgeltónlist og umritanir á öðrum verkum fyrir orgel -
Samherji hlýtur Íslensku sjávarútvegsverðlaunin fyrir „eitt fullkomnasta fiskvinnsluhús heims á Dalvík.“
Íslenska sjávarútvegssýningin 2024, Ice Fish 2024, var formlega sett í gær en fjörutíu ár er liðin frá því sýningin var fyrst haldin hér á landi. Að þessu sinni mæta sýnendur frá rúmlega tuttugu þjóðlöndum til að kynna allt það nýjasta og besta í alþjóðlegum sjávarútvegi. -
Dansaðu vindur
Á Íslandi er eftirspurnin eftir raforku mikil. Það er jákvætt að atvinnulífið sé svo blómlegt að umframeftirspurn hafi myndast en neikvætt ef stjórnvöld ná ekki að tryggja að af framkvæmdum verði vegna seinagangs í uppbyggingu á raforkukerfinu. Til mikils er að vinna svo hugmyndir og tækifæri renni ekki úr greipum okkar.
