11. sept - 18. sept - Tbl 37
Færri gistinætur í júní og ágúst en júlí var góður
Tjaldstæðið að Hömrum þykir afar gott.
„Í heildina hefur þetta ár komið ágætlega úr það sem af er,“ segir Ásgeir Hreiðarsson framkvæmdastjóri Hamra, útilífsmiðstöðvar skáta Akureyri. Fyrstu þrjá mánuði ársins var um 100% aukningu á milli ára að ræða og í aprílmánuði var fjöldi þeirra sem gisti á Hömrum svipaður og var árið á undan, „en það var í raun trúlega að mestu fyrir það að það snjóaði hraustlega í byrjun apríl og sá mánuður varð okkur þyngstur í snjómokstri,“ segir hann.
Ásgeir segir að maí hafi verið heldur skárri en sami mánuður árið á undan, með um 20% aukningu gistinátta samanborið við árið 2023. Snjórinn hefði svo aftur verið að trufla starfsemina þegar kom fram í júní og var töluverður samdráttur á milli ári í þeim mánuði en til viðbótar leiðindaveðurfari komu tjaldflatir illa undan vetri og urðu skemmdir af völdum kals og bleytu í jörðu langt fram eftir sumri „Júní endaði þannig með um 30% færri gistinóttum miðað við árið á undan,“ segir hann.
Mikið að gera í júlí en minna í ágúst
Þrátt fyrir að júlí hafi ekki verið sérstakur þegar kemur að veðri norðan heiða segir Ásgeir að hann hafi þó verið skárri í þeim landshluta en víða annars staðar sem varð til þess að gistinætur á Hömrum voru um 90% fleiri en árið 2023. Júlí í fyrra hafi ekki skartað sínu fegursta hvað veður varðar sem endurspeglaðist í fjölda gistinátta það árið. Í ágúst varð 35% samdráttur milli ára en Íslendingar létu í minna mæli en oft áður sjá sig á Hömrum í þeim mánuði. „Í heildina má segja að það sem af er ári hefur aðsóknin verið góð og yfir meðalári.
Aukningin sem hefur orðið á síðustu árum yfir vetrartímann er líka að skila sér með minni sveiflum í heildarfjölda gistinátta milli ára. En þó eru það í raun alltaf þessar 6 til 8 vikur sem Íslendingar nota fyrir sín ferðalög sem stýra því hvort heildarfjöldi gistinátta eykst eða dregst saman milli ára,“ segir Ásgeir.
Hann segir að aukningin í júlí mánuði vegi þungt og í raun megi segja að fjöldi gistinátta á Hömrum þann mánuði sé með því mesta sem sést hafi þegar einungis sé litið til tjaldsvæðisins þar og ekki horft til tímans áður en tjaldsvæðinu að Þórunnarstræti var lokað.
Tvívegis þurfi að opna aukasvæði
„Það er frekar sjalgæft að tjaldsvæði að Hömrum fyllist alveg en nokkra daga í júlí var mjög þétt setið hjá okkur og því þurftum í tvígang að opna aukasvæði sem við höfum bæði efst í Kjarnaskógi og á nýja svæðinu norðan við okkur. Á meðan við vorum að gera þau svæði tilbúin til notkunar þurftum við að vísa nokkrum tjaldgestum frá sem er óalgengt hjá okkur, þó það komi reglulega fyrir að færri komist í rafmagn en vilja,“ segir Ásgeir.
Nýjast
-
Þingeyjarsveit hástökkvari norðursins
Þingeyjarsveit er í toppbaráttunni á Norðurlandi eystra þegar kemur að tölum yfir íbúa. Nýjar tölur frá Þjóðskrá um íbúafjölda sveitarfélaga sýna að íbúum. Þingeyjarsveitar hefur fjölgað um 89 frá 1. desember 2023 til 1. september 2024 eða um 6%. -
Ný glæsileg fríhöfn opnar á Akureyrarflugvelli n.k laugardag
Hjördís Þórhallsdóttir flugvallarstjóri á Akureyrarflugvelli segir i morgun í færslu á Facebokarvegg hennar frá opnun nýrrar fríhafnar á flugvellinum. Vefurinn fékk leyfi til þess að birta færsluna. -
Græni hatturinn Endurfundir við Kristján frá Djúpalæk og textana hans
Hljómsveitin Djúpilækur heldur tónleika helgaða dægurlagatextum Kristjáns frá Djúpalæk á Græna hattinum laugardaginn 26 október kl. 15. -
Námskeið fyrir konur með ADHD í boði á landsbyggðinni
Mikill vitundavakning hefur átt sér stað undanfarið um ADHD og þau áhrif sem ógreint og ómeðhöndlað einkenni getur haft á sjálfsmynd fólks og líðan. Mikilvægi þess að fá greiningu hefur líka verið í umræðunni og mörg þúsund Íslendingar eru á biðlistum hjá ADHD teymi heilsugæslunnar. -
Lokaorðið - Og við verðum öll að geta hlustað.
Það getur ekki öllum liðið alltaf vel. En það á heldur engum að líða alltaf illa. Passleg blanda er líklega best, horfa bjartsýn fram á veg, snúa baki við skugganum. Vita af þungum steinum, en láta þá ekki hafa áhrif á sig. Lífsviðhorf sem ætti að vera auðvelt og einfalt, en er það ekki fyrir marga. Alltof marga. -
Húsvískur kúreki á krossgötum
Kúreki norðursins: Saga Johnny King, eftir Árna Sveinsson -
Ekkert að gerast í húsnæðismálum Kisukots Samþykkt í bæjarráði fyrir 10 mánuðum að hefja samningaviðræður
„Vægt til orða tekið þá er ég orðin mjög þreytt á þessu. Ég er reglulega spurð að því hvernig gangi að fá stuðning frá Akureyrarbæ við Kisukot, en staðan þar er bara sú sama og verið hefur, það virðist ekkert vera að gerast. Síðustu samskipti mín við bæinn voru í apríl á þessu ár. Ég hef send nokkra tölvupósta síðan en ekki fengið svör. Það er greinilegt að áhuginn er enginn,“ segir Ragnheiður Gunnarsdóttir sem hefur um árabil rekið athvarf fyrir ketti á heimili sínu, eða frá því í lok janúar árið 2012. -
Hvert er hlutverk sveitarfélaga í þjóðarátaki gegn ofbeldi meðal barna
Umræðan um ofbeldi meðal ungs fólks hefur verið áberandi okkur síðustu vikur og langar mig til að byrja á því að votta aðstandendum Bryndísar Klöru samúð mína og þakka þeim fyrir sitt sterka ákall um breytingar -
Völsungspiltar í Lengjudeild í fótboltanum 2025!
Völsungur mun eiga lið í næst efstu deild karlafótboltans á Íslandi næsta sumar, þetta varð ljóst eftir frábæran stórsigur 8-3 á liði KFA á Reyðarfirði í dag. Liðið sem sérfróðir sunnan heiða gáfu enga möguleika á einu eða neinu í spám fyrir sumarið er svo sannarlega vel að þessum árangri komið. Þeir hafa svo dæmið sé tekið ekki lotið í lægra haldi í seinustu níu leikjum.
Athugasemdir