20. nóvember - 27. nóvember - Tbl 47
Enn að störfum 40 árum síðar
Kennararnir Erna Hildur Gunnarsdóttir og Hálfdán Örnólfsson hafa starfað við skólann frá stofnun hans árið 1984. Mynd ÓÞH
Tveir kennarar sem hófu störf við Verkmenntaskólann á Akureyri þegar starfsemi hans hófst haustið 1984 eru enn að störfum, þau Erna Hildur Gunnarsdóttir og Hálfdán Örnólfsson. Verkmenntaskólinn varð til við samruna þriggja skóla, þ.e. framhaldsdeilda Gagnfræðaskólans á Akureyri, Iðnskólans á Akureyri og Hússtjórnarskólans á Akureyri.
Nemendafjöldi VMA var strax á fyrstu starfsárunum langt umfram allar áætlanir og jafnan hafa nemendur í dagskóla verið um og yfir eitt þúsund. Nú stunda um eitt þúsund nemendur nám í dagskóla, auk fjarnáms og kvöld- og helgarnámskeiða. Námsframboð hefur aldrei verið jafn mikið í fjörutíu ára sögu skólans og einmitt núna á haustönn 2024. Á fjörutíu árum hafa þrír verið skipaðir skólameistarar við VMA, Bernharð Haraldsson, Hjalti Jón Sveinsson og núverandi skólameistari Sigríður Huld Jónsdóttir. Aðrir þrír hafa gegnt stöðu skólameistara tímabundið í náms- og veikindaleyfum, Baldvin Bjarnason, Haukur Jónsson og Benedikt Barðason.
Vilja síður heimanám
„Nemendur hafa lítið breyst á fjörutíu árum,“ segir Erna H. Gunnarsdóttir, sem hefur verið enskukennari við VMA frá byrjun, „enda er aldurinn frá 16 ára til tvítugs svo skemmtilegur, krakkar á þessu aldursbili eru svo frjóir og fyndnir. En það sem sannarlega hefur breyst á fjörutíu árum er viðhorf nemenda til heimanáms. Í dag skipuleggur maður kennsluna þannig að hlutirnir gerist í kennslustundum frekar en að nemendur vinni heima. En auðvitað eru margar undantekningar frá þessu,“ segir Erna.
Kennslan skemmtileg og gefandi
Hálfdán Örnólfsson hefur í gegnum tíðina kennt samfélagsgreinar, hagfræðigreinar og stærðfræði. Hann rifjar upp að fyrir fjörutíu árum hafi það verið afskaplega spennandi að kenna við þennan nýja skóla. „Þetta var mjög spennandi verkefni sem maður var að takast á við enda nýr skóli og maður var að stíga sín fyrstu skref sem kennari. Auðvitað var þetta líka erfitt því stundatöflurnar voru stórar á þeim árum, það þótti ekki tiltökumál að kenna vel yfir þrjátíu tíma á viku. Þetta er skemmtilegt starf og gefandi, sérstaklega kennslan og samskiptin við þetta unga fólk. Ég vann um tíma í stjórnun við skólann og það fannst mér hreint ekki skemmtilegt, eiginlega bara hundleiðinlegt, og ég var dauðfeginn þegar ég hætti því og fór aftur í kennsluna,“ segir Hálfdán.
Nýjast
-
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið. -
Ætla Íslendingar að standa vörð um orkuauðlindir sínar?
Einhver myndi segja að sá bóndi er seldi frá sér allar bestu mjólkurkýrnar væri vitlaus maður. Utan ef tilgangurinn væri að pakka saman, hætta rekstri og selja hæstbjóðanda. -
Norðurorka lækkar samfélagsstyrki á næsta ári
Stjórn Norðurorku hefur samþykkt að lækka styrki en fyrirtækið hefur undanfarin ár veitt styrki til margvíslegra verkefna og málefna.
