20. nóvember - 27. nóvember - Tbl 47
Endurbætt húsnæði Aðgerðarstjórnar almannavarna tekið í notkun
Yfirlitsmynd frá nýju aðstöðinni Mynd lögreglan
Samkvæmt stefnu stjórnvalda í almannavarna- og öryggismálum frá árinu 2021 á að vera uppsett stjórnstöð í hverju umdæmi lögreglunnar á landinu til að halda utan um og stýra aðgerðum í almannavarnaástandi sem og þegar önnur samhæfing viðbragðsaðila er þörf.
Frá árinu 2018 höfum við haft slíka stöð til notkunar á Akureyri fyrir Norðurland eystra og hefur hún verið í húsnæði Súlna, björgunarsveitarinnar á Akureyri. Þessi stjórnstöð hefur virkilega komið að góðum notum og sannaði svo sannarlega gildi sitt í óveðrinu í desember 2019 sem og í gegnum allt Covid tímabilið þar sem hún var mönnuð svo mánuðum skipti.
Auk þessara tilvika þá koma reglulega upp verkefni þar sem hún er mönnuð, s.s. vegna leitar og björgunar, viðbúnaðarstiga vegna flugatvika, hópslysa, náttúruvár svo eitthvað sé nefnt. Aðkomu að stýringu aðgerða eiga almennt fulltrúar frá lögreglunni, Slökkviliði Akureyrar, svæðisstjórn björgunarsveita, HSN, SAk og RKÍ.
Nú í upphafi þessa árs hófst samtal um að gera þessa góðu aðstöðu, sem við höfum haft undanfarin ár, enn betri með því að færa hana til í annað og stærra rými innan sama húss.
Nú er sá tími kominn að nýja aðstaðan er klár og uppsett með þeim hætti sem við viljum hafa hana. Í gær var hún formlega tekin í notkun þegar fulltrúar allra viðbragðseininga komu þar saman og kynntu sér hana.
Margt þarf að ganga upp til að svona aðstaða verði klár og þar eiga stærsta aðkomu Súlur, björgunarsveitin á Akureyri, almannavarnanefnd í umdæmi lögreglustjórans á Norðurlandi eystra, embætti lögreglustjórans á Norðurlandi eystra og almannavarnadeild ríkislögreglustjóra.
Facebooksíða lögreglu sagði fyrst frá.
Halldór Haldórsson Súlum og Páley Borgþórsdóttir lögreglustjóri
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
