ELKO innleiðir byltingarkennt snjallspjall í vefverslun
ELKO hefur innleitt, fyrst allra fyrirtækja á Íslandi, byltingarkennda nýja þjónustu í vefverslun. Þetta kemur fram í tilkynningu frá fyrirtækinu. Þar segir m.a. að Snjallspjall ELKO sé lifandi og persónuleg verslunarupplifun þar sem viðskiptavinir fá samband við sölufulltrúa í verslunum ELKO í gegnum myndsímtal.
Í snjallspjallinu fá viðskiptavinir söluráðgjöf rétt eins og þeir væru staddir í verslun ELKO. Með aðstoð þessarar stafrænu lausnar geta sölufulltrúar ELKO nú leiðbeint viðskiptavinum í rauntíma, sett vörur í samanburð og aðstoðað við vöruskoðun. Í lok samtals geta viðskiptavinir valið um að fá vörur sendar beint í körfu á elko.is og klárað svo kaupin þegar þeim hentar og valið úr úrvali afhendingarmáta.
Hægt að skoða vörur nánar í myndsímtali
„Okkur langaði að taka þjónustuna í vefverslun skrefinu lengra. Við sjáum að mörg fyrirtæki eru fikra sig í átt að notkun spjallmenna en við höfum hins vegar ávallt lagt áherslu á persónulega þjónustu og viljum gefa viðskiptavinum kost á að tala við alvöru fólk,“ segir Arinbjörn Hauksson, markaðsstjóri ELKO. Hann bendir á að ELKO hafi starfrækt þjónustuver síðan 2019 og svari þar öllum erindum hvaðan sem þau berast í gegnum miðlægt þjónustukerfi til klukkan níu á kvöldin. „Viðskiptavinir hafa verið mjög ánægðir með netspjallið og verður því gaman að sjá viðtökur við aukinni þjónustu í formi myndsímtala í vefversluninni,“ segir hann, en þau verða í boði á hefðbundnum opnunartíma ELKO.
Vefverslun fer ört vaxandi
Í dag er vefverslun ELKO önnur stærsta verslun fyrirtækisins, en gera má ráð fyrir að í veltu taki hún fram úr verslun ELKO í Lindum innan fimm ára. „Við vitum að fjöldi viðskiptavina fer inn á vefinn áður en þeir koma í verslun til að klára kaupin og eru þar ýmsar ástæður að baki. Oft vilja viðskiptavinir fá betri tilfinningu fyrir vörunni ásamt því að þeir vilja meiri upplýsingar frá sölufulltrúa til að tryggja að þeir séu að kaupa réttu vöruna,“ segir Arinbjörn. Með því að bjóða upp á myndsímtöl við sölufulltrúa í verslun segir hann í raun verið að mæta þörfum viðskiptavina og um leið stuðlað sé að samhæfðri þjónustuupplifun viðskiptavina óháð verslun, aðstæðum eða búsetu viðskiptavina.
Engin gögn geymd um samtölin
Um leið og ELKO styrkir þjónustu sína við viðskiptavini með snjallspjallinu er hugað að öryggi og persónuvernd. Viðskiptavinir þurfa að skrá sig inn á vef elko.is með rafrænum skilríkjum áður en hægt er að nota þjónustuna. Þeir þurfa hins vegar ekki að deila neinum gögnum með sölufulltrúa í verslun og engin gögn eru geymd að loknu myndsímtalinu. Snjallspjallið er glæný viðbót í flóru þekktari dreifileiða fyrirtækja á borð við verslanir, vefverslanir, símasölu, tölvupósta, póstverslun og annað slíkt. „Við erum stolt af því að brjóta ísinn hvað þetta varðar hér á landi,“ segir Arinbjörn.
Nýjast
-
Atkvæði Grímseyinga komin til Akureyrar
Anna María Sigvaldadóttir formaður kjörstjórnar í Grímsey sigldi og ók með atkvæði úr eynni til Akureyrar þar sem Helga Eymundsdóttir formaður kjörstjórnar á Akureyrar tók við þeim. Eftir að Anna María hafði afhent kjörgögn kaus hún sjálf utan kjörfundar á Akureyri. Alls eru 49 á kjörskrá í Grímsey -
Akureyri - Opnun jólatorgsins og ljósin tendruð á jólatrénu
Hátíðleg stund verður á Ráðhústorginu á sunnudaginn, fyrsta sunnudag í aðventu, þegar ljósin verða tendruð á jólatré bæjarbúa og splunkunýtt jólatorg verður opnað. -
Jólin koma, jólin koma!
Starfsfólk skógræktarfélaga hefur í nógu að snúast þessa dagana við undirbúning jólanna en sala á jólatrjám hefst innan tíðar. Hér eru þau Sigurður Ormur, Ólöf, Benedikt, Huldar og Bergsveinn með rauðgreni jólatré sem þeir Benedikt og Huldar frá Skógræktinni á Vöglum færðu kollegum sínum í Skógræktarfélagi Eyjafjarðar. -
Þingför eða aðför?
Kjördagur nálgast óðfluga, frambjóðendur með þingmanninn í maganum keppast við að ná augum og eyrum kjósenda, það er engin gúrkutíð hjá fjölmiðlum landsins meðan á kosningabaráttu stendur. Og athygli beinist að sumum frekar en öðrum, stundum fyrir ábyrðarlausan málflutning, hnyttin slagorð eða jafnvel forkastanlega hegðun. -
Jólasöfnun Velferðarsjóðs Eyjafjarðarsvæðis hafin
Stöðug fjölgun er í hópi þeirra sem óska eftir aðstoð Velferðarsjóðs Eyjafjarðarsvæðis. Úthlutað er úr sjóðnum yfir allt árið þó flestir sækist eftir aðstoð fyrir hátíðarnar. Fyrir jólin 2023 barst metfjöldi umsókna en með góðum stuðningi frá fyrirtækjum, félagasamtökum og einstaklingum var hægt að styðja við þau heimili sem þurftu hjálp. Stjórn sjóðsins gerir ráð fyrir að umsóknir nú verði síst færri en í fyrra. Hjálparstarf kirkjunnar, Hjálpræðisherinn á Akureyri, Mæðrastyrksnefnd Akureyrar og nágrennis og Rauði krossinn við Eyjafjörð hafa frá árinu 2013 haft samstarf um jólaaðstoð á Eyjafjarðarsvæðinu og síðustu þrjú ár hefur samstarfið verið yfir allt árið. -
Opnar dyr í Eyjafjarðarsveit
Ferðamálafélag Eyjafjarðarsveitar stendur fyrir viðburði sem nefnist Opnar dyr á laugardag, 30.nóvember og nú í fimmta sinn. Markmiðið með þessum viðburði er að kynna þá starfsemi sem er í sveitinni og bjóða uppá tækifæri til að versla beint við framleiðendur og fyrirtæki. -
Hollvinir SAk gefa öndunarmælingatæki
Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki, tækið nýtist við greiningu, meðferð og eftirlit lungnasjúkdóma Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu. -
Að kjósa annað en Framsókn er að kjósa kyrrstöðu eða afturför í heilbrigðismálum.
Frá árinu 2022 og til 2023 fjölgaði valkvæðum liðskiptaaðgerðum á Íslandi um rúmlega átta hundruð aðgerðir. Meðal tíminn sem að hver sjúklingur þurfti að eyða á biðlista var yfir níu mánuðir. Það er því í raun vel skiljanlegt að þessir biðlistar hafi lengst til mikilla muna vegna einfaldlega hinnar gríðarlegu fjölgunar á liðskiptaaðgerðum. -
Tími til að gleðjast með fjölskyldunni
Aðventuhátíðin Jólabærinn minn á Húsavík
