Ekkert skipulagt félagsstarf fyrir hendi fyrir fólk með fötlun
Þroskahjálp á Norðurlandi eystra harmar þá staðreynd að ekkert skipulagt félagsstarf er fyrir hendi fyrir fólk með fötlun á Akureyri. Það gildi jafnt fyrir börn, ungmenni og fullorðið fólk. Í þeim tveimur félagsmiðstöðvum sem reknar eru í bænum, Birtu og Sölku sé gott starf unnið en um 85% þeirra sem það sækja eru eldri borgarar. Þroskahjálp á Norðurlandi eystra hefur skorað á Akureyrarbæ að gefa fullorðnu fólki með fötlun tækifæri til að sækja félagsmiðstöðvar á jafningagrundvelli.
Sif Sigurðardóttir formaður Þroskahjálpar á Norðurlandi eystra segir ekkert sérhæft tómstundastarf til staðar fyrir fólk með fötlun og sé þá saman hver aldurshópurinn sé. Ekki hafi gengið sem skyldi að sækja tómstundir til félagsmiðstöðvanna Birtu og Sölku og fyrir því séu ýmsar ástæður. „Okkar fólk passar ekki fyllilega inn í þann hóp sem sækir þessar félagsmiðstöðvar en það eru að stórum hluta eldri borgarar. Það þyrfti að vera eitthvað í boði fyrir fullorðna einstaklinga með fötlun sem sérsniðið er að þeim. Það er í raun óboðlegt að ekkert slíkt tilboð sé fyrir hendi. Það var til staðar í eina tíð, en eitthvað bakslag hefur orðið þarna eins og oft vill verða,“ segir Sif.
Þá nefnir hún að einu sinni í mánuði sé samvera í boði í Hæfingarstöðinni við Skógarlund en þangað sæki að mestu leyti þeir sem þar eru fyrir. „Það er búið að leggja niður sambýli, flestir í þessum hópi búa einir og það er mikil hætta fyrir hendi að fólk einangrist félagslega þegar ekki eru tækifæri á að fara út á meðal fólks. Því miður hefur þessi félagslega einangrun aukist hin síðari ár og það er brýnt að við spyrnum við og finnum tómstundir fyrir þessa íbúa Akureyrar sem eiga rétt á sínu félagsstarfi eins og aðrir,“ segir Sif. Nefnir hún að það sé sérstaklega bagalegt fyrir aldurshópinn 16 til 18 ára, sem hvergi eigi inni, fólk yfir 18 ára eigi kost á að sækja félagsmiðstöðvar Birtu og Sölku, „en þessi hópur ungmenna hefur ekki neitt við að vera.“
Mikilvægt að tilheyra hópi
Sif bætir við að svipuð staða sé uppi á teningnum þegar komi að börnum og ungmennum. Ekkert skipulagt félagsstarf sé fyrir hendi. Félagsmiðstöðvar séu starfræktar í grunnskólum og dæmi þess að stöðvarnar opni dyr sínar fyrir hópum sem vilji vera út af fyrir sig, en þeir sem búi við fötlun hafi ekki fengið þar inni. „Það er öllum mikilvægt að tilheyra hópi til þess að samsvara sig og þroska sjálfsmyndina en einnig til að uppfylla þörf fyrir félagslega samskipti sem og að forðast einangrun,“ segir í bókun Þorskahjálpar á NE tekin var fyrir á fundi fræðslu- og lýðheilsuráðs. Fól ráðið sviðstjóra að vinna málið áfram.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
