13.nóvember - 20.nóvember - Tbl 46
„Ég er ekki til í að standa á brókinni með hálfónýtan slökkvibúnað“
Benóný Valur Jakobsson telur brýnt að kaupa nýjan slökkvibíl
Sveitarstjórn Norðurþings samþykkti á fundi sínum í gær viðauka við þriggja ára fjárhagsáætlun til kaupa á nýrri slökkvibifreið. Norðurþing var eitt mörgum sveitarfélögum sem tóku þátt í útboði Ríkiskaupa vegna slökkvibifreiða. Búið var að gera ráð fyrri 75 milljóna króna fjárútlátum fyrir kaupunum en niðurstaða útboðsins er öllu hærri, eða um 91 m.kr. Byggðarráð samþykkti fyrir skemmstu að taka tilboðinu og vísaði málinu til sveitarstjórnar til að taka afstöðu til viðaukans.
Forseti sveitarstjórnar, Aldey Unnar Traustadóttir, fulltrúi V-lista lagðist gegn kaupunum og lagði fram eftirfarandi tillögu:
„Að Norðurþing dragi sig út úr útboði í samstarfi við Ríkiskaup um kaup á nýrri slökkvibifreið og jafnframt leggur undirrituð til að fallið verði frá þessari viðaukabreytingu fjárhagsáætlunar.“
Segir það tvískinnung að samþykkja viðaukann
Tillögunni var hafnað með átta atkvæðum gegn einu atkvæði Aldeyjar.
„Það er hreinn og beinn tvískinnungsháttur að samþykkja nú kaup á 91 milljóna kr. slökkvibíl á Húsavík sem er meira en 20% umfram áætlun, á sama tíma og hafnað er í skipulags- og framkvæmdaráði fjárfestingu til frístundahúss fyrir börn á Húsavík og framkvæmdum á lóð við leikskólann í Lundi á þeim forsendum að kostnaður hafi verið umfram áætlun,“ sagði Aldey í bókun sem hún lagði fram og lesa má í heild sinni hér.
Eitt tilboð barst
Einn aðili skilaði inn tilboði til í útboði Ríkiskaupa upp á 91 milljón. Kristján Þór Magnússon, sveitarstjóri benti á að miðað við ástandið í heiminum værir fyrirséð að heimsmarkaðsverð á hrávörum myndi hækka á næstu árum. Það væri áhætta fólgin í fresta þessari fjárfestingu um einhverja hríð og treysta um leið á að núverandi búnaður virki þar til ný bifreið fæst.
Miðað við að tilboðinu hafi verið tekið er gert ráð fyrir að nýr slökkvibíll verði afhentur um áramót 2023-24 og kemur til greina að skipta greiðslunni vaxtalaust á milli þessara tveggja ára.
Benóný Valur Jakobsson fulltrúi Samfylkingar ítrekaði skoðun sína frá því í byggðarráði að betra væri að ráðast í þessa fjárfestingu núna heldur en að hætta á að fjárfestingin verði dýrari eftir fáein ár. Hann lagði líka áherslu á mikilvægi þess að sveitarfélagið fjárfesti í nýrri slökkvibifreið.
„Það er brýn þörf á þessum bíl. Það er 4-5000 fermetra stórþaraverksmiðja í burðarliðnum og við erum að fara byggja 4500 fermetra hjúkrunarheimili sem krefjast þess að slökkvibúnaður okkar sé í lagi. Ég er ekki til í að standa á brókinni með hálfónýtan slökkvibúnað slökkviliðs ef svona húsnæði brennur. Þess vegna hafna ég tillögu VG og styð það að við kaupum slökkvibíl þó vissulega sér hárrétt að það sé margt annað sem þarf að gera,“ sagði Benóný.
Ekki spurning um hvort heldur hvenær
Kristján tók undir sjónarmið Benónýs og sagði að svona fjárfesting væri óumflýjanleg á 30-40 ára fresti og það væri að lenda á sveitarfélaginu núna. „Við eigum 32 ára gamla bifreið sem er ónothæf, erum með aðra 30 ára bifreið að láni og mér skilst að hún sé biluð núna. Eins og forseti veit þá er þetta ekki spurning um hvort heldur hvenær þarf að ráðast í þessi kaup,“ sagði Kristján Þór og bætti við að það væri á þeim grunni að hann hafnaði tillögu Aldeyjar um að draga sveitarfélagið út úr útboðinu.
Viðaukinn var samþykktur með átta atkvæðum. Aldey greiddi atkvæði á móti.
Nýjast
-
Kvikmynd um Kröflu sigraði á Landkönnunarhátíð á Húsavík
Alls voru níu kvikmyndir sýndar á hátíðinni sem haldin var í 10. sinn -
Oddvitar í Norðausturkjördæmi mætast í beinni útsendingu
Oddvitar framboðanna til Alþingis mætast í kvöld í beinni útsendingu á RÚV og vef Vikublaðsins . Rætt verður um áherslumál framboðanna í kjördæminu. -
Metsöfnun Dekurdaga í ár, 6,7 milljónir
Styrkurinn fyrir Dekurdaga árið 2024 var afhentur í Hofi við hátíðlega athöfn á dögunum og var enn og aftur slegið met, því upphæðin hljóðaði upp á kr. 6.700.000!! Upphæðin safnaðist með þátttökugjöldum fyrirtækja, sölu á bleikri slaufu í staur og almennum styrkjum frá fyrirtækjum og félagasamtökum. Að auki voru mörg fyrirtæki með uppákomur þar sem safnað var pening í söfnunina. -
Jaðarsvöllur 18 holur opnar í dag!
Við hjá GA erum gríðarlega ánægð að geta boðið okkar fólki upp á 18 holur af golfi á Jaðarsvelli frá og með deginum í dag! -
Uppruni jólakorta - Lauslega þýtt úr dönsku
Þegar fyrsta jólakortið var búið til um það bil árið 1800 á Englandi þá fékk það mikla athygli og með byr því að mörgum fannst það leiða athygli að jólum og sýna rétta jólaandann og varð það fjótt nokkuð vinsælt meðal Breta. Við þekkjum öll að jólin eru hátíð ljóss og friðar og á jólum sameinast fjölskyldur og vinir og við hugsum meira til vina og kunningja en á öðrum tímum. Jólakort hafa verðið þessi góði máti til þess að senda jóla- og vinarkveðju til þeirra sem við viljum gleðja á þessum tíma. Þessar kveðjur eru óskir um gleðileg jól og farsælt komandi ár, þetta er afar fallegur og góður siður og það gleður marga að fá fallega kveðju á fallegu jólakorti í svartasta skammdeginu. Það er talið að Kínverjar og Egyptar hafi byrjað að senda kveðjur á kortum fyrir 3000 árum og þaðan hafi þessi siður borist til Evrópu og hins vestræna heims. Í upphafi voru þessar kveðjur sendar í byrjun desember svo að þau gætu staðið á arinhillunni svo að fólk gæti notið þess alla aðventuna og jólin og fram á nýtt ár. Það sem á þeim stóð var oftast eitthvert biblíuvers, bæn, lítið kvæði eða eitthvað sem að minnti á vorið eða birtuna sem fólk var farið að bíða eftir á þessum dimmasta tíma. Oft voru líka send kort í tilefni árstíðaskipta svo sem um vor og sumar. -
Erill vegna veðurs í nótt sem leið
,,Allt er á tjá og tundri“ söng Sálin hans Jóns míns fyrst undir lok níunda áratug s.l. aldar og lýsti raunum karls sem lenti hressilega í ofjarli sínum. Það má kannski heimfæra hendinguna út textanum góða við stöðuna á Akureyri í morgun eftir rok næturinnar. Tré brotnuðu, þil í görðum gáfu sig og nýju ruslaföturnar voru víða, já, á tjá og tundri. -
Alvöru byggðarstefnu takk!
Um aldamótin 1900 bjuggu í Reykjavík ríflega 6000 manns, um 8% landsmanna en 11% á höfuðborgarsvæðinu. Nú 124 árum síðar býr 37% þjóðarinnar í Reykjavík og 65% á höfuðborgarsvæðinu. Og ef allt áhrifasvæði höfuðborgarinnar er tekið með, búa þar 80% landsmanna. Við hin 20% landsmanna búum svo utan þess. -
Fjölmenni í samstöðugöngu kennara
Félagsfólk í Kennarasambandi Íslands á Akureyri og nágrenni efndu í gær til samstöðugöngu í tilefni kjaradeilu sambandsins við Samband íslenskra sveitarfélaga. -
Flug til framtíðar
Fyrsta flug easyJet frá Manchester lenti á Akureyrarflugvelli í gær en flogið verður á þriðjudögum og laugardögum frá nóvember út mars. Samtals verða þetta því 40 flug í vetur með 186 sætum hvert og því má búast við 6-7 þúsund farþegum í þessu flugi. Flug frá London Gatwick hófst í síðustu viku og stendur það fram á vor með sömu tíðni og fjölda sæta. Ætla má að flug á þessa áfangastaði geti skilað um 40 þúsund gistinóttum á landinu og aukningu landframleiðslu um 700 milljónir króna. Flugið frá London Gatwick til Akureyrar síðastliðinn vetur gekk framar vonum. Nýting var góð, stöðugur vöxtur í komum erlendra ferðamanna og heimamenn nýttu flugið mjög vel í helgarferðir eða tengingar lengra út í heim. Aðstæður á flugvellinum voru erfiðar vegna þrengsla en starfsfólkið þar á hrós skilið fyrir að veita frábæra þjónustu. Lendingar gengu vel á Akureyrarflugvelli og þurfti easyJet aldrei að nota varaflugvellina. Það sýndi sig að í slæmu veðri þar sem innanlandsflug lá niðri var þrátt fyrir það hægt að fljúga út í heim án vandkvæða. Þannig gat ferðaþjónustan tekið á móti ferðafólki og sýnt Norðurland í fallegum vetrarbúningi.
