20. nóvember - 27. nóvember - Tbl 47
Dýrahræ fundust á víðavangi við Línuveg á Húsavík
Frá Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ.
Hræið af rollunni segir Steingrímur ekki hafa borið með sér að hafa drepist þarna á staðnum, og ef hann efaðist um að hræinu hefði verið komið fyrir þarna, þá gufaði sá efi upp þegar selirnir blöstu við honum. Ekki sé líklegt að þeir hafi komið sér fyrir þarna sjálfir undir fjalli til þess að drepast.
„Ég var nú bara að viðra hundinn hérna upp með Línuveginum við Bakka og þetta liggur þar með veginum. Það er ein rolla þarna og fimm selir,“ segir Steingrímur hneykslaður.
Blöskraði aðkoman
„Mér blöskraði að sjá þetta og setti myndir af þessu á Húsavíkursíðuna á Facebook þar sem þetta hefur vakið hörð viðbrögð,“ útskýrir Steingrímur og furðar sig á að nokkur skuli hafa fyrir því að draga sel úr sjó til þess eins að drösla honum upp í heiði. „Þetta er svo galið að það nær ekki nokkurri átt.“
Steingrímur segir jafnframt að hræin blasi við manni um 30 metra frá veginum og minni einna helst á dýragrafreit. „Það er meira þarna af viðbjóði eins og beingarðar úr fiski og þorskhausar og annað í þeim dúr,“ segir hann.
Komið á borð sveitarfélagsins
Elvar Árni Lund, sviðsstjóri skipulags- og umhverfissviðs Norðurþings segir að málið sé komið inn á sitt borð og brugðist verði við því á viðeigandi hátt.
„Það kom tilkynning til lögreglu sem beinist til heilbrigðisfulltrúa og þaðan kemur þetta á okkar borð. Við munum bregðast við þessu og fjarlægja hræin. Ástandið á þessu svæði er bara þannig núna að þetta er eitt drullusvað af því þetta er að koma undan leysingum, þetta er að koma undan snjó núna þess vegna birtast þessir selir þarna. Þessu hefur verið fleygt þarna einhvern tíma í vetur,“ segir Elvar Árni. „Í fullkomnu leyfisleysi náttúrlega,“ bætir hann við.
Óskiljanleg framkoma
Elvar Árni segir aðspurður að enginn hafi gefið sig fram um bera ábyrgð á hræunum, það sé í höndum lögreglu að rannsaka það en þá þurfi heilbrigðiseftirlitið að óska eftir því við lögreglu. „Þetta er bara tilkynning um hræ á víðavangi og við sjáum um að fjarlægja þau af því að þetta er inn á okkar landi. Þetta er auðviðtað alveg glórulaust, ég eiginlega bara skil ekki hvað vakir fyrir mönnum sem gera svona,“ segir hann furðu lostinn.
„Málið er alla vega komið í farveg hjá okkur, við munum hreinsa þetta upp. Jörðin er einn dúandi svampur og erfitt að komast að þessum með tækjum eins og er og ekki geðslegt að vera draga þetta á höndum, búið að liggja þarna úti í allan vetur,“ segir Elvar Árni að lokum.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
