Draumurinn að ferðast um eigið land
Síðasta sumar var ólíkt öllum öðrum vegna ástæðu sem allir þekkja. Íslendingar nýttu sér í mun meira mæli áfangastaði innanlands og þá þjónustu sem er í boði um landið okkar allt en þeir hafa gert áður. Samsetning ferðafólks var þannig, með tilliti til þjóðernis, ólík því sem ferðaþjónustuaðilar hafa átt að venjast.
Uppbygging íslenskrar ferðaþjónustu á undanförnum árum hefur verið gríðarleg og í dag er afar áhugaverð afþreying í boði um allt land, fjölbreytt gisting og úrvals veitingastaðir. Stjórn Húsavíkurstofu telur afar jákvætt að Íslendingar hafi nýtt sér þessa uppbyggingu þrátt fyrir að það hafi komið til vegna miður skemmtilegra aðstæðna.
Um daginn var skrifað um hegðun íslensks ferðafólks þar sem var dregin upp dökk mynd af hegðun þeirra í garð starfsfólks í þjónustu. Vissulega eru alltaf einhverjir í hópi ferðafólks sem virðist ekki kunna almennt góða hegðun og sýna á sér verstu hliðar í samskiptum við starfsfólk í þjónustu. Um þennan hóp má þó ekki alhæfa frekar en aðra og upplifun ferðaþjónustunnar er misjöfn af síðasta sumri.
Margir ferðaþjónustuaðilar segja frá íslensku ferðafólki sem sýndi uppbyggingunni mikinn áhuga og var agndofa yfir öllu því sem Ísland hefur upp á að bjóða og þeirri þjónustu sem er tiltæk í dag. Slíkt er afar mikilvægt til framtíðar fyrir ferðaþjónustuna því ánægt íslenskt ferðafólk segir vafalaust erlendum vinum og ættingjum frá því hvað er í boði hér á landi og er í kjölfarið jákvæðara og opnara gagnvart ferðaþjónustu almennt. Þannig mun síðasta sumar og að öllum líkindum sumarið sem er í vændum leggja af mörkum hvað varðar lífræna markaðssetningu Íslands sem áfangastaðar fyrir erlenda ferðamenn.
Sú staðreynd að Íslendingar streymdu út á land síðasta sumar gerði það að verkum að margir ferðaþjónustuaðilar héldu velli í Covid storminum sem geisaði, sem er gríðarlega mikilvægt fyrir þessa risastóru atvinnugrein til framtíðar og það ber að þakka
Stjórn Húsavíkurstofu fagnar þeim straumi íslensks ferðafólks sem lagði land undir fót síðasta sumar og er vongóð að sumarið í ár verði jafn gjöfult hvað það varðar þó vissulega standi vonir til þess að hópurinn verði fjölþjóðlegri þetta árið öllum til framdráttar.
Silja Jóhannesdóttir
F.h. Stjórnar Húsavíkurstofu
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
