Búið að vera þrautaganga að ná þessu
Kjarasamningar hafa náðst á milli Sjómannasambands Íslands og Samtaka fyrirtækja í sjávarútvegi, samningar sjómanna höfðu verið lausir síðan 2019 en skrifað var undir í Karphúsinu fyrrakvöld eins og kunnugt er . Samningarnir eru til tíu ára sem er líklega einsdæmi. Þeir gilda fyrir öll aðildarfélög Sjómannasambandsins. Félag vélstjóra og málmtæknimanna og Félag skipstjórnarmanna hafa einnig náð samningum.
Trausti Jörundarson er formaður Sjómannafélags Eyjafjarðar, vefurinn leitaði eftir áliti hans á hinum nýja samningi.
Lengsti gildistími samnings sem sögur fara af, hlýtur að segja að þú sért sáttur?
Það er rétt að þetta er lengsti kjarasamningur sem gerður hefur verið samkvæmt þeim heimildum sem ég hef og það er mitt mat að það er af hinu góða, það er uppsagnarákvæði í samningnum sem hægt er að virkja eftir 5 ár þannig að ef upp koma mál sem ekki er hægt að leysa þá er möguleiki að virkja það ákvæði.
Hvað helst ertu ánægður með?
Það sem stendur uppúr í þessum samningi er aukin lífeyrisréttur fyrir sjómenn og að við náðum því þannig í gegn að valið sé sjómanna sjálfra hvort þeir vilja nýta sér þessi réttindi eða ekki.
Hversu mikill léttir er að hafa loks náð að landa kjarasamningi fyrir sjómenn eftir rúm 3 ár án samnings?
Þetta er búið að vera þrautaganga að ná þessu saman en það tókst loksins. Það er mín skoðun að það er mikilvægt að sjómenn fái tækifæri til að kjósa um kjaramálin sín og nú hefur það tekist.
Kynning á hinum nýja kjarasamningi blasir við, hvenær hefst atkvæðagreiðslan um hann og hve lengi stendur hún?
Atkvæðagreiðslan hefst þann 17. febrúar og stendur til 10. mars. Kynnigarfundir byrja strax eftir helgi og fyrsti fundurinn er þriðjudaginn 14. mars og ég reikna með að næsti fundur verði fimmtudaginn 16. mars og þá verður formaður SSÍ Valmundur Valmundsson á þeim fundi með mér. Það verða líka fundir á meðan á atkvæðagreiðslu stendur og svo er alltaf hægt að hringja í mig eða koma við á skrifstofu félagsins til að fá upplýsingar um innihald samningsins.
Í restina munt þú mæla með við þitt fólk að samþykkja þessa samninga?
Já að sjálfsögðu mun ég gera það. Það er mín skoðun að það er mikilvægt að sjómenn fái tækifæri til að kjósa um kjaramálin sín og nú hefur það tekist.
Nýjast
-
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður.
