27. nóvember - 4. desember - Tbl 48
BSO með frest fram á haust til að rífa húsið við Strandgötu
BSO við Strandgötu hefur fengið frest til 1. október næstkomandi til að fjarlæga húsið. Fyrirtækið þarf að kosta niðurrifið og hverfa á brott bótalaust. Engin framtíðarstaðsetning er enn í sjónmáli. Mynd/MÞÞ
mth@vikubladid.is
„Það er engin lausn í sjónmáli sem stendur,“ segir Margrét Imsland framkvæmdastjóri Bifreiðastöðvar Oddeyrar, BSO, en á liðnu ári var fyrirtækinu gert að fjarlæga húsið sem hýsir starfsemina fyrir 1. apríl. BSO hefur nú fengið frest til 1. október næstkomandi til að fjarlæga hús sitt við Strandgötu en framtíðarstaðsetning hefur enn ekki fundist. „Þetta er pattstaða, við höfum bent á staði og bærinn á aðrar en ekki náð sameiginlegri niðurstöðu.“ Húsið þarf að víkja vegna nýrrar uppbyggingar á svæðinu.
Margrét segir að næstu mánuðir verði nýttir til að leita að nýjum stað og vonandi náist farsæl lausn fyrir alla. „Við vitum að þetta er vinsæll og dýr reitur í bænum og höfum ekki neitt á móti því að víkja af honum. En það er auðvitað súrt í broti að bærinn ætlast til þess að við rífum húsið á eigin kostnað og okkur gert að hypja okkur á brott bótalaust. Né heldur virðist hentug ný staðsetning vera í boði fyrir okkur. Þetta er heilmikil klípa,“ segir hún en fyrirtækið hafi lagt út í töluverðan lögfræðikostnað vegna málsins.
Hún segir mikið um að fólk komi við og eigi alls konar erindi, það fái að bíða í afgreiðslunni eftir strætó, bæði innanbæjar og utan og eins komi ferðamenn í töluverðum mæli til að leita upplýsinga um t.d. norðurljósa – eða hvalaskoðunarferðir eftir að upplýsingamiðstöð var lokað. „Við reynum að gera okkar besta og sinna öllum. Draumurinn er að það verði hægt að setja upp eins konar samgöngumiðstöð þar sem allir væru á sama bletti, leigubílar, strætó og litlu fyrirtækin sem bjóða upp á slíkar ferðir,“ segir Margrét.
20 stöðuleyfi en einungis 14 í akstri núna
Alls eru 20 stöðuleyfi á BSO, en staðan þannig að 16 leyfi eru virk og þar af eru einungis 14 í akstri um þessar mundir. Margrét segir heimsfaraldurinn hafa komið illa við reksturinn og eigi sinn þátt í fækkuninni. „Þetta hefur verið strembið og mikið púsl að koma öllu heim og saman. En líklega ekki neitt hjá því sem vænta má á komandi sumri, fjöldi ferðamanna í bænum, innlendra og erlendra á næstu mánuðum gæti verið 250 til 300 þúsund og öllum ljóst að 14 leigubílar eiga meira en fullt í fangi með að anna væntanlegri eftirspurn,“ segir Margrét. Hún bætir að einnig sé undirmannað í afgreiðslunni, margbúið sé að auglýsa eftir fólki en enginn svari. „Það er eins og fólk sé hrætt við að fara út á vinnumarkaðinn núna, ég hef heyrt þetta frá fleiri fyrirtækjum sem eiga í erfiðleikum með að fá fólk í vinnu. Við sjáum fyrir okkur að álagið muni aukast til muna, en auðvitað er það þannig að enginn getur unnið sólarhringum saman án hvíldar.“ Við hreinlega þurfum bæði fólk í afgreiðsluna og nýja leigubílstjóra inn á stöðina . Og vil ég því hvetja alla sem hafa áhuga á að vinna sem leigubílstjóri endilega koma og spjalla við okkur , við hljótum að geta fundið lausn saman .
Nýjast
-
Akureyri - Opnun jólatorgsins og ljósin tendruð á jólatrénu
Hátíðleg stund verður á Ráðhústorginu á sunnudaginn, fyrsta sunnudag í aðventu, þegar ljósin verða tendruð á jólatré bæjarbúa og splunkunýtt jólatorg verður opnað. -
Jólin koma, jólin koma!
Starfsfólk skógræktarfélaga hefur í nógu að snúast þessa dagana við undirbúning jólanna en sala á jólatrjám hefst innan tíðar. Hér eru þau Sigurður Ormur, Ólöf, Benedikt, Huldar og Bergsveinn með rauðgreni jólatré sem þeir Benedikt og Huldar frá Skógræktinni á Vöglum færðu kollegum sínum í Skógræktarfélagi Eyjafjarðar. -
Þingför eða aðför?
Kjördagur nálgast óðfluga, frambjóðendur með þingmanninn í maganum keppast við að ná augum og eyrum kjósenda, það er engin gúrkutíð hjá fjölmiðlum landsins meðan á kosningabaráttu stendur. Og athygli beinist að sumum frekar en öðrum, stundum fyrir ábyrðarlausan málflutning, hnyttin slagorð eða jafnvel forkastanlega hegðun. -
Jólasöfnun Velferðarsjóðs Eyjafjarðarsvæðis hafin
Stöðug fjölgun er í hópi þeirra sem óska eftir aðstoð Velferðarsjóðs Eyjafjarðarsvæðis. Úthlutað er úr sjóðnum yfir allt árið þó flestir sækist eftir aðstoð fyrir hátíðarnar. Fyrir jólin 2023 barst metfjöldi umsókna en með góðum stuðningi frá fyrirtækjum, félagasamtökum og einstaklingum var hægt að styðja við þau heimili sem þurftu hjálp. Stjórn sjóðsins gerir ráð fyrir að umsóknir nú verði síst færri en í fyrra. Hjálparstarf kirkjunnar, Hjálpræðisherinn á Akureyri, Mæðrastyrksnefnd Akureyrar og nágrennis og Rauði krossinn við Eyjafjörð hafa frá árinu 2013 haft samstarf um jólaaðstoð á Eyjafjarðarsvæðinu og síðustu þrjú ár hefur samstarfið verið yfir allt árið. -
Opnar dyr í Eyjafjarðarsveit
Ferðamálafélag Eyjafjarðarsveitar stendur fyrir viðburði sem nefnist Opnar dyr á laugardag, 30.nóvember og nú í fimmta sinn. Markmiðið með þessum viðburði er að kynna þá starfsemi sem er í sveitinni og bjóða uppá tækifæri til að versla beint við framleiðendur og fyrirtæki. -
Hollvinir SAk gefa öndunarmælingatæki
Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki, tækið nýtist við greiningu, meðferð og eftirlit lungnasjúkdóma Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu. -
Að kjósa annað en Framsókn er að kjósa kyrrstöðu eða afturför í heilbrigðismálum.
Frá árinu 2022 og til 2023 fjölgaði valkvæðum liðskiptaaðgerðum á Íslandi um rúmlega átta hundruð aðgerðir. Meðal tíminn sem að hver sjúklingur þurfti að eyða á biðlista var yfir níu mánuðir. Það er því í raun vel skiljanlegt að þessir biðlistar hafi lengst til mikilla muna vegna einfaldlega hinnar gríðarlegu fjölgunar á liðskiptaaðgerðum. -
Tími til að gleðjast með fjölskyldunni
Aðventuhátíðin Jólabærinn minn á Húsavík -
Njál Trausta áfram sem þingmann okkar í Norðausturkjördæmi
Njáll Trausti Friðbertsson er í baráttusæti Sjálfstæðisflokksins í þeim tvísýnu þingkosningum sem framundan eru.
