27. nóvember - 4. desember - Tbl 48
Borgarhólsskóli á Húsavík varð í dag símalaus skóli
Mynd fengin af vef Borgarhólsskóla
Í dag varð Borgarhólsskóli á Húsavík símalaus skóli. Tilkynnt var um þetta á vef skólans. „Breyttir tímar kalla á breytta nálgun og nú hefur verið tekin sú ákvörðun að leggja símum nemenda í skólanum til hliðar. Frá og með deginum í dag er Borgarhólsskóli símalaus skóli. Nemendum í fyrsta til og með tíunda bekk verður óheimilt að nota farsíma á skólatíma. Við viljum búa til þá menningu að hann sé ekki uppi við. Verkefnið mun taka tíma en það er mikilvægt að muna að síminn er besti vinur sumra nemenda og margir eru háðir notkun hans,“ segir í tilkynningunni, sem sjá má hér.
Ástæðan fyrir símabanni nemenda á skólatóma er sögð vera þá að síminn bæti litlu við hvað varðar nám nemenda og sé því óþarfur.
„Viðfangsefnið er símalaus skóli í samstarfi við nemendur. Um leið þurfum við að styðja við nemendur félagslega, kenna þeim tilveruna án símans og vera þeim fyrirmynd. Markmiðið er að auka samskipti nemenda án síma, stuðla að streituminna umhverfi og efla einbeitingu. Ef foreldrar þurfa að ná sambandi við börnin sín á skólatíma á að gera það í gegnum skrifstofu skólans. Dagurinn í dag gekk reglulega vel hjá nemendum,“ segir í tilkynningunni.
Þá er greint frá því að ef síminn truflar nemanda á skólatíma verði honum boðið val um að afhenda starfsmanni símann eða honum sé fylgt til ritara þar sem nemandinn afhendir tækið til geymslu. Kjósi nemandi að hafna þessu er hringt í foreldri sem sækir tækið í skólann.
„Við óskum eftir að foreldrar ræði þessa breytingu og framhaldið við nemendur enda samvinnuverkefni milli heimilis og skóla. Það er okkar trú að þetta sé heillaskref fyrir nemendur sjálfa,“ segir í niðurlagi tilkynningarinnar á vef Borgarhólsskóla.
Nýjast
-
Atkvæði Grímseyinga komin til Akureyrar
Anna María Sigvaldadóttir formaður kjörstjórnar í Grímsey sigldi og ók með atkvæði úr eynni til Akureyrar þar sem Helga Eymundsdóttir formaður kjörstjórnar á Akureyrar tók við þeim. Eftir að Anna María hafði afhent kjörgögn kaus hún sjálf utan kjörfundar á Akureyri. Alls eru 49 á kjörskrá í Grímsey -
Akureyri - Opnun jólatorgsins og ljósin tendruð á jólatrénu
Hátíðleg stund verður á Ráðhústorginu á sunnudaginn, fyrsta sunnudag í aðventu, þegar ljósin verða tendruð á jólatré bæjarbúa og splunkunýtt jólatorg verður opnað. -
Jólin koma, jólin koma!
Starfsfólk skógræktarfélaga hefur í nógu að snúast þessa dagana við undirbúning jólanna en sala á jólatrjám hefst innan tíðar. Hér eru þau Sigurður Ormur, Ólöf, Benedikt, Huldar og Bergsveinn með rauðgreni jólatré sem þeir Benedikt og Huldar frá Skógræktinni á Vöglum færðu kollegum sínum í Skógræktarfélagi Eyjafjarðar. -
Þingför eða aðför?
Kjördagur nálgast óðfluga, frambjóðendur með þingmanninn í maganum keppast við að ná augum og eyrum kjósenda, það er engin gúrkutíð hjá fjölmiðlum landsins meðan á kosningabaráttu stendur. Og athygli beinist að sumum frekar en öðrum, stundum fyrir ábyrðarlausan málflutning, hnyttin slagorð eða jafnvel forkastanlega hegðun. -
Jólasöfnun Velferðarsjóðs Eyjafjarðarsvæðis hafin
Stöðug fjölgun er í hópi þeirra sem óska eftir aðstoð Velferðarsjóðs Eyjafjarðarsvæðis. Úthlutað er úr sjóðnum yfir allt árið þó flestir sækist eftir aðstoð fyrir hátíðarnar. Fyrir jólin 2023 barst metfjöldi umsókna en með góðum stuðningi frá fyrirtækjum, félagasamtökum og einstaklingum var hægt að styðja við þau heimili sem þurftu hjálp. Stjórn sjóðsins gerir ráð fyrir að umsóknir nú verði síst færri en í fyrra. Hjálparstarf kirkjunnar, Hjálpræðisherinn á Akureyri, Mæðrastyrksnefnd Akureyrar og nágrennis og Rauði krossinn við Eyjafjörð hafa frá árinu 2013 haft samstarf um jólaaðstoð á Eyjafjarðarsvæðinu og síðustu þrjú ár hefur samstarfið verið yfir allt árið. -
Opnar dyr í Eyjafjarðarsveit
Ferðamálafélag Eyjafjarðarsveitar stendur fyrir viðburði sem nefnist Opnar dyr á laugardag, 30.nóvember og nú í fimmta sinn. Markmiðið með þessum viðburði er að kynna þá starfsemi sem er í sveitinni og bjóða uppá tækifæri til að versla beint við framleiðendur og fyrirtæki. -
Hollvinir SAk gefa öndunarmælingatæki
Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki, tækið nýtist við greiningu, meðferð og eftirlit lungnasjúkdóma Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu. -
Að kjósa annað en Framsókn er að kjósa kyrrstöðu eða afturför í heilbrigðismálum.
Frá árinu 2022 og til 2023 fjölgaði valkvæðum liðskiptaaðgerðum á Íslandi um rúmlega átta hundruð aðgerðir. Meðal tíminn sem að hver sjúklingur þurfti að eyða á biðlista var yfir níu mánuðir. Það er því í raun vel skiljanlegt að þessir biðlistar hafi lengst til mikilla muna vegna einfaldlega hinnar gríðarlegu fjölgunar á liðskiptaaðgerðum. -
Tími til að gleðjast með fjölskyldunni
Aðventuhátíðin Jólabærinn minn á Húsavík
