20. nóvember - 27. nóvember - Tbl 47
Bókin Oddeyri, saga hús og fólk.
Bókin Oddeyri, Saga, hús og fólk Myndir MÞÞ
Kristín Aðalsteinsdóttir og Arnór Bliki Hallmundsson sendu frá sér bókina Oddeyri, Saga, hús og fólk á liðnu sumri. Fjölmenni mætti í útgáfuhóf sem efnt var til í Oddeyrarskóla og segja þau mætingu hafa farið fram úr björtustu vonum. Viðtökur hafi verið góðar, mikil og góð sala, einkum fyrstu vikur eftir útkomu. „Við stefnum á að taka fullan þátt í „jólabókaflóðinu,“ segja þau og eru glöð með hvað fólk er almennt ánægt með bókina og framtakið.
„Það virðist mikill áhugi á Oddeyrinni, hvort heldur sem er meðal núverandi íbúa eða brottfluttra enda margir sem eiga beinar eða óbeinar tengingar við svæði og eða ættartengsl, ýmist við Eyrina eða ákveðin hús,“ segja þau og telja það eðlilegt þar sem fólk hefur búið á Oddeyri í meira en 150 ár.
Þurfti ekki að hugsa mig um
Kristín gaf út bókina Innbær, hús og fólk árið 2017, þar sem tekin voru viðtöl við um 80 manns, íbúa í elsta bæjarhluta Akureyrar. Þeirri bók var sérstaklega vel tekið og er hún nú ófáanleg. Sumarið 2022 lagði hún drög að sams konar bók um Oddeyri, annað elsta hverfi bæjarins og flaug þá í hug að skrif Arnórs Blika um hús á Oddeyri féllu vel að hennar hugmynd. Hún hafði samband og viðraði hugmyndina og skemmst frá því að segja að honum leist vel á slíkt samstarf.
„Kristín hringdi í mig í ágúst í fyrra og ég þurfti aldeilis ekki að hugsa mig um. Ég sá að loksins hafði opnast tækifæri til að koma einhverjum af þessum skrifum mínum á prent. Ég hafði lengi verið hvattur til þess, en aldrei lagt í það,“ segir Arnór.
Viðtöl við 55 íbúa
Þau Kristín og Arnór sendu bréf til íbúa á Oddeyri, greindu frá hugmynd að bókinni og reyndu að fá í það minnsta þrjá til fjóra viðmælendur úr hverri götu sem búið er við. Þau taka fram að aldrei hafi staðið til að fjalla um hvert einasta hús á Oddeyri og viðtöl voru einungis tekin við núverandi íbúa og þá sem svöruðu bréfinu. Þannig sé ekki um ítarlega, allsherjar sögulega umfjöllun um Oddeyrina í heild að ræða. Í allt voru tekin 55 viðtöl við íbúa, skrifuð söguágrip húsa viðmælenda auk rúmlega 20 söguágripa um nokkur elstu hús Oddeyrar.
„Viðtökurnar við erindi okkar voru góðar,“ segir Kristín um upphafið og að þau Arnór hafi í kjölfarið hafist handa. Hann skrifaði sögulega þætti um hús fólksins og hún heimsótti þá sem voru tilbúnir að vera með, einstaklinga og fjölskyldur. „Við spjölluðum saman um lífið í húsinu, lífið á Eyrinni og ég tók myndir bæði af fólki og húsum. Frásagnir íbúanna eru ólíkar, þær snerta sumar hverjar sögu fólksins, eða eitthvað sem gerðist í húsinu, endurgerð þess eða atburði sem tengjast lífinu á Eyrinni, sumir rifja upp bernskuminningar eða eitthvað allt annað,“ segir Kristín. Með örfáum undantekningun fær hvert hús sem um er fjallað eina opnu í bókinni. Þar er að finna frásögn íbúanna, mynd af fólkinu og húsinu, stutta sögu húsanna eða eingöngu sögulegan fróðleik um húsin og mynd af því . „Ég er þakklát því fólki sem var tilbúið að taka á móti mér og segja mér sögu sína,“ segir hún.
Kristín Aðalsteinsdóttir og Arnór Bliki Hallmundsson hafa gefið út bókin Oddeyri, saga, hús og fólk. Hér eru þau á ferðinni í einni af elstu götum hverfisins, Lundargötu.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
