Björgunarþyrlan TF-LIF komin á sinn stað í Flugsafni Íslands
Björgunarþyrlan TF-LIF er nú orðin sýningarhæf og var þeim áfanga fagnað hjá Flugsafni Íslands á Akureyri og Öldungaráði Landhelgisgæslunnar.
„Í sumar hafa hollvinir safnsins unnið að því að gera þyrluna sýningarhæfa og nú þegar þeim stóra áfanga var náð var ákveðið að fagna tímamótunum með öllum þeim sem komið hafa að verkefninu,“ segir Steinunn María Sveinsdóttir safnstjóri Flugsafns Íslands. Þyrlan var seld sænsku varahlutafyrirtæki, eX-Change Parts AB, á síðasta ári. Fyrirtækið tók þá hluti úr þyrlunni sem taldir voru nýtilegir og gáfu síðan Flugsafni Íslands þyrluna til varðveislu. Jafnframt gáfu þeir safninu hluti sem hægt var að nota til að gera þyrluna sýningarhæfa
Fyrrum starfsmenn Landhelgisgæslunnar, þeir Gylfi Geirsson og Benóný Ásgrímsson nýttu tækifærið og fluttu ávörp af þessu tilefni.
Gylfi fór yfir aðkomu Öldungaráðsins að því að TF-LIF var komið á Flugsafnið og þeirra sem studdu verkefnið, þ.e. ET-flutningar sem fluttu þyrluna norður í mars, Eimskip og Samherji sem sáu um að koma varahlutunum frá Svíþjóð safninu að kostnaðarlausu, sem og Landhelgisgæslan, ISAVIA Akureyrarflugvelli og eX-Change Parts AB.
Benóný sem var lengi flugstjóri hjá Landhelgisgæslunni sagði frá því þegar þeir Páll Halldórsson flugstjóri flugu þyrlunni heim til Íslands í júní 1995, og fór yfir nokkur af þeim björgunarafrekum sem unnin voru á þyrlunni, s.s. þegar flutningaskipið Víkartindur strandaði árið 1995 og Baldvin Þorsteinsson EA 10 strandaði árið 2004.
Steinunn safnstjóri fór í sinni ræðu yfir það hversu mikilvægt væri að varðveita grip eins og TF-LIF sem gengt hefði afar mikilvægu hlutverki í íslenskri flugsögu. „Að varðveita grip eins og TF-LIF er draumur safnamannsins, því hún á sér svo merka sögu - bæði í stóra samhenginu en svo eiga margir persónulegar sögur, meðal annars fólk sem bjargað hefur verið með þyrlunni. Hún olli straumhvörfum í þyrlurekstri Landhelgisgæslunnar þegar hún kom til landsins árið 1995 og var ekki lengi að sanna gildi sitt,“ sagði hún. Má í því samhengi nefna að á fimm daga tímabili í mars 1997 bjargaði hún 39 skipbrotsmönnum í þremur skipssköðum. Á þeim 25 árum sem hún var í notkun bjargaði hún eða flutti í sjúkraflugi 1565 manns, „og hún skipar því stóran sess í bæði íslenskri flugsögu og íslenskri björgunarsögu.“
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
