Birkir Blær með tónleika á LYST í kvöld
Það eru alltaf tíðindi þegar Birkir Blær heldur tónleika í heimabænum og það vill svo vel til að í kvöld verður hann á LYST og hefjast tónleikarnir kl 21.00. Vefurinn truflaði Birki við undirbúning fyrir tónleikanna og spurði við hverju væri að búast á LYST í kvöld?
,,Það verður hlýtt og huggulegt á LYST í kvöld. Ég mun taka bæði mín eigin lög og gömul og góð soul lög. Ég verð bara einn á sviðinu en spila bæði á gítar og píanó og verð með allskonar græjur með mér í liði."
Birkir heldur áfram ,,Lyst er alveg einstaklega fallegur og skemmtilegur tónleikastaður og alltaf frábært að koma fram þar, Reynir er búinn að vera mjög öflugur í því að vera með menningarviðburði á þessum fallega stað! Það má svo sannarlega hrósa honum fyrir það."
Tónleikarnir hefjast sem fyrr sagði kl 21.00, enn eru nokkrir miðar eftir og má tryggja sér sæti með þvi að smella á meðfylgjandi slóð
https://lyst.is/vidburdir/birkir-blaer-a-lyst/
Nýjast
-
Brostnir draumar og óbilandi von - Með kveðjum frá Gaza
Í kjölfar viðtals sem Vikublaðið tók við Kristínu S. Bjarnadóttur og birt var í blaðinu og á vef á dögunum hefur hefur nokkuð verið um það að okkur hafi borist skilaboð gegnum Facbook frá fólki í neyð á Gaza. Lýsingarnar eru sláandi og gefa mynd af stöðu sem mjög erfitt er fyrir okkur sem höfum áhyggjur af snjókomu í september að ímynda okkur hvernig sé. Ein af þeim sem hefur sent okkur skilaboð er May Ashqar gift kona og móðir. May Ashqar kýs að skrifa okkur að mestu í þriðju persónu og er það gott og vel. -
Samhljómur um mikilvægi beins millilandaflugs
Mikill samhljómur er um mikilvægi þess að halda áfram að byggja upp beint millilandaflug um Akureyrarflugvöll auk þess að tryggja áframhaldandi vöxt þess sem komið er. -
,,Fylgist vel með veðurspám og takið mark á þeim“
Fyrst gul en svo appelsínugul viðvörun, ófærð á fjallvegum, slydda jafnvel snjókoma í byggð er það sem veðurspár boða. Það verður kalt og risjótt veður út vikuna. -
Nýr Hleðslugarður ON á Glerártorgi
Orka náttúrunnar hefur opnað Hleðslugarð á Glerártorgi. Þar geta viðskiptavinir hlaðið á 12 nýjum tengjum með afkastagetu allt að 480 kW á hverju tengi.Á stöðvunum er góður upplýsingaskjár og hægt er að velja leiðbeiningar á íslensku sem og öðrum tungumálum. Í Hleðslugarðinum var aðgengi fyrir öll haft í algeru fyrirrúmi segir í frétt ON. -
Skítaveður framundan
Það er óhætt að segja að eftir ágætisveður s.l. daga snúist heldur betur til hins verra og er útlit fyrir kulda, ringingu eða slyddu, og snjókomu til fjalla út komandi viku! -
Nýtt byggingasvæði við Lónsá í Hörgársveit Lóðir fyrir tæplega 40 íbúðir verða í boði
Góður gangur er í byggingu íbúða í Lónsbakkahverfinu í Hörgársveit en þar hefur fjöldi íbúða verið reistur undanfarin ár. Íbúar í hverfinu eru um 340 talsins um þessar mundir. Unnið er að því að skipulegga ný svæði til að unnt verði að bæta við lóðum undir nýjar íbúðir. Eins hefur áhugi fyrir að byggja á Hjalteyri aukist og lóðum þar verið úthlutað. -
Vinna við Leirustíg gengur vel
„Verkið gengur vel, það hefur verið mikill kraftur hjá verktakanum síðstliðinn mánuð og þetta skotgengur,” segir Jónas Valdimarsson verkefnastjóri hönnunar hjá Umhverfis- og mannvirkjaráði Akureyrarbæjar um nýjan göngu- og hjólastíg sem unnið er að við Leiruveginn. -
Árangur Völsungs gæti kallað á uppbyggingu
Karla og kvennalið Völsungs í fótbolta hefur verið að gera afar góða hluti í 2. deild í sumar og eru í bullandi baráttu um að vinna sér sæti í 1. deild að ári -
Tungumálakennsla er sértæk kennsla
Margir faglegir leiðtogar skóla líta ekki á tungumálanám sem sértækt nám. Þeir búa ekki vel að tungumálakennslu í þeim skólum sem þeir fara fyrir. Samt skipta tungumál miklu máli á komandi árum fyrir nemendur.
Athugasemdir