11. sept - 18. sept - Tbl 37
Greitt fyrir ávexti og mjólk í grunnskólum Akureyrar
Ávextir og grænmeti ættu að vera að allra borðum Mynd doktor.is
Bæjarráð Akureyri hefur samþykkt breytingar á gjaldskrám Akureyrarbæjar og taka þær gildi frá og með 1. september 2024. Samþykkt var að lækka gjaldskrár bæjarins í ljósi tilmæla ríkisstjórnarinnar og Sambands íslenskra sveitarfélaga frá því í vor um aðgerðir til að greiða fyrir kjarasamningum og stuðla að lækkun verðbólgu og vaxta.
Unnið hefur verið að útfærslu á gjaldskrárbreytingum síðustu mánuði, en bæjarstjórn hafði áður samþykkt að endurskoða þær hækkanir á gjaldskrá sem tóku gildi um síðastliðin áramót er varða barnafjölskyldur og fólk í viðkvæmri stöðu ásamt því að tryggja gjaldfrjálsar skólamáltíðir fyrir nemendur í grunnskólum sveitarfélagsins.
„Þrátt fyrir að skiptar skoðanir séu á því fyrirkomulagi sem lagt var til grundvallar aðkomu hins opinbera að kjarasamningum á almennum vinnumarkaði, þá er ljóst að niðurstaða um langtímasamninga hefur náðst og markmið þeirra um að stuðla að minnkun verðbólgu, lækkun vaxta sem og að auka kaupmátt heimila í landinu, eru mikilvæg,“ segir í bókun sem samþykkt var á fundi bæjarráðs.
Einnig segir að Akureyrarbær muni miða að því að hækkun á gjaldskrám verði ekki umfram 3,5% svo sem tilmæli eru um og er þá horft til barnafólks og fólks í viðkvæmri stöðu sem fyrr segir.
Áfram greitt fyrir ávexti og mjólk
Akureyrarbær skuldbindur sig til þess að tryggja gjaldfrjálsar skólamáltíðir fyrir nemendur í grunnskólum sveitarfélagsins í samstarfi við ríkisvaldið og með fyrirliggjandi kostnaðarþátttöku þess, frá og með ágúst 2024 til loka samningstímans.
Greitt verður áfram fyrir ávaxta- og mjólkuráskrift í grunnskólum bæjarins, en gjaldskráin verður lækkuð frá því sem ákveðið var um áramót. Þeir sem kaupa ávexti í skólanum greiða nú 2.089 krónur á mánuði og mjólkuráskriftin er á 923 krónur á mánuði eftir lækkun á gjaldskrá sem tekur gildi um næstkomandi mánaðamót.
Ávaxtastund á 63 krónur á dag
Hjá Eyjafjarðarsveit er hádegisverður gjaldfrjáls en fyrir annað er greitt samkvæmt upplýsingum frá sveitarstjóra, Finni Ingva Kristinssyni. „Sveitarstjórn átti ekki við verðskrána að öðru leiti en að gera hádegisverðinn gjaldfrjálsan,“ segir hann. Verðskrá hjá sveitarfélaginu er vísitölubundin og hækkar til samræmis við það í upphafi hvers skólaárs. Ávaxtastund í Hrafnagilsskóla í Eyjafjarðarsveit kostar 63 krónur á dag og síðdegishressing í frístund kostar 161 krónur á dag.
Ekki rukkað fyrir ávexti og mjólk
„Sveitarstjórn samþykkti fríar skólamáltíðir í Þelamerkurskóla sem þýðir að ekkert er innheimt fyrir hvorki hádegisverð, morgunverð, ávexti, mjólk né annað sem börnin fá á skólatíma,“ segir Snorri Finnlaugsson sveitarstjóri í Hörgársveit. Innheimt er fyrir hressingu í frístund eftir skóla, en það er valkvæð þjónustu sem boðið er upp á og foreldrar greiða fyrir hana.
Þórunn Sif Harðardóttir sveitarstjóri í Svalbarðsstrandahreppi segir að aldrei hafi verið rukkkað fyrir hressingu í grunnskólanum. Sérstakt gjald hafi áður verið fyrir hressingu í leikskóla og í frístund grunnskólans en það var afnumið um síðastliðin áramót.
Nýjast
-
Hver er Akureyri framtíðar?
Akureyri er blómlegur bær, með öll lífsins gæði; er mikilvæg miðstöð þjónustu og skýr valkostur fyrir þau okkar sem vilja búa í þægilegu borgarumhverfi á þessu landshorni frekar en öðru. Þannig viljum við örugglega öll hafa það og á þeim forsendum viljum við, held ég flest, að bærinn haldi áfram að vaxa og dafna. En hvað þarf til, og hvað getur komið í veg fyrir að bærinn sé og verði besta útgáfan af sjálfum sér? -
Ný heimasíða Bjarmahlíðar þolendamiðstöðvar fyrir þolendur ofbeldis er orðin að veruleika.
Síðan er styrktarverkefni nokkurra aðila og þar ber fyrst að nefna FKA félag kvenna í atvinnulífinu en fyrir tilstilli þessa félags sem Kristín Snorradóttir teymisstjóri Bjarmalíðar er aðili að fór boltinn að rúlla. Kristín lét það berast innan félagsins að hún sem teymisstjóri Bjarmahlíðar óskaði eftir styrkjum til þess að fara í að gera nýja heimasíðu. Viðbrögðin létu ekki standa á sér og Harpa Magnúsdóttir eigandi Hoobla bauðst til þess að auglýsa eftir aðilum sem væru tilbúnir til að vera með styrktarverkefni í heimasíðugerð í von um að fá einstaklega gott verð. Hoobla styrkti Bjarmahlíð með þessu og sá styrkur átti sannarlega eftir að margfaldast, mörg góð boð komu í verkið en fyrir valinu varð Vigdís Guðmundsdóttir vefhönnuður og Markaðssérfræðingur með meiru https://www.linkedin.com/in/vigdisgudmunds/ -
Akureyri - Leikskóli fyrir 160 börn verður byggður við Naustagötu í Hagahverfi
Í gær var undirritaður samningur Akureyrarbæjar og Húsheildar ehf. um hönnun og byggingu leikskóla við Naustagötu í Hagahverfi ásamt frágangi á leiksvæði, leiktækjum, bílastæði og öðru á lóð. -
Aðalsteinn Árni hættir sem stjórnarformaður Þekkingarnets Þingeyinga
Á aðalfundi Þekkingarnets Þingeyinga urðu þau tíðindi að Aðalsteinn Árni Baldursson steig úr stóli formanns stjórnar Þekkingarnetsins. Aðalsteinn, eða Kúti okkar, hefur leitt stjórn stofnunarinnar frá stofnun eða í ríflega 20 ár. Þar á undan átti hann meira að segja einnig sæti í stjórn Fræðslumiðstöðvar Þingeyinga, sem steig fyrstu skref í fullorðinsfræðsluþjónustu í héraðinu, áður en Þekkingarnetið tók þá starfsemi yfir. Aðalsteinn Árni óskaði ekki eftir áframhaldandi kjöri í stjórn á aðalfundi og lagði til að aðrir tækju við sínu hlutverki, þ.m.t. samstarfsfólk úr ranni aðila atvinnulífsins. -
Heilbrigðisstofnun Norðurlands rekin með 36 milljón króna afgangi á liðnu ári
„Þrátt fyrir að HSN glími við áskoranir í mönnun, eins og aðrar heilbrigðisstofnanir, þá er stofnunin afar heppin með starfsfólk sem er almennt mjög helgað og veitir fyrirtaks þjónustu. Á hverjum degi má sjá fjölbreyttan hóp starfsfólks lyfta grettistaki í margvíslegum störfum sínum,“ segir í skýrslu framkvæmdastjórnar Heilbrigðisstofnunar Norðurlands, HSN en ársfundur stofnunarinnar var haldin nýverið. -
Færri gistinætur í júní og ágúst en júlí var góður
„Í heildina hefur þetta ár komið ágætlega úr það sem af er,“ segir Ásgeir Hreiðarsson framkvæmdastjóri Hamra, útilífsmiðstöðvar skáta Akureyri. Fyrstu þrjá mánuði ársins var um 100% aukningu á milli ára að ræða og í aprílmánuði var fjöldi þeirra sem gisti á Hömrum svipaður og var árið á undan, „en það var í raun trúlega að mestu fyrir það að það snjóaði hraustlega í byrjun apríl og sá mánuður varð okkur þyngstur í snjómokstri,“ segir hann. -
Fréttatilkynning – Sniðgangan 14. september 2024
Sniðgangan 2024 verður gengin á höfuðborgarsvæðinu og Akureyri laugardaginn 14. september kl. 14:00. Sniðgangan 2024 verður farin til að vekja athygli á sniðgöngu fyrir Palestínu og mikilvægi þess að sniðganga Ísrael og ísraelskar vörur þar til stjórnvöld í Ísrael lúta alþjóðalögum og virða frelsi og réttindi Palestínumanna. Sniðganga er áhrifamikil og friðsamleg leið til að sýna palestínsku þjóðinni samstöðu og taka afstöðu gagnvart þeim sem hagnast á landráni, hernámi og stríðsglæpum ísraelskra stjórnvalda. -
Akureyrarvöllur - Vinna skal samkeppnislýsingu
Framtíðarnýting svæðisins sem í daglegu tali er nefnt Akureyrarvöllur var til umræðu á fundi skipulagsráðs í vikunni. -
Ævintýragarðurinn lokar eftir gott sumar
Ævintýragarðurinn við Oddeyrargötu 17 sem hefur verið opinn í allt sumar mun loka frá og með mánudeginum 16. september.
Athugasemdir