20. nóvember - 27. nóvember - Tbl 47
Ávarp til félagsmanna
Arna Jakobína Björnsdóttir.
Líkt og í fyrra er baráttudagur verkalýðsins, 1. maí, haldinn hátíðlegur við sérstakar aðstæður. Áhrif kórónuveirufaraldursins eru alls staðar merkjanleg, hvort heldur er í félagsstarfi, atvinnulífi, heimilislífinu eða daglegum athöfnum einstaklinga. Við þessar aðstæður sjáum við sem aldrei fyrr að samstaðan er það sem öllu máli skiptir. Með ágætri samstöðu landsmanna höfum við náð að forðast yfirálag á heilbrigðiskerfið, höfum verið samstíga í því að verja viðkvæmustu hópa samfélagsins og höfum á margan hátt geta notið meira frelsis en margar aðrar þjóðir.
Þó við gleðjumst öll yfir því að sjá ljósið við enda ganganna með auknum bólusetningum þá þurfum við alltaf að halda vöku okkar. Við búum í landi þar sem enginn þarf að líða skort. Nóg er til skiptanna í þessu gjöfula landi. Íslendingum er gestrisni í blóð borin og við höfum gjarnan á orði að það sé nóg til þegar við bjóðum gestum okkar að njóta veitinga. Við viljum deila og að aðrir njóti. Þessa hugsun skulum við hafa að leiðarljósi nú þegar baráttudagur verkalýðsins rennur upp. Við verðum að standa vörð um að þeir sem hafa nóg noti ekki tækifærið til að fá sér meira heldur deili með öðrum svo allir fái örugglega eitthvað. Í kjölfar samdráttarskeiðs verður uppbygging.
Þannig hefur það alltaf verið. Við þær aðstæður þarf að standa vörð til þess einmitt að allir njóti þess að hafa lagt á sig á samdráttarskeiðinu. Við munum alltaf berjast af krafti fyrir því í verkalýðshreyfingunni að fáir skammti sér ekki verðlaun fyrir góðan árangur og nýti sér þannig árangur af samtakamætti fjöldans. Það er fólkið sem á að njóta. Það er sannarlega nóg til skiptanna á Íslandi. Látum aldrei sannfæra okkur um annað. Afkoma samfélagsins á Íslandi á fyrri hluta 21. aldarinnar er með því allra besta sem þekkt er í sögunni ekki bara á Íslandi heldur í allri veröldinni. Við skulum með kraft samstöðunnar að vopni skipta þessum árangri með okkur af sanngirni vegna þess að með góðum vilja geta allir á Íslandi notið mannsæmandi lífskjara. Hægur er vandinn. Góðir félagar. Stéttarfélögin á Eyjafjarðarsvæðinu óska félagsmönnum sínum til hamingju með alþjóðadag verkalýðsins 1. maí.
-Arna Jakobína Björnsdóttir, formaður Kjalar og 1. maí nefndarinnar
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
